يارب وفق كل واحد في حياته ومجاله وارزق كل واحد باللي يتمناه يــــــــــــــــــــــــ ـــــــــــــــــــــــــ ــــــــــــــــــــــارب
عرض للطباعة
يارب وفق كل واحد في حياته ومجاله وارزق كل واحد باللي يتمناه يــــــــــــــــــــــــ ـــــــــــــــــــــــــ ــــــــــــــــــــــارب
انا مش عارف اقول ايه والله يا جدعان بس
انا الدنيا كلها قفلت فى وشى جبت 88% طبعا ما يعملوش حاجه هندسه السنه اللى فاتت كانت بتاخد من 89% هو نسبه النجاح السنه دى قليله 55% ممكن التنسيق يقل الله اعلم
بس انا من جوايا عايز انفجر كان نفسى اخش هندسه المطريه بس ربنا مش رايد
انا حتى مش عارف اكتب مش مالك اعصابى حاسس انى اتصدمت صدمه عمرى ومستقبلى اللى فجأه هايتغير
انا اه عندى طموح وهدف ومش مشكله لو مدخلتش هندسه بس بالنسبالى خساره كبيره طبعا
يكفى ان حتى ماحققتش امل اهلى فيا
انا والله يا جعان تعبت جداااااااااا السنه دى كفايا المواد اللى احنا اكتر قسم فى المواد(سيارات)
كان عندى 9 مواد منهم مادتين رياضه واحده منهم بس قفلت ماعانا على 130 قانون
مش عايز اقول بقى الكلام المعتاد والظلم والتعليم البايظ والتصيحيح والكلام ده
بس انا فعلا حاسس انى اتظلمت جااااااااااااااامد جدا
وحاسس ان فيه حاجه غلط اصلا لان القسم كله فى نفس الرينج من 85 ل 89
انا مش مقتنع بالنتيجه دى
بس كل اللى اقدر اقوله
ان اكيد ربنا ليه حكمه فى كده
طالما تعبت و عملت اللي عليك يبقى متقلقش من حاجة, مش شرط مكافئتك تكون أنك تخش الكلية اللي أنت عايزها و مش شرط تكون مكافأة فورية..
كل اللي عليك أنك تفضل تجتهد فيما تعمل أينما وجدت و ربنا هيعوضك خير في الوقت المناسب ان شاء الله..
ربنا وحده اعلم انا قد ايه بجتهد انا خلصت امتحان من هنا ونزلت لفيت على التوكيلات علشان الاقى تدريب او شغل من غير فلوس حتى بس علشان اتعلم
الواحد مش عايز يعترض على اراده ربنا ومش عايز اقول كلام يبقى معناه اعتراض على نصيبى بس محدش فى القسم كله اهتم بالسيارات قدى يمكن انا كمان معروف هناك بحبى للعربيات وانى كنت شاطر اوى وكل المدرسين كان بيتنبأو ليا بمجموع عالى بس بردو اقول الحمد لله
احساس صعب اوى لما تحلم بحاجه وتتعلق بيها وفجأه تفوق من الحلم
يا عم انت اقتنعت خلاص انك مش داخل !!! خلي املك في ربنا كبير لسه التنسيق مطلعش ادعي بس بكل قلبك و انت واثق ان ربنا هايستجيب (وَإِذَا سَأَلَكَ عِبَادِي عَنِّي فَإِنِّي قَرِيبٌ أُجِيبُ دَعْوَةَ الدَّاعِ إِذَا دَعَانِ فَلْيَسْتَجِيبُوا لِي وَلْيُؤْمِنُوا بِي لَعَلَّهُمْ يَرْشُدُونَ) ادعي بس و ربنا عليه الاستجابه اخوك تالته ثانوي و مستني النتيجه اهوه :)
والله بدعى ليل نهار
وربنا معاك
النتيجة بانت ولا لسة ؟
قدر الله و ما شاء فعل ,, و ان شاء الله التنسيق هيقل و مجموعك دا هيدخلك هندسة
و لو لاقدر الله مدخلتش هندسة فا دا مش النهاية ,, احنا منعرفش الخير فين
و الواحد بيتعرض لمواقف بيدرك فيها متاخر ان الخير كان عكس اللى هو عايزه
ان شاء الله ناجح وهتحقق كل اللي بتتمناه
سؤال ياباشمهندس ان شاء الله هو المجموع الكلى من كام والتنسيق بينزل على مجموع المواد النظرية ولا المجموع الكلى لان واحد قريبى كان فى ثانوى صناعة وامة بسالنى وانا بصراحة معنديش اجابة ليهم