حد يعرف ايه المسمار دا؟؟ (صورة)

السلام عليكم

وانا ماشي بالسيارة هووووب فوجئت بمطب أمامي (عادي وبتحصل كتير) .:eek:
دوست فرامل جامد فأخذت المطب زحف والعربية اتهبدت هبدة وحشة وسمعت صوت حاجة وقعت
نزلت من العربية لقيت على الأرض مسمار طوله حوالي 20سم وقطره حوالي 2 سم (الموجود في الصورة )
وانا مش عارف الصاموله اللي فيه دي لازمتها ايه لانها بتتحرك على المسمار رايح جاي يعني اوسع منه
انا لما شفت المسمار قلت العربية مش هاتتحرك تاني
الغريبة بقى ان العربية مشيت عادي خالص ومحستش بأي فرق ولا حتى سمعت صوت غريب
وعلى فكرة اخر شغل عملته في العربية كان من اسبوعين في التوكيل تغيير بطاحتين مساعدين ومن 4 أيام كنت بظبط زوايا في فيت اند فيكس..
لو حد يعرف ايه المسمار دا يقولي قبل ما اروح للميكانيكي
وياريت لو تفيدوني عن ميكانيكي كويس او مركز خدمة في مدينة نصر
وشكرا للمنتدى واعضاؤه

http://www.postimage.org/PqoViui.jpg

حضرتك متاكد ان المسمار ده وقع من العربيه
لاني شايف الصاموله بتاعته و اعتقد ان من الصعب ان المسمار يقع و الصاموله كمان من مجرد مطب
ان شاء الله خير
حضرتك عربيتك ايه و موديل كام

و الحمد لله ان حضرتك كويس
انا اخدت مطب صناعي وراه حفره في العاشر من رمضان كسر لي الجنط الاسبور

ايوة انا سمعت صوته في المطب
وغير كدا المسمار في قلاووظ في مقدمته مسافة 5 سم مثلا
والصامولة دي زي مانا قلت اوسع من المسمار والقلاووظ !!!
العربية سيراتو 2006

أنا متخيل مثلا اثناء تظبيط الزوايا المسمار دا اتفك زيادة عن اللزوم ومع الوقت وانا ماشي اتفك ووقع في المطب؟ تفتكر؟
بس لو كدا مش كان يبقى فيه تأثير على العربية؟
دا مسمار ضخخخخخخخخخم

وعلي فكرة انا لقيته كدا والصامولة فيه يعني مش وقعت بعيد عنه
يعني هو كان راكب والصامولة تحت كد ا اصلا

ان شاء الله ما يكونش فيه مشكله من اساسه
و شكل المسمار عجيب فعلا
حضرتك النهارده روح بريدجستون اللي في مدينه نصر و ان شاء الله خير

أعتقد والله أعلم ان المسمار ده هو مسمار ربط طنبورة الدينامو أو التكييف وهو المسئول عن شد السير او إرخاؤه .. الأفضل تخلى ميكانيكى ينظر للمجموعة دى كويس

طالما العربية ماشية عادى و مش سامع اى اصوات يبقى غالبا المسمار دة مش بتاعاك (روح رجعة تانى مكانة عشان تلاقى صاحبة زمانة بيدور علية :original:)

لو عايز تطمن, روح لحد بتاع زوايا قول لة انا خدت مطب جامد و عايز اراجع على الزوايا و هو شغال قولة يربط العفشة كويس بردة و لو فية حاجة لقاها هيقولك عليها.

المسمار دة لو موجود فى عربيتك غالبا هيبقى اللى بيربط المساعد و لو كان وقع كان عمل مشكلة.

بردة حط موديل عربيتك فى التوقيع عشان نعرف هيا اية.

اقتباس:

---

المشاركة الأصلية كتبت بواسطة iBiZa

طالما العربية ماشية عادى و مش سامع اى اصوات يبقى غالبا المسمار دة مش بتاعاك (روح رجعة تانى مكانة عشان تلاقى صاحبة زمانة بيدور علية :original:)
.

---

يا ريت:laugh6:
دا شكلة بتاع عربية نقل :)

عربيتي سيراتو

هو لو بتاع ربط طنبورة الدينامو او التكييف يبقى هايحصل مشكلة لو فتحت التكييف؟
المسمار دا لو ملقتلوش مكان في العربية مش هاستريح ابدا!!

أرجو الاهتمام بطلبي انكم تدلوني على ميكانيكي كويس في مدينة نصر

شكل المسمار دة كدة مش بتاع عربيتك اساسا

MMamdouh

شكرا أ/ ممدوح ....
انا بتهمني جدا ردودك على المواضيع

اقتباس:

---

المشاركة الأصلية كتبت بواسطة MMamdouh

شكل المسمار دة كدة مش بتاع عربيتك اساسا

MMamdouh

---

قصدك كان على المطب وانا دست عليه؟؟
:shocked4:
صعب اوي لأني سمعت صوته بعد هبدة العربية في المطب
عموما هي ممكن تحصل بس بنسبه ضعيفة اوي:sorry:
انت بقى اللي هاتدلني على ميكانيكي كويس اروح له وياريت في مدينة نصر او قريب منها

لو بتاع العربية ممكن يكون بتاع ربط كمبروسور التكييف بالقاعدة وليها مسمارين ودا احدهم
افتح الكبوش وشوف مسامير الدينامو والتكيييييييييف

سوال رفيع يا باشمهندس

هو المطب كان اسلفت وآلا من الحديد المهبب الجديد ده ؟؟؟

اصل المسمار ده شبه مسامير المطبات اللي بتمسكها في الآرض

اقتباس:

---

المشاركة الأصلية كتبت بواسطة ruqi

سوال رفيع يا باشمهندس

هو المطب كان اسلفت وآلا من الحديد المهبب الجديد ده ؟؟؟

اصل المسمار ده شبه مسامير المطبات اللي بتمسكها في الآرض

---

مطب اسفلت بس محترم

هقولك حاجه بس متضحكش
هو أكيد المسمار دة مش بتاع عربيتك لان نفس المسمار دة بيربط وش السلندر في الموتور بس مش عارف يصموله ولا لا وطبعا أكيد المطب مفكش وش السلندر بتاع عربيتك يبقي المسمار دة مش بتاع عربيتك والله أعلم

انت بتسبعد ان المطب يفك وش السلندر؟
طب معلش سؤال جاهل شوية ومتضحكش انت :1eye:
هو لو وش السلندر اتفك ممكن العربية تمشي؟

اولا فيه احتمال كبير انه يكون المسمار مش تبع عربيتك اصلا

والصامولة اللى فيه دى كانت محطوطة لاستخدمها كوردة فيه مكانكية كتيرة بيعملو الحركة دى :cuss:

ومن طوله اللى انا شايفه مقارنة بشريط الكاسيت انه فى بعض السيارات النصف نقل يستخدم فى ربط المارش او ربط صندوق السيارة فى الشاسيه

وبما انك خدت مطب مميز فواضح جدا انه مصيدة للعديد من السيارات فممكن يكون بتاع احد الضحايا الاخرين .... ربنا يستر :sorry:

باشا المسامار ده غالبا مش بتاعك لكذا سبب

المسامار ده قديم شكله باين
اقصد على الجزء الي مفروض انه مستخبي منه
ده كله قديم
حاجه تانيه اي مسمار بالطول ده ومربوط كمان بصموله مستحييييييييييل يتفك بصمولته لو اتفك اصلا

الاهم من كل ده غالبا المسمار ده بتاع دينامو .. والصامولة دي ريجلاش عشان السير لما يتغير

تحياتي ومتقلقش

والله يا جماعة انا مش قادر افسر الموقف
ممكن يكون فعلا المسمار مرمي من الاول وانا دست عليه؟ لأن سمعت صوت معدني بيقع على الأرض بعد الخبطة الجامدة !!
بس مازلت شاكك برضه انه مايكونش تبع العربية
هو انا عديت على بتاع زوايا دلوقتي بص على المسمار وقالي صعب اوي يكون بتاع العربية..
دا لو بتاعها ووقع منها المفروض تكون العربية نصين دلوقتي
وبعدها عديت على ميكانيكي .. اول ماشافه قالي دا بتاع قضيب قطر ولا ايه؟ :)
وبص بصة سريعة على العربية من تحت ..
بس برضه مازلت قلقان..
ربنا يستر
وانا شاكر لكل من ساهم بالرد..

اقتباس:

---

المشاركة الأصلية كتبت بواسطة bee

حاجه تانيه اي مسمار بالطول ده ومربوط كمان بصموله مستحييييييييييل يتفك بصمولته لو اتفك اصلا
تحياتي ومتقلقش

---

هي الصامولة كانت راكبه فيه من الاول يعني زي ما الأخ الكريم تفضل وقال انها مستعملة كأنها وردة
والميكانيكي قالي مسمار الدينامو بيبقى اصغر من كدا بكتير
...
أرجو المعذرة يا جماعة لحسن حد يفتكرها اشتغالة ولا حاجة :dunno::sorry:
هو موقف غريب شوية..
لعله خير..

باشا فيه بعض انواع الدينامو المسمار ده بيعدي بعرض الدينامو كله في تجويف دائري وفي آخره الريجلاش زي ما قلتلك قبل كده

إن شاء الله خير

اقتباس:

---

المشاركة الأصلية كتبت بواسطة bee

باشا فيه بعض انواع الدينامو المسمار ده بيعدي بعرض الدينامو كله في تجويف دائري وفي آخره الريجلاش زي ما قلتلك قبل كده

إن شاء الله خير

---

يعني قصدك اكشف على الموضوع دا علشان اطمن
بس ليا سؤال هو لو اتفك من العربية .. ممكن العربية تمشي ؟
ولا انت بتقول انه مش من عربيتي علشان العربية مشيت؟
معلش انا داوشك معاشا

انا اقصد طبعا انه مش بتاعك اصلا
وعلى فكره ممكن تلاقي عند المطب ده كهربائي كان مغيره في دينامو او استعمل غيره ورمى ده
ممكن تعدي من هناك لو لقيت زي ما بقولك اطمن :)

متقلقش

انت بتقول ان كان فيه شغل في العربية قريب ..... ممكن يكون الميكانيكي اللي كان بيشتغل استعمل المسمار دة بشكل ما .... ونسي ياخده ... تركه في حوض الموتور سهوا ... ومع المطب العمولة اللي بتتكلم عنه وقع علي الارض .....انا كتير بالاقي مفكات ومفاتيح صغيرة في الحوض ... بيبقى الصنايعي نسيها ......بالظبط زي الدكتور اللي بينسى الفوطة في بطن الزير ..... قصدي بطن المريض .... احتمال برضه

ده عمود السحب مش ميمار وهو بيبقى طوله تقريبا كده واسمه عمود السحب لانه بيسحب العجله الاماميه سواء اليمين او الشمال يعنى ياخرها او يقدمها لو ان السياره محتاجه كده علشان تظبط معاك فى الوزنيه والصموله ده ما هى الا ان الراجل بتاع الميزان محتاج يكول 1 سم او يقصر فبيحطه زى زنقه يعنه مجرد مسافه بيحتاجها غير كده يبقى مش بتاعك

اقتباس:

---

المشاركة الأصلية كتبت بواسطة engahmed

ده عمود السحب مش مسمار وهو بيبقى طوله تقريبا كده واسمه عمود السحب لانه بيسحب العجله الاماميه سواء اليمين او الشمال يعنى ياخرها او يقدمها لو ان السياره محتاجه كده علشان تظبط معاك فى الوزنيه والصموله دي ما هى الا ان الراجل بتاع الميزان محتاج يطول 1 سم او يقصر فبيحطها زى زنقه يعني مجرد مسافه بيحتاجها غير كده يبقى مش بتاعك

---

انا حاسس ان كلامك ليه علاقة بظبط الزوايا اللي انا عملته من كام يوم كدا
بس انا مش فاهمه..
يعني دي حاجة خارجية الراجل بيستعملها وهو بيظبط العربية ونسيها في الحوض فعلا !!
ولا دي حاجة من عربيتي؟
برجاء التوضيح

حضرتك جرب كدة تدعك المسمار و تشوف هيحصل اية
ولما يطلع الاسطى جنى من المسمار ممكن تسالة عن اصل المسمار العجيب دة
لا بجد الموضوع محير و مش هيفيدك غير اخر حد اشتغل فى العربية او روح التوكيل و بالمرة يشوفوا لحسن يكون فى حاجة تانية اتاثرت بالخبظة دى (مش معنى ان مفيش صوت بيطلع ان كلة تمام)

يا عم الحاج المسمار دة بتاع العربية النص نقل اللي خدت المطب قبلكhttp://www.nilemotors.net/Nile/image...cons/sorry.gif

و الراجل صاحب المسمار عمال يدور علية :dunno:
فبرجاء تروح تحط المسمار جنب المطب http://www.nilemotors.net/Nile/image...ns/shocked.gif
عشان صحبة لما يجيى يدور علية يلاقية :)

:)
معلش حيرتكم معايا:confused:
بس هو غالبا المسمار وقع من العربية وغالبا زي ما احد الاخوة قال ان الصنايعي بتاع الزوايا نسيه في الحوض ولا حاجة ..
هي مشكلتي بس ان انا في القاهرة ولما ظبطت الزوايا ظبتطها لما كنت في اسكندرية (علشان الحيرة تكمل):crazy4:
لولا كدا كنت رحت سألته