راايكم في السفر اعملها و لا ايه

**ahmedmaklad** · 25-06-2013 01:53 PM

السلام عليكم/
بجد رايكم ممكن يكون الحاجة الاخيرة لاني مش عارف اخد قرار خاص و متردد جدا
انا مهندس انظمة زي الفيديو كونفرانس و كاميرات المراقبة و الحاجات دي حاليا في شركة كبيرة و مرتبي كويس
انا الحمد لله كويس هنا و عمري ما فكرت في السفر بره و كنت معارض جدا للسفر دلوقتي الوضع اتغير انا زهقان جدا من البلد و فكرتي عن السفر اتغيرت تماما
جالي كذا عرض في السعودية و قطر الحمد لله انا خبرتي كويسة 10 سنين دلوقتي بس لحد دلوقتي مش عارف اخد قرار و في فرص ضاعت مني بسبب التردد ده

انا محتاج منكم كذا اجابة و للسعودية بالذات لان هي تقريبا اللي قدامي دلوقتي
1- ايه رايكم في السفر عموما للسعودية ناس كتير بتقولي بلاش و اوعى المعاملة وحشة و الناس وحشة و انا خايف جدا من كده و بيقولوا قطر احسن في العيشة و الشغل و الناس
2- الشركة في الرياض بس الشركة مثلا على linkdin مش كبيرة يعني حوالي 60 واحد بس بيعملوا تارجت كويس هل الواحد لازم يطلع على شركة كبيرة و لا دي طبيعة الشركات في السعودية
3- ايه هو المرتب الكويس اللي ممكن الواحد يسافر عليه لواحد خبرة 10 سنين انا سمعت مرتبات من اول 8 لحد 25 و كل واحد بكلمة و ايه هو العرض الجامد
4- تنصحوني بايه هل اقعد في مصر و خلاص و استحمل البلد دي الحمد لله انا عندي شغل كويس بس اكيد طبعا الشغل في السعودية مجزي اكتر و بيتهيالي خبرة اكتر و برده بفكر فيها من ناحية ان الواحد يعمل حج و لا عمرة
5- اخر عرض جالي من شركة HR في مصر لشركة في السعودية برده :) و طلبات الشركة بره كانت خنيقة بالنسبة ليا مع واحد انجليزي لازم يشوف اصل شهادات التخرج و اخر حاجة عايز يشوف ايصال مرتبي عشان يتاكد من مرتبي و بيقولولي عادي طبعا زمرتلها في التليفون و هي بتحاول تقنعني انه عادي و الناس كلها ممكن تعمل كده انت رايكم ايه

يا رب تفيدوني لان بجد انتم اخر راي

**shaddadfalcon1** · 25-06-2013 02:04 PM

لو انت متجوز وعندك عيال وعيالك كبار يبقي بلاش منه
لو اانت عندك شقة وعربيه ومرتاح هنا يبقي بلاش منه

لو مش هتحوش ضعف اللي بتكسبه هنا يبقي بلاش منه وخلي بالك من كلمة تحوش واللي بتكسبه
يعني متكونش بتاخد هنا 5 الاف مثلا وتروح تسافر علي 10 ساعتها هتلاقيها هي هي

السعوديه عمري ماسمعت حد شكر فيها وفي ناسها اللهم الا العمره او الحد الحج اللي هتستفادهم بس

الخبره مش هتبقي قد كده والعيشه نفس الكلام

لو قطر ممكن تسافر من لاصبح وتاخد عيالك كمان لو متجوز وهتعيش عيشة نضيفة وتتعامل معاملة محترمة وفلوس كويسه ومدارس كويسه وممكن خبره كويسه عشان معظمهم اجانب

**ahmedmaklad** · 25-06-2013 02:13 PM

المشاركة الأصلية كتبت بواسطة shaddadfalcon1

لو انت متجوز وعندك عيال وعيالك كبار يبقي بلاش منه
لو اانت عندك شقة وعربيه ومرتاح هنا يبقي بلاش منه

لو مش هتحوش ضعف اللي بتكسبه هنا يبقي بلاش منه وخلي بالك من كلمة تحوش واللي بتكسبه
يعني متكونش بتاخد هنا 5 الاف مثلا وتروح تسافر علي 10 ساعتها هتلاقيها هي هي

السعوديه عمري ماسمعت حد شكر فيها وفي ناسها اللهم الا العمره او الحد الحج اللي هتستفادهم بس

الخبره مش هتبقي قد كده والعيشه نفس الكلام

لو قطر ممكن تسافر من لاصبح وتاخد عيالك كمان لو متجوز وهتعيش عيشة نضيفة وتتعامل معاملة محترمة وفلوس كويسه ومدارس كويسه وممكن خبره كويسه عشان معظمهم اجانب

هو انا متجوز و عندي بنت لسه 4 سنين يعني لسه صغيرة فده اللي مخليني متشجع على السفر عشان لسة العيلة صغيرة و في فرصة دلوقتي قبل ما بنتي تكبر عشان بعد كده خلاص مش هينفع
موضوع ان عمر ما حد شكر في السعودية دي بقى اللي انا خايف منها
مع ان في ناس سعوديين كانوا بيكلموني في التليفون ناس لذيذة جدا و محترمين انا ما اتعاملتش مع سعوديين قبل كده

**Maghraby1987** · 25-06-2013 02:35 PM

السعوديين زيهم زي اي شعب في الدنيا فيهم الكويس وفيهم الوحش

**maryano** · 25-06-2013 02:36 PM

المكان الللي ريحو لو شركة كبيرة بتبقه المعامله فيه احسن بكتير لو لو رايح شركة صغيرة في السعوديه و اما المرتب فاحسب بتاخد كام هنا و اضربه في 2 اقل حاجة علاشان غربتك ليها تمن و دة غير بدل السكن لو مش حيوفرو ليك سكن و تسال مسموحلك تستقدم عيلتك بعد اد ايه من سفرك غير ان الاستقدام هنا في السعوديه بقه مقرف غير الزيارات ممكن تعمله من النت بس تقريبا حد اقصي 6 اشهر

**#MAAM#** · 25-06-2013 02:44 PM

مين اللي قالك ان الناس في السعودية وحشة ......... بجد ماتسمعش لأي حد الناس في السعودية زي اي ناس في العالم فيهم الكويس والوحش ده اولا وتاني حاجة هقولك بصراحة لو انت عندك بيتك وعربيتك وبتحوش مبلغ معقول يبقى السفر ملوش لازمة خالص لأن كل حاجة وليها تمن وصدقني الغربة تمنها صعب والفلوس مش كل حاجة ولو انت عاوز تسافر لازم تبقى عارف انك لازم على الاقل تحوش ضعف اللي بتحوشة في مصر ان ماكنش اكتر من كده والعيشة في السعودية عادية جدا فيها الحاجات الغالية والرخيصة والدنيا بتمشي وهتلاقي مصريين كتير جدا وصدقني الفرق اللي هتحس بيه بس هو فراقك عن اهلك واصحابك وده اكتر حاجة هتأثر فيك فعلا .... كبر دماغك من اي كلام بيتقال عن المعاملة المعاملة هنا محترمة للي بيحترم نفسه وبيحافظ على كرامته غير كده ماتلومش نفسك علشان انا يشوف نماذج بجد تستاهل المعامله اللي هما بيعاملوها ليهم علشان مابيحترموش نفسهم ............... استخير وتوكل على الله بس قبل ماتاخد قرارك لازم تعرف ان الغربة ليها تمن وشكرا

**ahmedmaklad** · 25-06-2013 02:56 PM

المشاركة الأصلية كتبت بواسطة maghraby1987

السعوديين زيهم زي اي شعب في الدنيا فيهم الكويس وفيهم الوحش

انا عارف بس ان حاسس زي ما يكون ده الطبيعي ان المعاملة وحشة

المشاركة الأصلية كتبت بواسطة maryano

المكان الللي ريحو لو شركة كبيرة بتبقه المعامله فيه احسن بكتير لو لو رايح شركة صغيرة في السعوديه و اما المرتب فاحسب بتاخد كام هنا و اضربه في 2 اقل حاجة علاشان غربتك ليها تمن و دة غير بدل السكن لو مش حيوفرو ليك سكن و تسال مسموحلك تستقدم عيلتك بعد اد ايه من سفرك غير ان الاستقدام هنا في السعوديه بقه مقرف غير الزيارات ممكن تعمله من النت بس تقريبا حد اقصي 6 اشهر

موضوع العيلة متفقين عليه و الشركة مش كبيرة يعني حوالي 60 واحد بس كلام الراجل انهم عملوا تارجت 60 مليون ريال مش عارف ده كويس و لا وحش

المشاركة الأصلية كتبت بواسطة #maam#

مين اللي قالك ان الناس في السعودية وحشة ......... بجد ماتسمعش لأي حد الناس في السعودية زي اي ناس في العالم فيهم الكويس والوحش ده اولا وتاني حاجة هقولك بصراحة لو انت عندك بيتك وعربيتك وبتحوش مبلغ معقول يبقى السفر ملوش لازمة خالص لأن كل حاجة وليها تمن وصدقني الغربة تمنها صعب والفلوس مش كل حاجة ولو انت عاوز تسافر لازم تبقى عارف انك لازم على الاقل تحوش ضعف اللي بتحوشة في مصر ان ماكنش اكتر من كده والعيشة في السعودية عادية جدا فيها الحاجات الغالية والرخيصة والدنيا بتمشي وهتلاقي مصريين كتير جدا وصدقني الفرق اللي هتحس بيه بس هو فراقك عن اهلك واصحابك وده اكتر حاجة هتأثر فيك فعلا .... كبر دماغك من اي كلام بيتقال عن المعاملة المعاملة هنا محترمة للي بيحترم نفسه وبيحافظ على كرامته غير كده ماتلومش نفسك علشان انا يشوف نماذج بجد تستاهل المعامله اللي هما بيعاملوها ليهم علشان مابيحترموش نفسهم ............... استخير وتوكل على الله بس قبل ماتاخد قرارك لازم تعرف ان الغربة ليها تمن وشكرا

الحمد لله الدنيا كويسة بس انا وهقت من البلد عموما بجد و اهلي فعلا صعب عليا بس اصحابي تقريبا كلهم مسافرين و مش بشوف حد خلاص و البوزيشين كويس و الناس عايزاني هما هايزين يبتدوا المجال بتاعي و عايزيني اروح امسك الموضوع ده من اوله فالموضوع عاجبني و متمسكين بيا و طريقتهم في التليفون محترمة بس برده خايف

**maryano** · 25-06-2013 03:20 PM

استخير و توكل علي الله و حول تشوف معلومات عن الشركة بس اعتقد لو انتا اللي حتمسك الموضوع من اوله لاخرو يبقي حيكونو محناجنلك بس زي مع الاعضاء بيقولو الغربه صعبه و لو مفيش رغبه ملحة ليها يبقي بلاش

**ahmedmaklad** · 25-06-2013 03:26 PM

المشاركة الأصلية كتبت بواسطة maryano

استخير و توكل علي الله و حول تشوف معلومات عن الشركة بس اعتقد لو انتا اللي حتمسك الموضوع من اوله لاخرو يبقي حيكونو محناجنلك بس زي مع الاعضاء بيقولو الغربه صعبه و لو مفيش رغبه ملحة ليها يبقي بلاش

ما هو ده اللي بتكلم علية الغربة و السعودية
انت عارف لو الموضوع ده في دبي و لا قطر كان التفكير هيبقى اسهل شوية انا بس خايف من السعودية و حتة المعاملة دي
انا عجباني الشركة و طريقة الناس في التليفون محترمين و الوظيفة عجباني
الغربة صعبة دي صعب احس بيها دلوقتي انا كنت بسافر بس في زيارات بس عمري ما سافرت السعودية او الخليج عموما

**maryano** · 25-06-2013 03:48 PM

المشاركة الأصلية كتبت بواسطة ahmedmaklad

ما هو ده اللي بتكلم علية الغربة و السعودية
انت عارف لو الموضوع ده في دبي و لا قطر كان التفكير هيبقى اسهل شوية انا بس خايف من السعودية و حتة المعاملة دي
انا عجباني الشركة و طريقة الناس في التليفون محترمين و الوظيفة عجباني
الغربة صعبة دي صعب احس بيها دلوقتي انا كنت بسافر بس في زيارات بس عمري ما سافرت السعودية او الخليج عموما

انا عن نفسي بقالي مدة في السعوديه في الوحش و فيه الكويس و طالما باذن الله المركز بتعاك حيكون كويس يبقي حيكون تمام و لازم بردو تفكر في الغربه و حتقدر عليها ولا لاا