الموضوع: مقارنة شاملة بين الاسد الفرنسي Peugeot 508 والوحش الالماني OCTAVIA a7 الجديدة

المشاركة الأصلية كتبت بواسطة horas3000

مهو يا زعيم انت بتتكلم في فرق 10000 جنيه
و اعتقد الاوكتافيا تستاهلهم

و عموما ان جيت للحق
الاوكتافيا راحت عليها كده
و النجمه الجديده ( في حال الناس بطلت قلق من ال dsg) هي الرابيد
و هي اللي هتحل محل الاوكتافيا الحاليه سواء كفئة او كسعر
و هو ده سبب ارتفاع سعر الاوكتافيا في الاساس من وجهة نظري

بداية ال 508 تفرق الاتي:
مبلغ 10 آلاف + شكل اجمل + فيتيس اعتماديته عالية
ايه رايك دلوقتي؟؟ اكيد الحكاية تستاهل ان الواحد يفكر
غير كل ده المفروض اكتافيا ماركة اقتصادية ولا ايه؟
ثم ان من 5 شهور فاتت كان الفرق بين الفانتازيا اعلي فئة وال 508 مبلغ محترم = 30 الف لصالح الاكتافيا ازاي بقي الوضع يتقلب بالطريقة دي رغم ان العربية الجديدة اغلي من اللي قبلها ب 500 يورو فقط

سياسة التسعيرفي مصر مش مبنية علي حساب التكلفة والدليل ((قالوله))

تقبل تحياتي

المشاركة الأصلية كتبت بواسطة eleanor

1-انا بعتذر لو كان كلامى ضايقك او كان بطريقه مش كويسه
2- حضرتك البيجو 508 نفس فئه الباسات فازاى حضرتك طلعت الباسات من المقارنه وخليت البيجو
3-انا عارف التقرير كويس واللى كان كاتبه الاستاذ احمد فهمى
4- 316 و سى كلاس فئه اصغر من البيجو 508 والفولكس الباسات من ناحيه الحجم

ابدا يا فندم لا اعتذار ولا حاجة
ليه بس كده هو جري ايه

اما بالنسبة للباسات انا مطلعتهاش من المقارنة ولا حاجة لان ببساطة هي في نفس الفئة السعرية وزي ما اتفقنا حنتكلم عن الفئة السعرية مع الاخذ في الاعتبار الفئة الفنية

اما بالنسبة للبيمر 316 هي دفع خلفي اساسا وسيارة رياضية وفنيا هي فئة تانية خالص لكن طول ما هي في نفس الفئة السعرية حناخدها بردو وعانا واحنا بنفكر


اراءك ومداخلاتك علي راسي يا باشا
تقبل تحياتي

المشاركة الأصلية كتبت بواسطة Moratoz

مجهود رائع بجد مشكور وجهد متميز

المشاركة الأصلية كتبت بواسطة nolove780

بجد مجهود رائع بس كنت عايز اسئل حضرتك الاسعار ديه موكده عشان لسه سال عند الموزع نور الدين الشريف قالي الاسعار هتبدا من بعد 250 الف
وتاني حاجه الفئه السبورت اتوماتك اللي هيا ب 241 الف مفهاش زينون؟؟؟!! وعايز اشوف صوره لمنظر الكاست بتاعها

انا اختياري اكتافيا عربيه عمليه وقطع غيرها متوفره جدا ووكيلها محترم يافرحتي اجيب بيجو واحتاس في قطع الغيار

وياريت حضرتك تاكدلي ان الاسعار ديه اجتهدت فيها ولا فعلا هتنزل كدا

وشكرا لمجهودك

دي الاسعار المبدئية من التوكيل ولاكنها غير رسمية بعد

المشاركة الأصلية كتبت بواسطة K.Ossama

تصميم الاوكتافيا جميل بس قدييييييم اتعمل كذه مرة خلاص فى اودى والجيتا والسكودا نفسهم.
كمان موضوع الdsg ده اللى مش باين له حل ده مستحيل. اللى يتلسع منه مش ممكن يفكر فى تانى.
فأنا مش مع الوكتافيا الصراحة.
بالنسبة لباقى الاختيارات، حطلع الباسات والجيتا علشان الفتيس برضو.
البيجو رائعة بس شكلها من الامام مش بيريحنى (يعنى لو هى، لا اخد السيتروين c5 كشكل، واهو يبقى فرنساوي بفرنساوي)
الفولفو روعة فى كل حاجة، والواحد يبقى راكب لمزاجه
البيمر تحقق المعادلة الصعبة بس برضوا فيها عيب (ما هو ما فيش حاجة كاملة)، صغيرة من جوه حبتين مقارنة بالباقى

بالنسبة للتصميم سامحني قديم ازاي يعني؟
اما بالنسبة للفيتيس فهو كارثة فعلا وهو ده اللي حيقصف امل العربية
بالنسبة للبيجو انا شايفها حلوة جدا جدا (ازواق)
باقي كلام معاليك 100%


تقبل تحياتي