مهم التقديم بالمدارس التجربيبه kg1

السلام عليكم ورحمة الله


الموضوع ببساطة اي ولي امر اخد اجازة وراح وقف طابور واشتري ملف للتقديم بالمدرس التجربيه لابنه او بنته واشتري دمغات وصور وتنسيق ولا تنسيق الجامعه علي ايامنا .

المفاجاءة بقـــــــــا (بلــــــح)

جالي تليفون بياكد ان الوزارة غيرت رايها وهترجع الملفات لاولياء الامور ومشكورة الوزارة هتتصل ب 700 ولي امر في كل محافظة وعلي الباقي بقا معرفه الامر منهم علشان هيتم التسجيل عن طريق النت وكل بقا الفلوس الي اتصرفت علي الورق شكرا وقلنا عادي
بس الي مش عادي ناخد اجازة من اشغالنا تاني علشان نسحب الملفات ونرجع نسجلها علي النت تاني ليه

طيب لو كان ده قرارهم مخدوش القرار قبل ما الناس تقدم ليه

بجد مش عارف اقول حاجة غير حسبنا الله ونعم الوكيل

ياراجل انت بتتكلم بجد ؟؟!!

انا لسه مقدم لبنتى وابنى يوم 6/2 واستوفيت كل الاوراق

وايه طريقة التقديم على النت ؟؟

بلد عجيبه

http://student.moe.gov.eg/kg/

جديده الحكايه دي

هيه المدارس دي ظروفها ايه ؟
مستواها ايه ؟

https://fbcdn-sphotos-g-a.akamaihd.n...87918416_n.jpg

كله بلح زى بعضه بس الناس مش عارفه

اللى شغالين فى التعليم بس عارفين ان كله متساوى العبره على الشخصيه اللى بتتعلم و البيت

فعلا انا برده بعد الدوخه والوقفه يوم 6/2 ولف ودوران ربنا يسامحهم
جالى تليفون النهارده بياكد موضوع موقع التقديم على النت بالنسبه للمتقدمين للمدارس التجريبى الحكومى والمميز
دخلت وشوفته لاقيت ان المدرسه سجلت اسم ابنى وبياناته وكل البيانات التانيه :)
بكده كلنا هانحتاج الرقم القومى للطفل ونخش على الموقع ونراجع البيانات
ولو مش موجوده نكتبها تانى ونكتب الرغبات لو عاوزين مدارس تانيه بس فى نفس الادارة
الموقع http://student.moe.gov.eg/kg/

اقتباس:

---

المشاركة الأصلية كتبت بواسطة mazagangee

هيه المدارس دي ظروفها ايه ؟
مستواها ايه ؟

---

تعبانه وشايله النيله تعالى شوف العيال عندنا بياكلوا طينه ههههه

اقتباس:

---

المشاركة الأصلية كتبت بواسطة prof2013

تعبانه وشايله النيله تعالى شوف العيال عندنا بياكلوا طينه ههههه

---

المدارس التجريبي افضل مدارس بالنسبه للطبقة المتوسطة واحسن من مدارس خاصه كتير لانها بتقدم نفس الخدمة تحت اشراف مستمر من الوزارة وبالاخص المدارس التجريبيه النموذجيه وده عن تجربه مع اكتر من طفل اعرفه

النتيجة النهارده بقـــــــــا

اسف للتاخير علي حضرتكم بس بعد طوابير لسحب الملفات وتسجيلها علي الموقع بالنت
الجدير بالذكر ان بعد ما يتم القبول بالنت نرجع تاني نقدم الملفات هههههههههههه ودنك منين يا جحا

انا مش فاهم احنا بتقدم ولا بنتاخر.....يعنى بدل ما نسهل على الناس لا نصعب عليهم ونشيلهم الهم والقرف ووجع القلب.
ربنا معاكم.

اقتباس:

---

المشاركة الأصلية كتبت بواسطة mohamedrabia

المدارس التجريبي افضل مدارس بالنسبه للطبقة المتوسطة واحسن من مدارس خاصه كتير لانها بتقدم نفس الخدمة تحت اشراف مستمر من الوزارة وبالاخص المدارس التجريبيه النموذجيه وده عن تجربه مع اكتر من طفل اعرفه

النتيجة النهارده بقـــــــــا

اسف للتاخير علي حضرتكم بس بعد طوابير لسحب الملفات وتسجيلها علي الموقع بالنت
الجدير بالذكر ان بعد ما يتم القبول بالنت نرجع تاني نقدم الملفات هههههههههههه ودنك منين يا جحا

---

هههههههههه ايه الشغلانه دي طيب قدموا في العادي وخلاص المخ النضيف بينفع في اي مكان

تم التسجيل بنجاح لسه حالا

بس لسه حطبعه

شكرا للجميع

هو الرقم القومى للطفل اجيبه منين

اقتباس:

---

المشاركة الأصلية كتبت بواسطة prof2013

هههههههههه ايه الشغلانه دي طيب قدموا في العادي وخلاص المخ النضيف بينفع في اي مكان

---

يا فندم المدارس العادية بكل الحب مش بتدي اي شي وكمان المستوي غير زمااااان . التجريبي بيعلم لغات وبيعلي المستوي لانه بينمي المهارات وده بالفعل بيتم

اقتباس:

---

المشاركة الأصلية كتبت بواسطة dew drops

هو الرقم القومى للطفل اجيبه منين

---

الرقم القومي للطفل بيكون موجود في شهادة الميلاد المستخرجة من السجل المدني بالكمبيوتر مكتوب فوق وهو الي بيكون في بطاقته لما يكبر