كلام مظبوط فعلا
رقم العضوية : 5118
تاريخ التسجيل : 01Feb2008
المشاركات : 11,185
النوع : ذكر
الاقامة : Cairo
السيارة: Megane II 2010
السيارة[2]: كانت دايو لانوس1 99 - وزة :)
دراجة بخارية: none
الحالة :
أزمة البنزين بتضرب القاهرة بقوة و المحطات كلها مستفة و موقفة الشوارع من الصبح
رجاء لكل انسان مصري مسلم او مسيحي ........ يحترم اخواته و يراعيهم
- التزم بطابور المحطة لأنك مش احسن من باقي الناس ولا اذكى ولا اشطر منهم , لو ما التزمتش هما احسن منك و انت اناني و دنيء
- لما ربنا يكرمك و توصل بالسلامة ان شاء الله , يا ريت ما تبقاش اناني و تفول عربيتك عالآخر , يعني 20 ولا حتى 30 لتر يمشوك , ال10 ولا ال20 لتر اللي هاتسيبهم فاضيين في التنك بتاعك دول هياخدهم واحد مزنوق في بنزين لو انت اخدتهم المحطة هاتقفل و هو على بابها , و هايتشل و يتنقط و ممكن عربيته تقف بيه
يا ريت في الايام الصعبة دي نخلينا قلبنا على بعض و نبعد شوية عن الانانية الى حد الغباء اللي طول ما هي فينا هايفضل حالنا في الحضيض كده
انت تشيل بنزين عشان كمان كام يوم (ممكن) ما تلاقيش و قصادك واحد تاني مش هيلاقي بنزين يمشيه النهارده و المحطة هاتقفل في وشه ؟ ولا انت تاخد شوية يمشوك كام يوم و هو ياخد شوية يمشوه كام يوم و بعدها يحلها ربنا ؟
حط في حساباتك اخر واحد هايقف على باب المحطة قبل ما تقفل على طول , لو سبت له 10 لتر هايمونهم و يمشي , طب تخيل ان 100 واحد عملوا زي كده , يبقى المحطة هاتخدم 100 واحد كمان و الازمة هاتخف بمقدار 100 عربية لمدة يومين , طب تخيل ده ما حصلش , يبقى ال 100 عربية دول هايقفوا في طابور البنزينة من الفجر , و بالتالي استمرار للأزمة
لو حسبتها بطريقة جماعية هتلاقي الحسبة اسهل , هو اختيار مش سهل انك تؤثر غيرك على نفسك , لكن هو ده الصح فعلا
الكلام ده مالوش دخل بالازمة سببها مين ولا ايه , الكلام هنا ان فيه ازمة و لو الناس ما شالتش بعضها يبقى الازمة بطبيعة الحال هاتزيد , زي ما كنت باقول لك , احنا ممكن يكون عندنا 1000 عربية على باب محطة بنزين لأن فيه 1000 عربية تانيين فيهم بنزين هايستعملوه بعد 4 او 5 ايام
لما كل واحد فينا يقول نفسي و بس و الباقي مش مهم ........ يبقى احنا كده عرفنا احنا ليه ادنى اهل الارض , لأن نفس الواحد مننا لما بيوصل بيكمل بنفس الثقافة , انا و بس و الباقي بعد كده , و يرجع الباقيين يقولوا هو مفضل نفسه علينا ليه
مش مختلفين ان الدولة لازم تحلها , لكن في نفس الوقت الناس لو احترموا نفسهم مع بعض مش هياكلوا في بعضهم , و ده حتى واحد من مقاييس التحضر , و من هدى الاسلام كمان
لو مقتنع شير و وصل المعنى ده لكل معارفك
منقول
ناس كتير مش في ثقافتها خالص مفهوم ان مافيش حد ممكن يكون حجة عليا الا اذا انا كنت مأيده على طول الخط و متبعه , و انا لا مؤيد حد على طول الخط ولا متبع حد
[sor2]http://imageshack.us/a/img838/2058/8l0n.jpg[/sor2]
رقم العضوية : 71514
تاريخ التسجيل : 25May2010
المشاركات : 26,773
النوع : ذكر
الاقامة : EgYpT-ⵍⵎⵖⵔⵉⴱ-
السيارة: -- -- all FiaT ---
السيارة[2]: ToYoTa CorOllA ---
دراجة بخارية: - - - - - - -
الحالة :
كلام مظبوط فعلا
رقم العضوية : 28460
تاريخ التسجيل : 25Dec2008
المشاركات : 5,505
النوع : ذكر
الاقامة : Nasr City
السيارة: Logan 2010/Astra Cosmo 2015
السيارة[2]: Logan 2012 AT B.L
دراجة بخارية: N/A
الحالة :
و زود على كدة ان متبقاش عربيتك متفولة و نزلت مشوار و تدخل تقف في الطابور علشان تحط ال5 ولا ال10 لتر اللي استخدمتهم
يجب تعديل حجم الصورة
رقم العضوية : 23252
تاريخ التسجيل : 26Oct2008
المشاركات : 691
النوع : ذكر
الاقامة : البحيرة
السيارة: hyundai excel 94
السيارة[2]: daewoo lanos1 99
دراجة بخارية: ده اختراع ابن تيت بيموت
الحالة :
رقم العضوية : 12745
تاريخ التسجيل : 12Jun2008
المشاركات : 2,123
النوع : ذكر
الاقامة : Mansoura
السيارة: Elantra GLS 2013
السيارة[2]: Kia Soul 2013
دراجة بخارية: no
الحالة :
احنا عندنا ازمة بقالنا شهر و محدش حاسس بينا ولا الاعلام بيتكلم
الازمة فى الدلتا و الوجه البحرى عموما و الصعيد
مكنش فى القاهرة و الاسكندرية و بدأت تسمع
رقم العضوية : 70186
تاريخ التسجيل : 09May2010
المشاركات : 618
النوع : ذكر
الاقامة : ----------
السيارة: -----------
السيارة[2]: -----------
الحالة :
كلام زي الفل ومضبوط جدا ولا غبار عليهوبيتم اتباعه في الخارج مثلما حدث في اعصار كاترينا علي السواحل الغربيه لامريكا
تشوف كميه الايثار والتعاون هناك مش هتصدق
فعلا كلهم بيشتغلوا بروح team work
تعالا بقا عندنا
نفسي نفسي
في تخيلي استحاله تلاقي واحد يعملها
هي فكره عظيمه ونبيله بس فوق طموحات واخلاق الشعب المصري الحبيب
ده مش بعيد لو قابلوا نبيله ياخدوها معاهم
حفظ الله مصر
رقم العضوية : 117583
تاريخ التسجيل : 08Dec2011
المشاركات : 7,814
النوع : ذكر
الاقامة : cairo
السيارة: mercedes
السيارة[2]: mazda
دراجة بخارية: no
الحالة :
ربنا يعديها على خير .
رقم العضوية : 55300
تاريخ التسجيل : 09Dec2009
المشاركات : 8,794
النوع : ذكر
الاقامة : مدينة العبور
السيارة: PROTON GEN2
السيارة[2]: ...
دراجة بخارية: no bike
الحالة :
امبارح من كتر الزحمة فضلت واقف اكتر من ساعة الا ربع قدام دار الاوبرا وكنت رايح ميدان المساحة في الدقي كل ده بسبب بنزينة موبيل اللي في الميدان
وبسبب غباء وتخلف وجهل الناس وقفو الشارع كله واتضريت ارجع شوية بضهري واركن قدام الاوبرا وانزل اخدها مشي ولحد لما رجعت عشان اخد العربية لقيت نفس الزحمة ونفس الناس والطريق مش عايز يمشي
فعلا احنا شعب جاهل ومتخلف وكل الناس بتمشي عكس وبتطلع عكس في كل مكان ومحدش واخد باله من حاجة ولا في شرطة ولا نيلة
حسبي الله ونعم الوكيل فيك يامرسي انت والاخوان كلهم
eng f3lix سابقا
رقم العضوية : 129853
تاريخ التسجيل : 01Oct2012
المشاركات : 985
النوع : ذكر
الاقامة : دمنهور
السيارة: سوزوكى ماروتى
السيارة[2]: كيا ريو
الحالة :
إنت بتتكلم مع شعب بيتاجر فى الأزمات وفيه ناس كتير بتتمنى الأزمة تستمر عشان بتبقى سبوبة كبيرة وأنا بعينى إمبارح شوفت عربيات بتدخل تفول وترجع تانى تقف فى الطابور يحجز دور من جديد ومعاه خرطوم وجركن كبير ويقوم مالى الجركن ويدخل يفول تانى وتالت
رقم العضوية : 82537
تاريخ التسجيل : 02Dec2010
المشاركات : 11,874
النوع : ذكر
الاقامة : Egypt
السيارة: الحمد لله رضااااااااا
السيارة[2]: شاهين 2004
دراجة بخارية: موتوسيكل صينى
الحالة :
أنا متفق معاك فى احترام الطابور
وضد الجراكن على طول وبالذات فى الأوقات ديه
بس مش معقولة بعد عذاب ساعتين ونص ولما اوصل الى الطرمبة اقوله حطلى 20 لتر بس !!!
أنا دلوقتى مبقفش فى البنزينة الا لما خلاص بكون خلصت على الاحتياطى بسبب الطوابير المرعبة ديه
وطبعا هفول التانك كله علشان متعذبش تانى كل شوية
المفضلات