* يـا تـرى ايـه أنـظـف عـدة صـوت مـمـكـن تـجـيـبـهـا *

السلام عليكم
انا عايز اخد راى الناس هنا فى ( عدة الصوت ) .
يا ترى ايه احسن عده صوت انت شفتها ؟
وايه احسن نوع ؟
ولو عايز تجمع عده صوت هتجمع ايه ؟
ايه ارخص نوع وايه اغلى نوع ؟
...
كمان فى شويه صور لعدد الصوت الكامله مش التجميع هوريهالكم ...
لان انا مبحبش التجميع يعنى واحد يجيب بازوكا نوع والسماعات نوع تانى
والكاسيت نوع تانى وال جى ام نوع تانى وسماعات الشماسات نوع تانى خاااالص ...
افضل كله مع بعضه ماركه واحده احسن .
وعلى فكره انا شفت قبل كده موقف ظريف جداااا فى اسكندريه.
كنت ماشي مرة ولقيت مرة واحده عربيه لانسر 98 جابت مساعدين وراااا والعربيه هبطت مرة واحده واللى راكبين جوه عمالين يتنططوا جواها من الدبه بتاعت السماعات
كان موقف ظريف اوووى بس الواد ده كان مبالغ اوى فى السماعات اللى مركبها كتير جدااا:biggrinjester: ...

المهم اسيبكم مع شويه الصور دول ..

http://x5up.com/uploads/thumbs/x5upfcd1fa6320.jpg
..
http://x5up.com/uploads/thumbs/x5up9cdd305c2d.jpg
..
http://x5up.com/uploads/thumbs/x5up4324cd3116.jpg
...

ده بقي داخل حرررب.

http://x5up.com/uploads/thumbs/x5upf2552bdc9e.jpg

هنتظر ارائكم وخبرتكم...:chef::chef::chef:.

اقتباس:

---

المشاركة الأصلية كتبت بواسطة termonitor

ده بقي داخل حرررب.

http://x5up.com/uploads/thumbs/x5upf2552bdc9e.jpg

هنتظر ارائكم وخبرتكم...:chef::chef::chef:.

---

انا كنت حاطط بازوكتين JBL و4 سماعات بايونير و2 جى ام JBL وهيد يونيت بايونير
وزيرو باور كلاريون وشماستين كلاريون
(الكلام ده كنت حاطه فى عربيتى ال 132 ودلوقتى مش حاطط كتير فى النوبيرا)

واشد عده انا ركبتها كان صندوق بانش صبين 15 اوريجينال و2 جى ام ماركة بانش
الصبين دول وهما شغالين لو حد جمبى بيتكلم صوته بيقطع من ترددات البيز:laugh6:
بس ابويا قالى يا انت يا الصندوق اللى فى شنطة العربية :laugh6:
ومن اغلى الماركات البانش (ركفورد فوسكيت حاليا ) دى تاخد منها صبات وجى إمات تهد العربية
والألباين دى تاخد منها صبات
بايونير فى الهيد يونيت تاخد منه صوت نقى وقوى والسماعات
وال JBL صبات وسماعات وجى إمات
وهبقة ارفعلكو صور الحاجة اللى عندى

يا خبر ابيض انت لسه سليم لحد دلوقتى :freakedout:
مجرلكش حاجه من البيز ده على الكلام ده انت اكيد تطلع بيتك مش شايف حاجه
من الصووت .....
وكمان اكبر مشكله فى الحاج الوالد :laugh6: علشان صاحبي كان مركب عده جامده اوى برده وقال يعمل لوالده مفاجاه تانى يوم الصبح...
والده نزل تانى يوم لقه الكاسيت جديد قال الواد ده ميه ميه ... برافو عليك يابنى .
راح مشغل قران ..:laugh6::laugh6::laugh6: الناس راحوا عزوه :laugh6: وكان هيطرش بسببه .:laugh6:
وشال العده فى الاخر لحد ما جاب عربيه ليه :batman:.
وان شاء الله تجيب عربيه احسن من النوبيرا يا عم .

ههههههههههههه تسلم ياباشا
بس محدش بيركب العربية غيرى حتى لو الوالد رايح مشوار انا اللى بروح اوصله واجيبه
وبعرف اتحكم فى كل حاجة من الكاسيت وعلى فكره انا مش بعلى الصوت جامد زى منتا فاهم
بسمع على ادى وعلى فكره الصوت لو نقى مش هتصدع منه مهما تعلى الصوت
وهى دى ميزة الاجهزة اللى فيها كنترول صب بقدر اقفل صوت الصبات نهائى واشغل السماعات بس
ولا كأنى مركب عده
المشكلة بس ان الصبات كانت قافلة الشنطة ع الاخر

اقتباس:

---

المشاركة الأصلية كتبت بواسطة kodak_gti

بس محدش بيركب العربية غيرى حتى لو الوالد رايح مشوار انا اللى بروح اوصله واجيبه

---

هههههههههه ايه يا عم البلطجه دى .. :freakedout::freakedout::freakedout:
امال لو حد قالك هات لفه هتعمل فيه ايه ؟؟؟ :cuss::cuss::cuss::cuss::cuss::cuss:

لا والله مش بلطجة بس والدى ظهره تاعبه مش بيسوق ومفيش غيرى فى البيت
واخويا الاكبر منى مسافر مش قاعد معانا
اديك عرفت اسرار البيت
لو تحب اقولك انا اتغديت ايه النهاردة اقولك :tt2:

لا يا عم انا اتغديت الحمد لله مش عايز اعرف ....
بس انا كنت عايز لفه بالعربيه :freakedout: عشان كده سالتك لو حد قالك هات لفه هتعمل فيه ايه ؟؟؟ :biggrinjester::biggrinjester::biggrinjester:.
وبالصحه للوالد ان شاء الله ...:original:

اقتباس:

---

المشاركة الأصلية كتبت بواسطة kodak_gti

لا والله مش بلطجة بس والدى ظهره تاعبه مش بيسوق ومفيش غيرى فى البيت
واخويا الاكبر منى مسافر مش قاعد معانا
اديك عرفت اسرار البيت
لو تحب اقولك انا اتغديت ايه النهاردة اقولك :tt2:

---

حسام باشا انا مستنيك تقول علي الاسعار في التوفيقيه , انا مستعجل علي الشراء

ياأمير بك والله بعتذر
وتم الرد فى موضوعك وعلى الخاص كمان

كتر الف خيرك