التقرير المفصل عن طريقه تركيب الفاميه بالصور
السلام عليكم ورحمه الله وبركاته
ردا على طلب العديد من الاعضاء بأعداد تقرير مفصل بالصور
عن تركيب الفاميه وهو كما يلى :
كلنا تعبننا من الاسعار المبالغ فيها
من قبل صنايعيه تركيب الفاميه والكاربون يعنى ملا يفيم العربيه كلها ب 100 جنيه
ليييييييييييييييييييييييي يييييييييه
ده فرخ الفاميه كله ب 10 جنيه وكذلك الكاربون المتر منه ب 15 جنيه
وتسمع اسعار ياأخى تقول هيجيب الديك من ديله
المهم
اليوم هنتعرف اذاى نركب الفاميه
الادوات
استيكه
[sor2]http://im42.gulfup.com/wayP8.jpg[/sor2]
2- بييجى مع علبه الفاميه قطر صغير كده وده احسن من العادى فى التعامل مع الفاميه
[sor2]http://im42.gulfup.com/LlF7e.jpg[/sor2]
3- بخاخه ميه
[sor2]http://im42.gulfup.com/Etwfp.jpg[/sor2]
4-رول فاميه
[sor2]http://im42.gulfup.com/JRNsl.jpg[/sor2]
5- فوطه نضيفه
_________________________________________
لو تعرف تفك فرش الباب أحسن ليك
علشان تدخل الفاميه تحت الفرش
الفرش كفيل بخلعه من مكانه
______________
لمعلوماتك الفاميه ليه وشيين
وش فاميه والتانى شفاف
___
(( نعرفهم أزاى دول يافتك )))
هقولك لازم يعنى تتريقوا عليا
ما علينا
هتجيب طرف الفاميه زاويته كده
[sor2]http://im42.gulfup.com/lIGIs.jpg[/sor2]
وهتحتها فى فمك وتحت سنانك وأفركه من بعضه هيفص على طول وبلسانك وفكه ساعتها هيبان ليك الفاميه والوجه الأخر
[sor2]http://im42.gulfup.com/qC3f9.jpg[/sor2]
العربيه عندى كلها متفيمه زلكن علشان خاطر عيون اعضاء المنتدى فكيت الربع بتاع الباب الخلفى وهنشتغل عليه
[sor2]http://im42.gulfup.com/gtOIw.jpg[/sor2]
تقطع حسب المساحه المراد لزقها
[sor2]http://im42.gulfup.com/ocFAo.jpg[/sor2]
وترفع الزجاج حتى الأخر وتسيب مساحه بتاع 2 سنتىمتر
ويكون معاك البخاخه غرق الزجاج ميه
كل ده من بره العربيه
ركزوا معايا
ضع الفاميه على الزجاج من خارج العربيه
بحيث يكون الوجه ألى هتشيله ( الشفاف يعنى ) للخارج
بأستخدام القطر هتطع الزيادات وبالعقل كده
[sor2]http://im42.gulfup.com/EZhHp.jpg[/sor2]
وشغل مخك هتبدع أن شاء الله
شيل الوجه الشفاف بأستخدام الطريقه السالف ذكرها
وأنت بتشيله فى أيدك بخاخ الميه وغرق أى حته نشيل من عليها الوجه الشفاف ميه
تمام لحد كده
[sor2]http://im40.gulfup.com/HvVhC.jpg[/sor2]
قلبى بيؤلى أن محدش فاهم حاجه
والنبى لتركزوا معايا
______________
تفتح باب العربيه والفاميه ذى ما هو
بصوابعك الحلوه الى همو مش عليهم ولا عفرايه
وبايدك الاتنين تشيل الفاميه من بره لجوه الزجاج داخل العربيه
وده بعد ما تكون نضفت الزجاج جيدا من الداخل بالفوطه ومغرقه ميه
[sor2]http://im42.gulfup.com/ZjkhU.jpg[/sor2]
وظبطه على الزجاج وبأستخدام الأستيكه تسحب أى ميه موجوده تحت الفاميه
لتحت وتنشف كويس جدا وتشيل اى هوا تحت الفاميه
هتبص على الفاميه من جوه تقول بس صنايعى ياولاد
أنت عارف لو قفلت الباب وبصيت من بره هتسب لنفسك
هتلاقى لسه فيه بعض المياه وشويه هواه تحت الفاميه
ركز أوى على الأطراف
[sor2]http://im40.gulfup.com/wYInl.jpg[/sor2]
النتيجه النهائيه
[sor2]http://im40.gulfup.com/M0XTf.jpg[/sor2]
واعدكم قريبا باعداد تقرير مفصل عن تركيب الكاربون بالصور
والسلام عليكم