راايكم في السفر اعملها و لا ايه

**shaddadfalcon1** · 25-06-2013 04:49 PM

المشاركة الأصلية كتبت بواسطة ahmedmaklad

هو انا متجوز و عندي بنت لسه 4 سنين يعني لسه صغيرة فده اللي مخليني متشجع على السفر عشان لسة العيلة صغيرة و في فرصة دلوقتي قبل ما بنتي تكبر عشان بعد كده خلاص مش هينفع
موضوع ان عمر ما حد شكر في السعودية دي بقى اللي انا خايف منها
مع ان في ناس سعوديين كانوا بيكلموني في التليفون ناس لذيذة جدا و محترمين انا ما اتعاملتش مع سعوديين قبل كده

سيبك من التليفون ماهو لازم يبقو لذاذ وكويسين امال يعني هيعنو ناس ازاي وكله كده مش دوول بس

بالنسبة لبنتك هي مش صغيره خالص علي فكره :)

صغيرة يعني اصغر من سنتين ونص

بنتك كده خلاص تدخل السنة الجايه مدرسة كي جي 1 والمفروض تكون خلاص قدمتلها

شوف بقي عشان تسافر لازم تنقلها مدرستها وشوف المدارس هناك بكام والمصاريف بكام وبعد كل ده هتعرف تحوش ولا لآ

**lamada** · 25-06-2013 05:03 PM

صديقى العزيزى

مريت بنفس ظروفك و كنت فى نفس حالتك الاجتماعية و المادية

و اخذت القرار و سافرت

و من مكانى ده و بعد ما سافرت بقولك انا حمار

**ahmedmaklad** · 25-06-2013 05:13 PM

المشاركة الأصلية كتبت بواسطة shaddadfalcon1

سيبك من التليفون ماهو لازم يبقو لذاذ وكويسين امال يعني هيعنو ناس ازاي وكله كده مش دوول بس

بالنسبة لبنتك هي مش صغيره خالص علي فكره :)

صغيرة يعني اصغر من سنتين ونص

بنتك كده خلاص تدخل السنة الجايه مدرسة كي جي 1 والمفروض تكون خلاص قدمتلها

شوف بقي عشان تسافر لازم تنقلها مدرستها وشوف المدارس هناك بكام والمصاريف بكام وبعد كل ده هتعرف تحوش ولا لآ

معاك حق بس انا قصدي انها تعيش و تتعود على حاجة تانية انا مش عايز بنتي تكبر في بلد تانية

المشاركة الأصلية كتبت بواسطة lamada

صديقى العزيزى

مريت بنفس ظروفك و كنت فى نفس حالتك الاجتماعية و المادية

و اخذت القرار و سافرت

و من مكانى ده و بعد ما سافرت بقولك انا حمار

طب ليه ممكن اعرف
انت سافرت فين و ايه اللي حصل

**lamada** · 25-06-2013 11:06 PM

صدقنى اللى فى ايده شغل براتب كويس فى مصر و خاصة لو اكتر من تلات الاف جنيه و عنده شقه و عربيه و متجوز يبقى غبى لو سافر.و ربنا يصلح حال مصر

**minicooper20** · 26-06-2013 12:53 AM

مين قال ناس وحشه
طول منتا رافع راسك و كرامتك فوق راسك اى حاجه تحت رجلك
السعودين اطورو جداااا
شركه صغيره لا
شركه كبيره تقارف الانتر ناشونال فى التعامل يبقا اه
لاكن شركه صغيره مرشحكش
اقل من 20 الف ريال متجيش و عربيه و تذاكر سفر سنويه تعلا كبير هتفضل كبير يا باشا غلى نفسك صدقنى هيجرو وراك
لانك بتقول مرتاح فى مصر فا لازم يكون عائد السفر مغرى
فكك بقا من ال 8 و ال 10 مش هتحوش حاجه
دى نظره واحد ماسك بوزشن كويس هنا و بقولك طبيعت شغلك الهتحدد انا هتصرف كام فى الشهر صدقنى فى ناس بتصرف 10 و 15 الف هنا
تحياتى

**ahmedmaklad** · 26-06-2013 12:55 PM

المشاركة الأصلية كتبت بواسطة lamada

صدقنى اللى فى ايده شغل براتب كويس فى مصر و خاصة لو اكتر من تلات الاف جنيه و عنده شقه و عربيه و متجوز يبقى غبى لو سافر.و ربنا يصلح حال مصر

طب ممكن اعرف انت سافرت فين و ليه بتقول كده انا بس بجد زهقت من البلد

المشاركة الأصلية كتبت بواسطة minicooper20

مين قال ناس وحشه
طول منتا رافع راسك و كرامتك فوق راسك اى حاجه تحت رجلك
السعودين اطورو جداااا
شركه صغيره لا
شركه كبيره تقارف الانتر ناشونال فى التعامل يبقا اه
لاكن شركه صغيره مرشحكش
اقل من 20 الف ريال متجيش و عربيه و تذاكر سفر سنويه تعلا كبير هتفضل كبير يا باشا غلى نفسك صدقنى هيجرو وراك
لانك بتقول مرتاح فى مصر فا لازم يكون عائد السفر مغرى
فكك بقا من ال 8 و ال 10 مش هتحوش حاجه
دى نظره واحد ماسك بوزشن كويس هنا و بقولك طبيعت شغلك الهتحدد انا هتصرف كام فى الشهر صدقنى فى ناس بتصرف 10 و 15 الف هنا
تحياتى

انا متاكد من الكلام ده بس لما الناس تديك احساس ان السعودية التعامل وحش فيها عموما انا مش بتكلم في الشغل بس انا بتكلم في الحياه عموما
الشركة مش كبيرة يعني 60 واحد مثلا

**amr011111** · 26-06-2013 01:04 PM

لو هتسافر على شركه كبيره مش هيبقى ليك كفيل بالمعنى الحرفى زى ما تكون مسافر على مكتب شغال فيه 10 افراد فهتلاقى الكفيل بتاعك هو صاحب العمل وبيتعامل معك مباشرة
انما شركه كبيره هيبقى فيه سيستم وتتفق على كل حاجه طبعا
وموضوع انه يشوف مرتبك هنا كام ده ملوش لزمه
المفروض لو الشركه هناك كبيره بيبقى ليك رانك للمرتب حسب عدد سنين الخبره بصرف النظر عن مرتبك فى مصر
وطالما الشركه قبلتك يبقى متأكده من خبرتك وانك هتفيدها فبالتالى سيستم المرتب اللى ماشى فى الشرطه هيطبق عليك
لان لو انت سافرت وعرفت باى طريقه ان زميل ليك ونفس دفعتك بياخد اكتر منك هتتضايق جدا
فالشركات الكبيره بتبقى عامله رينج المرتبات حسب عدد سنين الخبره
حتى لا يحدث مشاكل بها
واهم حاجه لما تسافر عيش زى ما انت عايش فىم صر واكتر
يعنى اصرف براحتك وخد اسرتك معاك وشوف هتوفر كام بعد كده وفيه ناس بتاخد اسرتها وتصرف براحتها وتعيش مرتاحه ومش بتحوش اوى بس بهدف انها هتستمر هناك علطول بس هتبقى عايشه مستريحه
وبالتوفيق

**ahmedmaklad** · 26-06-2013 01:08 PM

السؤال اللي مؤرقني هل لو الواحد في وظيفة هنا كويسة و الحمد لله كويس هل يسافر عشان زهق من البلد و طبعا الفرصة هناك احسن ماديا و لا ده يبقى تمرد على النعمة و السفر بقى و التعامل ما يستهالش الغربة

**shaddadfalcon1** · 26-06-2013 03:51 PM

لو ظروفك حلوه وعندك شقتك وعربيتك ومجرد زهقان من البلد فده مش داعي انك تسافر لانك لما تسافر هتفضل قرفان برده :)

لو زهقان مثلا عشان زحمه ولا حاجه ممكن تحاول تغير مكانك اللي انت ساكن فيه

**أبو صلاح** · 26-06-2013 04:12 PM

انا في وجهة نظري السفر بالنسبة ليك فرصة تستحق التجربة
لكن حاول بقدر الامكان تخلي عقدك سنة او سنتين على الاكثر ويكون الاجازة سنوية

بالنسبة للمعاملة واحد في وضعك هيكون واخد مركز كويس في شرتك ومفيش مشاكل
في الشارع انت مش محتاج اي حاجة
السوبر ماركت والمولات والاسواق كله بفلوسك وبمزاجك
انا عن نفسي مثلا بنزل الهايبر ماركت اشتري خضار من هناك ومش بنزل السوق لاني مش بحب السوق رغم ان الكل بيتعامل زي بعضة بل بالعكس يمكن البياعين بيعاملوا الاجانب احسن من السعوديين بس بحب اريح دماغي من الفصال والبضاعة الرديئة
لو في الرياض هتلاقي اماكن متنزهات وترفية كتيرة جدا وعلى كل المستويات
بقدر الامكان حاول تتجنب المشاكل وبلاش سياسة والكلام فيها

الاهم وده الغرض من السفر العائد المادي يكون كويس يعني في حالتك طبعا المفروض ان يكون راتبك الصافي (يعني بعد تذاكر الطيران والسكن والانتقالات ومصاريف الاقامة والتامين وتأثيث السكن) لا يقل عن 20 الف ريال واتوقعلك ان مصاريفك الشهرية ليك انت وزوجتك وبنتك هتكون في حدود 5 آلاف ريال علشان تعيش عيشة مرفهة الى حد ما
احسبها وتوكل على الله
بالنسبة للناس اللي بتقول قطر احسن في المعاملة اقول أبدا لان قطر كلها عالم مليونيرات تقريبا وانت عارف لما يكون الشعب كله كده وعندهم وافد عامل في الدولة بيكون نظرتهم ليه ازاي
على سبيل المثال نظرتهم لطبيب أخصائي اقل تماما من نظرتهم لطبيب استشاري وخد بالك انا ضربت مثال طبيب لان ده يعتبر ارقى الطبقات من العمالة الوافدة
هنا في السعودية لو طبيب عام لسه متخرج من الكلية امبارح بيتضربله تعظيم سلام من الصغير والكبير

نصيحة عامة علشان تعرف تعيش في السعودية طول مانت عايش فيها قرشك دائما تحت رجليك في كل معاملاتك يعني مثلا خدت اجازة وسافرت مكة لو مش معاك عربيتك الخاصة ماتركبش مثلا نقل جماعي او مع ناس بعربياتهم خد الطيارة لانك لو عملت العكس هتتبهدل جامد جدا لو مثلا كنت في مكان غير منطقتك ومضطر للبيات ادخل اي فندق مستواه معقول واحجز وبات فيه وممكن توصل في بعض المناسبات والاوقات انك تدفع 350 ريال في الليلة الواحدة انا دفعت 150 ريال في 4 ساعات علشان كان معايا مراتي وكنا مسافرين والتعب حل وعايزين ننام
ارجو انك تكون فهمت قصدي