ركبت فوجات الأوكتافيا a5 على بومتى
السلام عليكم ورحمة الله وبركاتة
من كام يوم لقيت كشافات الشبورة بتاعتى خلاص الازاز بتاعم اتكسر الجوز
وهما صينى مش اصلى لان العربية 1300 كاملة مانيوال ف مفيهاش فوجات فانا كنت مركبلها الصينى دول وشفت موضوع ديل باشا هنا من فترة فالمهم انهاردة استخرت الله ونزلت اشتريت الفوجات صينى ماركة ديل وركبتهم
الفوجات عملت 290 جنية وتركيبهم عند السمكرى كلف 50 جنية لانه فك الاكصدام خالص وركبهم بخوص حديد علشان يسيب الفتحات على وضعها الاصلى علشان لو حبيت اركب الاصلى بتوعها
ورحت للكهربائى يوصل فيش الفوجات بفيش الضفيرة بتاعة الفوجات القديمة
وخد 20 جنية وبصراحة نورهم فارق جدا جدا رغم ان الكهربائى عمالى يقنعنى انى اركب فيهم زينون بس المشكلة انى خلاص مش حابب الزينون طالما هيركب من غير عدسات لانه فعلا مؤذى
حبيت انقل لكم تجربتى وشكلهم على فكرة حلو على العربية بس الفوجات الاورجينال شكلها احلى
