تم تنظيف فلتر التكييف وتزييت واير البنزين !!!!

**miguel** · 25-06-2013 11:31 AM

صباح الفل ياشباب !!!!
اولا انا عربيتي موديل 2011
امبارح قولت ادور علي فلتر التكييف مكانه فيين لقيت مكانه من ورا الكونسول من اليمين هتلاقي زي مساكه صغيرة طريقة فكها تديها تكه لفوق وشد هتطلع معاك علطول لقيت بقي كمية ورق الشجر كأنها بالعة شجرة هههه وتراب وهباب روحت نظفته وغسلته كويس قوي وميت فل
بعد م ركبته شغلت التكييف الهوا زاد اكتر من الاول وسقع اكتر

تاني دخلت علي واير البنزين فتحت الكبوت من ناحية اليمين عند الموتور هتلاقي الواير بتاع البنزين لما تيجي تشده مش بيرجع تاني بسرعة حلها بسيط جدا تجيب شوية زيت موتور وتمشيه علي الواير وتفضل تشد وتسيب وهكذا لغاية لما الزيت ينعم المجرا هتلاقي بعد كدا دواسة البنزين بقت حرير بدون مبالغة

مع المواظبة غسيل الكبوت من الداخل بالمايه كل فتره عشان التراب ويبقي نضيف وده بيديك احساس ان العربية هادية وناعمة

وشكرا ياجماعة
صباح شريف

**wassim_nasser** · 25-06-2013 02:26 PM

الله ينور .. حلين في منتهى البساطة و يحسنوا الأداء بدل مانقول التكيف مش عارف ماله و دواسة البنزين أبصر ايه .. أحييك بشدة .. جرب بقى تجيب وايت جريز سبراي (شحم أبيض رش ) و ترش علي مفصلات الأبواب و الاقفال و ان عرفت تنزل ترش العفشة أشطا .. جرب وادعيلى

**wassim_nasser** · 25-06-2013 04:10 PM

هاتلاقيه في محلات الزيوت و البنزينات الكبيرة ومكتوب عليه وايت جريز .. شحم أبيض معروف

**Egyzizo** · 26-06-2013 11:48 AM

المشاركة الأصلية كتبت بواسطة amirboulos

يا جماعة انا عندي المشكله في الدبرياج مش البنزين ...بيزييق تزييق كأن الدواسه خشب بتحك في خشب لدرجة ان اللي قاعد جنبي بيسمع ويسألني صوت ايه ده ... قلت لهم في التوكيل كذا مره ..غالبا بيرشوا شويه wd40 علي السلك وشكرا وفي خلال يومين المزيكا ترجع تاني ....معرفش بقي ده عيب ايه ...خايف يكون عيب في الدبرياج نفسه يا ريت لو حد حصل له كده يفيدني علشان ميشتغلونيش في التوكيل

كلنا هذا الرجل
دى مشكلة شائعة عند كتير مننا
ومالهاش حل غير التزييت كل شوية أو تغيير طقم الدبرياج.
التزييت بيبقى مش على السلك ، انما بيبقى عند دخول السلك للدبرياج (حتة اسمها الفرش) ، هتلاقى جلدة سودا تشيلها وتملا ايدك شحم ، وتشحم جوه الحتة دى أو ترش wd40 جوه.
أنا باعملها بنفسى كل لما أحس ان تزييق الدواسة بقى مزعج.

**mmh666** · 26-06-2013 12:18 PM

المشاركة الأصلية كتبت بواسطة miguel

صباح الفل ياشباب !!!!
اولا انا عربيتي موديل 2011
امبارح قولت ادور علي فلتر التكييف مكانه فيين لقيت مكانه من ورا الكونسول من اليمين هتلاقي زي مساكه صغيرة طريقة فكها تديها تكه لفوق وشد هتطلع معاك علطول لقيت بقي كمية ورق الشجر كأنها بالعة شجرة هههه وتراب وهباب روحت نظفته وغسلته كويس قوي وميت فل
بعد م ركبته شغلت التكييف الهوا زاد اكتر من الاول وسقع اكتر

تاني دخلت علي واير البنزين فتحت الكبوت من ناحية اليمين عند الموتور هتلاقي الواير بتاع البنزين لما تيجي تشده مش بيرجع تاني بسرعة حلها بسيط جدا تجيب شوية زيت موتور وتمشيه علي الواير وتفضل تشد وتسيب وهكذا لغاية لما الزيت ينعم المجرا هتلاقي بعد كدا دواسة البنزين بقت حرير بدون مبالغة

مع المواظبة غسيل الكبوت من الداخل بالمايه كل فتره عشان التراب ويبقي نضيف وده بيديك احساس ان العربية هادية وناعمة

وشكرا ياجماعة
صباح شريف

غسلته ازاى؟

**amirboulos** · 26-06-2013 04:20 PM

المشاركة الأصلية كتبت بواسطة egyzizo

كلنا هذا الرجل
دى مشكلة شائعة عند كتير مننا
ومالهاش حل غير التزييت كل شوية أو تغيير طقم الدبرياج.
التزييت بيبقى مش على السلك ، انما بيبقى عند دخول السلك للدبرياج (حتة اسمها الفرش) ، هتلاقى جلدة سودا تشيلها وتملا ايدك شحم ، وتشحم جوه الحتة دى أو ترش wd40 جوه.
أنا باعملها بنفسى كل لما أحس ان تزييق الدواسة بقى مزعج.

لحظه واحدة
يعني ايه الحل التزييت او تغيير طقم الدبرياج ؟؟؟؟ هي دي مشكله سلك ودواسه ولا مشكله الطقم كله ( ديسك واسطوانه) ؟
وبعدين الحته اللي اسمها الفرش دي فين بالظبط ؟ في حوض الموتور ولا عند الدواسه ..يا ريت حضرتك توضح لي فين لأني جبت علبه wd40 ومعرفتش اعمل بيها اي حاجة ومعرفتش اتعامل في منطقه الدواسه دي