من الامارات : بيجو 508 ولا بي دبليو 316 i

اقتباس:

---

المشاركة الأصلية كتبت بواسطة hosam_optrawy

exclusive فى مصر دى احلى فئه اساسا :)

توكل على الله فى ال 316i

---

والله انا عاجباني بس حاسسها فاضية من جوة يعني اللي هاكسبه في البيجو عنها : الفرامل الكهربا و الجنوط 18 مش 16 وفتحة سقف وفرش جلد طبيعي مش صناعي والشاشة اللي بتطلع من الطابلوه والليدات والزينون والتكيف الرباعي المناطق والكاميرا ورا المراية اللي بتحدد بعد العربيات عنها وتوطي وترفع النور لوحدها واعتقد في فوانيس متكيفة اللي بتتحرك مع الدركسيون والموتور 156 حصان والعزم اللي اكبر بحبة كويسين 20 نيوتن والشنطة الاكبر وفي حاجة بس مش متأكد منها اللي هيا التدليك في كرسي السائق و الارتفاع عن الارض الاكبر ........ اما لو هاخد البي ام يبقي عشان : استهلاك وقود اقل والعزل و اسم البي ام لبعض الناس بس مش ليا واعتقد ان ضمانها دولي .....وده كان رأيي بحايدية فأنا اشوف البيجو افضل

البيجو كرأي ليس الا ..

متحصرش نفسك فى عربيات معينة علشان موتور 1600 سي سي علشان تنزلها مصر

العربية البيجو 508 تمنها فى مصر 260 الف جنيه

طيب فى الامارات كام 110 الف درهم والدرهم ب 1.92 النهارده يعنى تمنها من غير جمارك 211 الف جنيه

قول هتنزلها بعد 5 سنين وهتاخد خصم 30% على تمنها يبقى الجمرك هيبقى 0.67 * 211* 0.7 هيطلع 98 الف جنيه جمرك

يبقى انت هتدفع 211 الف جنيه تمنها + 98 الف جمارك يعنى واقفة عليك ب310 الف

موضوع تنزيل العربية اصبح غير مجدى الا لو انت ليك معارف فى الجمارك ويقدروا يعملولك تخفيض جامد على الجمارك

نصيحتى اركب اللى على مزاجك فى الامارات

ولما تنزل مصر اشترى جديد

اقتباس:

---

المشاركة الأصلية كتبت بواسطة محمد عز

متحصرش نفسك فى عربيات معينة علشان موتور 1600 سي سي علشان تنزلها مصر

العربية البيجو 508 تمنها فى مصر 260 الف جنيه

طيب فى الامارات كام 110 الف درهم والدرهم ب 1.92 النهارده يعنى تمنها من غير جمارك 211 الف جنيه

قول هتنزلها بعد 5 سنين وهتاخد خصم 30% على تمنها يبقى الجمرك هيبقى 0.67 * 211* 0.7 هيطلع 98 الف جنيه جمرك

يبقى انت هتدفع 211 الف جنيه تمنها + 98 الف جمارك يعنى واقفة عليك ب310 الف

موضوع تنزيل العربية اصبح غير مجدى الا لو انت ليك معارف فى الجمارك ويقدروا يعملولك تخفيض جامد على الجمارك

نصيحتى اركب اللى على مزاجك فى الامارات

ولما تنزل مصر اشترى جديد

---

والله بفكر في كدا خصوصا ان انا هنزلها السنة دي طب رأي الاعضا۶ بيجو 508 من مصر ولا فولفو s60

اقتباس:

---

المشاركة الأصلية كتبت بواسطة عمرو سامي

لا يا باشا ما انا عارف ان في السعر ده في ياما بس هنعمل اية في جمارك بلدنا دول كلهم 2000 cc او اكبر وبعدين اليوزد ما ينفعش ينزل مصر

---

لو بتفكر فى كدا يبقى حرام اشتري من مصر احسن
انا نزلت عربيتين واحده خلصتها لانسر بومه كويتي دفعت 67 الف جمارك لو اشتريتها من هنا وقتها كانت هتبقى اغلى 15 الف من تكلفتها علي يعني غلب وقرف على مفيش لانى مفيش معاي ضمان ليها 5*3=15 يبقى هي هي

والتانيه كاميري 2010 فاضيه الجمارك كانوا بتكلموا فى 270 الف جمرك وضريبه مبيعات وده مكتب بيخلص المعاملات اللى قال السعر

وفى الاخر رجعتها وريحت دماغي وبعتها هناك

فانت فى الامارات اركب لدماغك فى الامارات شوفلك موستانغ او tt او كتير تحت ال100 الف درهم تجيبلك عربيات ركوبه فعلا

فى مصر اشتريلك بقى عربية لطرق مصر

لكن حرام هتتعب نفسك وفى الاخر هتطلع هي هي

وسوق الامارات فى المستعمل حلو

ولو على مالك اول اعتقد سلطنة عمان كل العربيات فيها مالك اول :) بس هتقع فى مشكلة موديل السنه ولازم تسجلها فى القنصليه فى سنة انتجاها باسمك

وبالتوفيق ان شاء الله

اقتباس:

---

المشاركة الأصلية كتبت بواسطة dem0

لو بتفكر فى كدا يبقى حرام اشتري من مصر احسن
انا نزلت عربيتين واحده خلصتها لانسر بومه كويتي دفعت 67 الف جمارك لو اشتريتها من هنا وقتها كانت هتبقى اغلى 15 الف من تكلفتها علي يعني غلب وقرف على مفيش لانى مفيش معاي ضمان ليها 5*3=15 يبقى هي هي

والتانيه كاميري 2010 فاضيه الجمارك كانوا بتكلموا فى 270 الف جمرك وضريبه مبيعات وده مكتب بيخلص المعاملات اللى قال السعر

وفى الاخر رجعتها وريحت دماغي وبعتها هناك

فانت فى الامارات اركب لدماغك فى الامارات شوفلك موستانغ او tt او كتير تحت ال100 الف درهم تجيبلك عربيات ركوبه فعلا

فى مصر اشتريلك بقى عربية لطرق مصر

لكن حرام هتتعب نفسك وفى الاخر هتطلع هي هي

وسوق الامارات فى المستعمل حلو

ولو على مالك اول اعتقد سلطنة عمان كل العربيات فيها مالك اول :) بس هتقع فى مشكلة موديل السنه ولازم تسجلها فى القنصليه فى سنة انتجاها باسمك
شكرا لرد حضرتك وربنا يسهل فعلا موضوع الضمان ده مهم والواحد هيخسره :( المشكلة ان انا عاوز عربية تحت ال 300 الف و واسعة و تستحمل الطرق وفيها راحة و رفاهية وده مش موجود في السعر ده وطبعا ميكونش كوري خالص

وبالتوفيق ان شاء الله

---

هات الكامري الجديدة صحيح شكلها مش قد كده بس تقدر تبيعها بعد كده كويس و لما تنزل مصر هاتلك اوكتافيا وسيبك من حوار اشتري عربية و اجمركها عشان هتقف عليك بفلوس اكتر من ما تشتريها من مصر

اقتباس:

---

المشاركة الأصلية كتبت بواسطة ياريساوي

هات الكامري الجديدة صحيح شكلها مش قد كده بس تقدر تبيعها بعد كده كويس و لما تنزل مصر هاتلك اوكتافيا وسيبك من حوار اشتري عربية و اجمركها عشان هتقف عليك بفلوس اكتر من ما تشتريها من مصر

---

ما انا معايا هوندا سيتي دلوقتي بس الاكتافيا الجديدة راكبة دماغي بس الفتيس dsg مرعب

اقتباس:

---

المشاركة الأصلية كتبت بواسطة محمد عز

متحصرش نفسك فى عربيات معينة علشان موتور 1600 سي سي علشان تنزلها مصر

العربية البيجو 508 تمنها فى مصر 260 الف جنيه

طيب فى الامارات كام 110 الف درهم والدرهم ب 1.92 النهارده يعنى تمنها من غير جمارك 211 الف جنيه

قول هتنزلها بعد 5 سنين وهتاخد خصم 30% على تمنها يبقى الجمرك هيبقى 0.67 * 211* 0.7 هيطلع 98 الف جنيه جمرك

يبقى انت هتدفع 211 الف جنيه تمنها + 98 الف جمارك يعنى واقفة عليك ب310 الف

موضوع تنزيل العربية اصبح غير مجدى الا لو انت ليك معارف فى الجمارك ويقدروا يعملولك تخفيض جامد على الجمارك

نصيحتى اركب اللى على مزاجك فى الامارات

ولما تنزل مصر اشترى جديد

---

معلش استاذ محمد يا ريت انت حسبت الجمارك ازاي
انا معايا لانسر وعاوز اعرف كام الجمرك حيبقي عليها

أنا رأيي حضرتك بما انك معاك عربية حاليا و مش محتاج ضروري بيبقى تنتظر لحد ما تنزل مصر و تبقى تشتري من هنا

علشان موضوع الجمارك و بهدلتها و العربية هتقف اغلى من سعرها هنا