ياجماعة عايز مساعدة ضروري عندي شقة حوالي ١٤٥ متر
وعلي المحارة وعايز اشطبها ...جبت واحد هيشرف ع التشطيب قالي هياخد ١٠ الاف ده غير مصنعية الناس
عرض للطباعة
ياجماعة عايز مساعدة ضروري عندي شقة حوالي ١٤٥ متر
وعلي المحارة وعايز اشطبها ...جبت واحد هيشرف ع التشطيب قالي هياخد ١٠ الاف ده غير مصنعية الناس
ده قليل جدا ..دى مش محصلة تشطيب شعبى
ماتجبش حد الا يكون ثقه
وحساب العمال يكون معاك مش من خلاله
واظن الافضل لو حضرتك مالكش في موضوع التشطيب والتعامل مع الصنايعيه والمقاولين
وامكانياتك الماديه تسمح
ادي الشقه لمهندس
وهاياخد منك من 10 الي 15 % من اجمالي مصاريف الشقه
السلام عليكم
اعمل فى مجال التشطيبات و لى بعض المواضيع بهذا الخصوص بالمنتدى الغالى
ارجو ان اوضح ما يلى
الراجل مغلطش فى حاجه هو قاله هاخذ 10000 جم - اشراف موش تشطيب و النسبه بتتراوح حسب العمل
عموما المتر التشطيب فى ظل ارتفاع الاسعار الحالى سوبر لوكس بيتراوح من 800 الى 850 للاسف - كان اخره 650 من سنه
عموما الاشراف بيتراوح من 10 الى 12 % من اجمالى حجم الاعمال
و انا فى الخدمة لاى اسئله - مجانا طبعا
تحياتى
انا عندي مكتب هندسي وتشطيبات وديكورات
والحمدلله لما بنزل المكان المراد تشطيبه بقف مع الصنايعي واشرف على شغله وكل حاجه وبمشي وارجعله تاني ولو معملش اللي انا طالبه منه بالتحديد بخليه يعيده
وعمري ما طلبت اسعار عاليه كدا في الاشراف علشان مش معضله يعني انت بتاخد بالك منه وخلاص
علشان عارف العمال بيشتغلو ازاي والحمدلله مفيش حد لحد دلوقتي اشتكى من شغل عملته ومش بيفرق عندنا المكان بسفر الصنايعيه لاي محافظه
ولو محتاج اي استفسار او اي حاجه انا في الخدمه
متابع للمعرفه
متابع
هل موقع الشقة بيفرق في الاتفاق ولا كله واحد يعني القاهرة الجديدة زي المعادي زي الزمالك
الللى بيزيد نسبة الاشراف لو المكان بعيد
مصاريف الانتقال من البنزين و التفاصيل التانية بتكلف اكثر غير لو فى نطاق اقرب - ده بالنسبة لمهندس الاشراف
اما العامل فبتزيد حاجة بسيطة علشان الانتقالات و المواصلات يعنى لو هو ساكن بالسيده عائشة و الموقع فى التجمع او حلوان او حتى مدينتى مثلا
و هكذا
تحياتى....
عايز رأي :
شطب أنت - سهله والله وربنا ح ييسرها عليك - المهم ربنا يوفقك في الصنيعي ابن الحلال - وده تقدر تيجيبه عن طريق المعارف - يعني تسال مين عمل شغل قريب وعنده صانيعي كذا.
وممكن تبدأ بالترتيب التالي :
1- الكهربائي
2- السباك
3- مبلط السيراميك
4- نجار الباب والشباك
5- الدهانات
6- السباك تاني
7- الكهربائي تاني
وكل صنايعي ح يكتب ورقة بأحتياجته - وأنت على حسب مقدرتك في شراء كل بند ( مثلا ممكن تجيب السيراميك كله بمبلغ 7000 ج أو 30000 ج ) حسب مقدرتك أنت. يلا توكل على الله وربنا ح يسهل لك.
لا طبعا المكان بيفرق مدينه نصر مش زي اكتوبر مش زي المقطم لكن مش اختلاف كبير
ريح دماغك .... هات مهندس ديكور بياخد نسبه حوالى 12 - 15 % ويسلمك على المفتاح .
ولو عندك الوقت والأمكانيات وزوقك حلو .... توكل على الله وشطب لوحدك