يوم السبت الكلاكس قطع
و انا فى الضياع و نايم فى البيت
و كنت نازل لقيته قاطع كبرت دماغى لغاية ما اشوف كهربائى

يوم الأحد
تعبت شويتين على الظهر و رحت المستشفى
و ضغطى واطى
و سكرى عالى
و حرارتى داحله على 39
و حالتى زباله
العربية مفيهاش بنزين
و لا كلاكس
و لكن الصبح اكتشفت ان الكلاكس قاطع نتيجة قطع السلك الموجب من القاعده
و اضطريت انى اعمل زرار خارجى لغاية ما اشوف حل للحوار ده

يوم الأثنين
النهارده بقى البهدله اللى على اصولها و الكوميديا التراجيدية المبكية المضحكه

اضطريت انى انزل الشغل
و بعد ما خلصت قلت اروح
واحد زميلنا بيدور على بنزين
و عرف ان فيه بنزينه فى ابوزارع فيها بنزين و اتصل و قاللى تعالى
رحت لقيته خلص
ما علينا
و انا راجع العربية بتبطل لوحدها بس مش تبطيل لأ بتفصل كهربا
و انا معدى لقيت الخراط قاعد قدام المحل
قلتله طلع الطارة دى
يمين شمال
اخبط رزع مفيش
راح جاب زرجينه طارة بالصنايعى بتاعها و جه
يمين شمال فوق تحت
والله ما انا مفكوكه
لدرجة ان الزرجينه اللى هى المانى و ب 2800 جنية اتكسرت
و الراجل مشى بيعيط و مرضيش ياخد فلوس
نحاول تانى
مسكت مرزبه من غيظى
ادق
مفيش
نعمل جويد
مفيش
نعمل زرجينه مسمار
مفيش
من الساعه 2 للساعه 4
لغاية ما قلت خلاص
ملهاش حل
لدرجة انى فكرت اقطع الطارة بالصاروخ
و بعدين قلت مش وقته

ادور العربية
المفتاح مش عايز يتحرك
احط زيت
احط باكم
اعمله بزرديه
تعيش انت

الساعه 5 رحت جبت بتاع مفاتيح
قعد يحاول مفيش
الطارة مقفوله و مش عارفين نفك الكالون
لأنه مربوط بمسمار 13 من غير راس
هو الفابريكا كده
بسنبك لغاية ما فكيناه
و دورنا العربية من فبرة الكونتاكت
و رحنا الورشة

بكل الطرق مش عايز يطلع القلب
لغاية ما طلع الساعه 6.30
بص بطرق غريبه

المفاجأة
6 سنون مش داخلين مكانهم
كأن ده مش مفتاح العربية
الراجل يقولى انت متأكد
اقوله اه
جاب اللى فى الورشة كلهم
اجمعوا انه استحاله ده يكون مفتاح العربية

قاللى ورينى رخصه العربية و بطاقتك
لأن ده مش مفتاحها
وريته الرخصه و البطاقة لدرجة انه طلب يشوف رقم الشاسيه
و اطمن
و ابتدى يشتغل
و غير البينات اللى جوه الكالون لغاية ما طبع
و هو هيتجنن
و اشتغل الكالون
و اشتغلت لعربية

بس لا الكلاكس اشتغل على الطارة
ولا الطارة طلعت من مكانها

و بقى مطلوب انى اجيب قطمه كامله مكمله
عشان العك اللى حصل

يوم لطييييييييييييييييييييييي يييييييييف

ايه رأيكم