عرفونى كل حاجة عن مشط الاسبراتير لو سمحتوا

**Mrs.Aya** · 25-06-2013 06:53 PM

السلام عليكم
عاوزة اعرف كل حاجة عن مشط الاسبراتير الالكترونى ومكانه فى عربية ريحاتا نوفا وهل فى انواع تانية غير الالكترونى
وافضل الانواع اية ؟؟

وهل ينفع يتغير المشط بس ولا لازم بالموبينة ؟
وشكرا

**ashraf_sms** · 25-06-2013 07:11 PM

المشط بس اللي بيتغير انا كنت جايبه للشاهين ب 90 جنيه وشكله عامل زي حتة الالومنيوم وبيكون راكب علي الاسبراتير هتلاقي في سلوك البوجيهات رايحة من الموتور علي الاسبراتير هتلاقي المشط ده عليها

**ahmed legend** · 25-06-2013 07:29 PM

لو مش عايزة المشط تبقى تغيرى الاسبراتير لعادى بس هيبقى ابلاتين وكوندنسر بس هى مشكلة المشط انة لو باظ هيوقف العربية

**Mrs.Aya** · 25-06-2013 07:34 PM

المشاركة الأصلية كتبت بواسطة ahmed legend

لو مش عايزة المشط تبقى تغيرى الاسبراتير لعادى بس هيبقى ابلاتين وكوندنسر بس هى مشكلة المشط انة لو باظ هيوقف العربية

طيب معلش بالراحة كدا وفهمنى واحدة واحدة

الكهربائى قالى اغير الدينمو واقول وانا بشترى عاوزة دينمو بالمشط !!!
اية العلاقة ؟

والافضل مشط الكترونى ولا العادى ؟؟؟ يعنى انا اغير اية عشان عندى مشكلة فى العربية

**ahmed legend** · 25-06-2013 07:43 PM

انا اول مرة اسمع عن دينامو بالمشط دى المشط دة بتاع الاسبراتير ولو حضرتك مش عايزة المشط غيرى الاسبراتير لعادى لان مشكلة الاسبراتير الالكترونى ان لو المشط باظ بيوقف العربية فغيرى الاسبراتير لعادى وهيقى بدل المشط ابلاتين وكوندنسر

**ابو لؤى** · 25-06-2013 07:58 PM

متابع

**Mrs.Aya** · 25-06-2013 08:12 PM

المشاركة الأصلية كتبت بواسطة ahmed legend

انا اول مرة اسمع عن دينامو بالمشط دى المشط دة بتاع الاسبراتير ولو حضرتك مش عايزة المشط غيرى الاسبراتير لعادى لان مشكلة الاسبراتير الالكترونى ان لو المشط باظ بيوقف العربية فغيرى الاسبراتير لعادى وهيقى بدل المشط ابلاتين وكوندنسر

طيب بالنسبة للاخ الكهربائى دا اجيبله مشط الكترونى واروحله اقوله غيره وخلاص ولا اعمل اية ؟

انهى الاحسن الكترونى ولا عادى ؟

**ashraf_sms** · 26-06-2013 06:53 PM

بصي العادي وحش عشان كل شهرين او تلاتة هتحتاجي تغيري الابلاتين والكوندنسر وبعدين مشكلته ان لو العربية سخنت هتلاقي العربية بتقف وحاجة زبالة انما الالكتروني بصراحة فين وفين علي ما تفكري تغيريه فالاحسن تخليكي بالالكتروني وتحافظي عليه وانت بتغسلي العربية تحطي كيس عليه عشان المية بتبوظه روحي لكهربائي تاني عشان ده شكله مش فاهم حاجة

**وائل شويخ2** · 26-06-2013 07:26 PM

السلام عليكم

كهربه البوجيهات ألى هى أساس دوره عمل السياره

بتيجى من الموبينه مرورا بالأسبراتير

لو ركزت فى حوض السياره

هتلائى الموبينه الألكترونى خارج منها سلك واصل للأسبراتير

ومن الأسبراتير أربع سلوك للأربع بوجيهات أيا كان عددهم عندك

دور المشط فى الحوار ده

بيعمل على توذيع الأشارات بالتساوى والتتالى على البوجيهات

وأعراض تلفه

أنه لما بيسخن تلاقى العربيه وقفت وقطعت

وعطله بيكون على فترات متباعده جدا ممكن تكون بالسنين

_______________________
أما العادى بيكون كوندنسر وأبلاتين وحوار فاشل

بلاش منه خليكى فى الألكترونى

___________________

الدينمو حاجه والمشط حاجه
_____________

أنصحك بتغيير الكهربائى

وخليه يقيس خرج الدينمو

وحاولى تخليه يخرج المشط القديم

وهتلاقى فيه أربع أطراف

خليه يبضفهم ببنزين وجربى تدورى

بالتوفيق