علمى رياضة ولا علمى علوم

السلام عليكم


باختصار انا خلصت تانيه ثانوى على خير و الحمد لله

وداخل السنه دى تالته بمشيئة الله يعنى المرحله الفاصلة فى حياتى

وده نظام الثانوية العامه الجديد اللى هيطبق عليا


انا محتار جدا ادخل علمى رياضة ولا علمى علوم


لو علمى علوم يبقى المفروض انى راسم على طب او صيدله

وانا الصراحه مليش فيهم خالص و بالاساس الطب

على الرغم انى والدى ووالدتى دكاتره

الا انى برده مليش فى الطب مش عارف ليه

بس ليه فى الهندسه

وميال اكتر لعلمى رياضة



المشكلة بقى ان السنه دى اللى هيدخل علمى علوم هياحج الماده التخصصيه اللى هى احياء

ولكن بالنظام الجديد هياخدوا حوال 5 او 6 ابواب من اصل 16 تقريبا

لانى درست نصهم فى تانيه اجبارى


لو علمى رياضى هاخد ميكانيكا - جبر - تفاضل و تكامل و مش فاكر ايه تانى

يعنى منهج كبير جدا

حتى فى جدول الامتحان انا الرياضى هاخدلها 3 ايام تقريبا


بتوع العلوم هو يوم واحد


انا صليت استخاره و كتبت علمى رياضه

ولكن لسه الفرصه ادامى انى اغير


فانا محتار جدا اختار ميييييييين

؟؟؟

بص الطب دماغ تانية و سكة طويلة عليك
لو تدخلها لازم تكون بتحبها
انا في ستة طب

لكن انا شايف انك تخليك في الي انت بتحبه عشان تقدر تستحمل دراسته
و بالتوفيق

اقتباس:

---

المشاركة الأصلية كتبت بواسطة ehab

بص الطب دماغ تانية و سكة طويلة عليك
لو تدخلها لازم تكون بتحبها
انا في ستة طب

لكن انا شايف انك تخليك في الي انت بتحبه عشان تقدر تستحمل دراسته
و بالتوفيق

---

والدى دكتور نسا و توليد و جراحة المناظير و علاج العقم
ووالدتى دكتورة اسنان



المقارنه بين طب الاسنان او الهندسه

لان اللى هيحدد هو انى اكتب علمى رياضة ولا علمى علوم



والصراه رغم ان الرياضة هيبقى منهجها كبير جدا مقارنه بالعلوم
بس انا ميال اكتر لهندسه

وطبعا فى الاول و فى الاخر اللى ربنا كاتبه اللى هيكون

ما تغلطش غلطتي يا جميل :-)

قراري كان مبني على نفس طريقتك في التفكير ان المنهج كبير والقصص دي

وندمت الإلاف المرات بعد كده إني دخلت سلك الطب وأنا دماغي هندسية ورياضية بحتة

فكر 100 مرة وانصحك خليك في الاتجاه المناسب لميولك عشان تعرف تحبه وتبدع فيه وانت بتشتغل فيه لما تتخرج

تحياتي وربنا يوفقك

اقتباس:

---

المشاركة الأصلية كتبت بواسطة dr.mostafa anwar

ما تغلطش غلطتي يا جميل :-)

قراري كان مبني على نفس طريقتك في التفكير ان المنهج كبير والقصص دي

وندمت الإلاف المرات بعد كده إني دخلت سلك الطب وأنا دماغي هندسية ورياضية بحتة

فكر 100 مرة وانصحك خليك في الاتجاه المناسب لميولك عشان تعرف تحبه وتبدع فيه وانت بتشتغل فيه لما تتخرج

تحياتي وربنا يوفقك

---

الف شكر يا باشا على ردك الكريم

وانا فعلا كتبت علمى رياضة


بس حبيت اخد رايكم برده فى الموضوع

خليك فى الإتجاه اللى انت ميال ليه
ولو انت مجتهد وبتحب الرياضيات وبتفهمها كويس وهتشتغل كويس فى المذاكرة متقلقش من رياضة 2
عندك تفاضل وتكامل - جبر وهندسة فراغية - استاتيكا وديناميكا
رياضة 2 تقيلة ومحتاجه كل اللى اتعلمته فى الرياضة من الابتدائى لحد تانية ثانوى
ومحتاجه تعب ومجهود وحفاظ على الوقت وتسيبك بقى من النت والسيارات والحاجات ديه ههههههههه
وان شاء الله هتكون فرصتك حلوه فى الهندسة
الإمتحانات السنة ديه فى رياضيات 2 جايه زى الفل هههههههههه

راي فقط رياضة
ولكن القرار ليك فالنهاية

تسلموا يا جماعه على نصائحكم الطيبه و جزاكم الله كل خير

خلاص انا اقتنعت بالعلمى رياضة و هسيب الورقة متعلمه على علمى رياضة


تحياتى

معلش .انت بتحب الهندسه والرياضيات
وبتكره الطب
وبتقول انا كتبت رياضه بس المنهح طويل
وتلات ايام امتحانات الرياضه ويوم واحد للعلوم!!!
متزعلش منى انت ... عايز حاجه على مزاجك وسهله وقصيره
مينفعش الكلام ده ..اللى انت بتحبه ادخله طويل قصير مش مهم
المهم انك تحبه وتستمتع بيه وانت بتذاكره وتحقق فيه انجاز

أدخل اللى بتحبه وشايف نفسك فيه ومش هتندم بشرط أن احساسك يكون صادق مش شعور وقتى أو محاولة لاثبات النفس بسلوك طريق مختلف عن طريق الوالدين...أنا والدى الله يرحمه كان مصر انى ادخل طب الاسنان عشان يقول ابنى دكتور وعملت حرب عشان ادخل صيدلة وكسبتها والحمد لله مش نادم على أختيارى

انا دماغي كانت رياضه جدا والفيزياء كانت عشقي ..ودخلت طب في الاخر بسبب دماغ ابويا ..
بس جوايا احساس اني لو كنت دخلت هندسه كنت هبقي متفوق فيها اكتر
..
وبالمقارنه باصدقائي اللي في الثانوي ودخلوا هندسه..حالهم احسن مني بكتيير لحد دلوقتي ..
يعني الطب تحط امل انك حالك ممكن يظبط بعد ال 30 ده لو ظبط :)

المهم حط في دماغك برده ان اقل كلية طب اسنان حكومي السنه اللي فاتت كانت 98.9%
يعني اي غلطه كده ولا كده مش هتلحق ..
حتي الكليات الخاصه النقابه نزلت قرار السنه ديه ان القبول في الكليات الخاصه هيبقي فرق 5 % عن الكليه الحكوميه واي كليه مش هتلتزم بالكلام ده ..لن يتم الاعتراف بخريجيها..

اعمل اللي انت بتحبة حتى لو كان اصعب لأنك هتستحمله

بص انا ليا وجهه نظر تانيه

انا شايف لو حضرتك متقبل الطب نوعا مااا ودماغك مش مقفله فى الاحياء خاالص وماده تقدر تتقبلها يعنى مش ماده مكروه يبقى طب احسن ليك

حتقولي لييييه؟؟؟؟

حقولك لاننا بكده انت من غير مجهود يذكر لو دخلت احد تخصصات والد او والدتك حيقدر يفيديك بما لا يقل عن 10 سنين خبره تقدر تاخدهم فى سنه سنتين

المشكله يا صديقى ان احنا اخذنا فكره انى لن اعيش فى جلباب ابى من زمااااان مع ان العكس لو عيشت فى جلباب ابوك حتطلع فاهم ويستفيد المجتمع بدكتور خبره وكويس

لوكتير من السباكين او نجار او الاعمال الحرفيه علم ابنه المهنه كويس مكناش دلوقتى كلنا بنشتكى ان مفيش صنايعى كويس

طبعا انا مش بنادى ان كل ولاد النجارين يطلعوا نجارين ولا كل ولاد السباكين يطلعوا سباكين وكده يعنى

طبعا ليه كل الحق وليس لاحد اصلا فى الاعتراض عليه انه يرسم حياته كما هوا عاوز بس بقولك ان احنا فعلا افتدنا الشيىء ده

يعنى احنا كلنا كمصريين لو روحنا لدكتور ااقل من 37 سنه الى منتصف الاربعينيات مبنثقش فيه

عارف ليه؟؟؟؟؟

كلنا بنقول لسه بيتعلم وهوا فعلا اغلب الاحوال بيكون كده

لكن انت لو مثلا اخدت تخصص والدك بعد التخرج بحوالى 3 سنين ممكن تكون فعلا عندك خبره دكتور عمره يقارب 40 عاما

ودى ميزه ليك مش موجوده لواحد تانى

اعتقد هذا ممكن رايى يكون صواب ويحتمل الخطأ

اقتباس:

---

المشاركة الأصلية كتبت بواسطة m.abdou

بص انا ليا وجهه نظر تانيه

انا شايف لو حضرتك متقبل الطب نوعا مااا ودماغك مش مقفله فى الاحياء خاالص وماده تقدر تتقبلها يعنى مش ماده مكروه يبقى طب احسن ليك

حتقولي لييييه؟؟؟؟

حقولك لاننا بكده انت من غير مجهود يذكر لو دخلت احد تخصصات والد او والدتك حيقدر يفيديك بما لا يقل عن 10 سنين خبره تقدر تاخدهم فى سنه سنتين

المشكله يا صديقى ان احنا اخذنا فكره انى لن اعيش فى جلباب ابى من زمااااان مع ان العكس لو عيشت فى جلباب ابوك حتطلع فاهم ويستفيد المجتمع بدكتور خبره وكويس

لوكتير من السباكين او نجار او الاعمال الحرفيه علم ابنه المهنه كويس مكناش دلوقتى كلنا بنشتكى ان مفيش صنايعى كويس

طبعا انا مش بنادى ان كل ولاد النجارين يطلعوا نجارين ولا كل ولاد السباكين يطلعوا سباكين وكده يعنى

طبعا ليه كل الحق وليس لاحد اصلا فى الاعتراض عليه انه يرسم حياته كما هوا عاوز بس بقولك ان احنا فعلا افتدنا الشيىء ده

يعنى احنا كلنا كمصريين لو روحنا لدكتور ااقل من 37 سنه الى منتصف الاربعينيات مبنثقش فيه

عارف ليه؟؟؟؟؟

كلنا بنقول لسه بيتعلم وهوا فعلا اغلب الاحوال بيكون كده

لكن انت لو مثلا اخدت تخصص والدك بعد التخرج بحوالى 3 سنين ممكن تكون فعلا عندك خبره دكتور عمره يقارب 40 عاما

ودى ميزه ليك مش موجوده لواحد تانى

اعتقد هذا ممكن رايى يكون صواب ويحتمل الخطأ

---

ما انا عارف و فكرت فى كده و خصوصا ان والدى بيشتغل كمان فى المانيا

بس مش عارف دماغى مش جايه طب خالص
مع انى ممكن استفيد كتير منها

الهندسه مجموعها بيبقى اقل ولكن دراسة اصعب فى ثانوى

يعنى انا كونت بذاكر احياء فى ثانوى مش عارف مش داخله دماغى خالص الرياضة انا ما كونت بريح كونت بحل مسائل رياضة

يعنى حضرتك هتغير مسار حياتك عشان منهج طويل ؟؟
معلش دا قصر نظر و مينفعش خالص
حضرتك ادخل اللى بتحبه مهما كان هو ايه او هيتذاكر له ايه
بلاش اقولك لو مستخسر ال 6 ابواب بتوع الاحياء اللى ناقصين من عليك
تعالى اوريك كتب الطب فى الست سنين اللى فاتو عاملين ازاى :)
اخوك فى امتياز و اتهدلنا امتحانات و كتب وووووو

اقتباس:

---

المشاركة الأصلية كتبت بواسطة casperinoo

انا دماغي كانت رياضه جدا والفيزياء كانت عشقي ..ودخلت طب في الاخر بسبب دماغ ابويا ..
بس جوايا احساس اني لو كنت دخلت هندسه كنت هبقي متفوق فيها اكتر
..

---

انت بتتكلم عن قصة الاف الطلبة
انا و معظم دفعتي كدا

الكوميدي ان معايا واحد صاحبي ابوه دكتور كبير في الجامعة
و قعد يقولوا يا ابني بلاش طب و الواد يقولوا ابدا انا عايز ابقي دكتور
المهم لحد انهردا (احنا في ستة ) كل ما يتكلم بعد اي امتحان يشتكي
اقوله انت بالذات متتكلمش انت لبست نفسك بنفسك و تستاهل كل الي يجرالك

اقتباس:

---

المشاركة الأصلية كتبت بواسطة m.abdou

بص انا ليا وجهه نظر تانيه

انا شايف لو حضرتك متقبل الطب نوعا مااا ودماغك مش مقفله فى الاحياء خاالص وماده تقدر تتقبلها يعنى مش ماده مكروه يبقى طب احسن ليك

حتقولي لييييه؟؟؟؟

حقولك لاننا بكده انت من غير مجهود يذكر لو دخلت احد تخصصات والد او والدتك حيقدر يفيديك بما لا يقل عن 10 سنين خبره تقدر تاخدهم فى سنه سنتين

---

كلام تمام
فعلا التعليم هو اصعب حاجة بالنسبة للطب
و فكرة مصدر الخبرة مهمة

انت قولت ان فيه ابواب نقصت فى الاحياء
خد بالك كمان ان فيه ابواب كمان نقصت فى الميكانيكا
اللى انت درستهم فى 2 ثانوى