الموضوع: عيوب كيا ريو، أرجو المساعدة

المشاركة الأصلية كتبت بواسطة dodz

لسلام عليكم،

زي ما بعضكوا عارف من قسم المقارنة أنا حالياً في وسط عملية شراء عربية جديدة وكنت بقارن بين ال-301 والكيا ريو . أنا كان من شروطي اني أجيب عربية مانوال وبالتالي حجيب الفئة الأولى من العربيتين لأن هي بس الفيها مانوال. (وفل ريو هجيب من التوكيل عشان الخليجي مافيهوش منوال)

طبعاً أنا واثق إن أما أسأل أصحاب البيجو عن العربية هيهشكرو فيها و أما أسأل أصحاب الريو عن العربية هيشكرو فيها، فقررت أسأل عن عيوب الاتنين و بالتالي أعرف إيه الهخسره في كل واحدة منهم و أشوف العيوبها تناسبني أكتر. وفعلاً عملت موضوع مشابه في قسم البيجو عشان أعرف الردود.

اليهمني هو إيه عيوب العربية دي مع الملاك؟ هل في حاجات في العربية يتمنى الملاك انها تكون أحسن من كدا (تقفيل، ثبات، سرعة، دركسيون خفيف،،،) ؟ هل التوكيل فيه مشكلة أو صيانة العربية متعبة؟ أنا بس بحول ادرس الموضوع كويس عشان مندمش على قراري بعد كدا فأرجو منكم المساعدة.

يا ريت الناس تقولي على أي حاجة مهما كنت صغيرة لأن أي معلومة هتساعدني. ومن أهم الحاجات العايذ أعرفها هي ثبات العربية والتحكم فيها؛ يعني الدركسيون خفيف/تقيل العربية مش ثابتة أوي.

ال أنا شايفو ما بين العربيتين إن ال-٣٠١ فيها كماليات أكتر من الريو وأأمن. الريو منتشرا خرارج مصر والكلام عنها كويس على عكس ال-٣٠١ النازلة بس للدول النامية زي حالتنا، وفي مصر هنا سوقها ماشي ومش هخسر وأنا ببيع انشاالله على عكس البيجو.

انما اتمنى الملك يدفولي على العربيات دي وبذات يتكلمو عن عيوب الريو.

ويا ريت أسمع رايكو بردو في ألإختيار القدامي

باشا مع أحترامي ليك, بس أنت كدا بتناقض نفسك وبتدوخ نفسك علي الفاضي,

حضرتك بتقول

المشاركة الأصلية كتبت بواسطة dodz

طبعاً أنا واثق إن أما أسأل أصحاب البيجو عن العربية هيهشكرو فيها و أما أسأل أصحاب الريو عن العربية هيشكرو فيها، فقررت أسأل عن عيوب الاتنين و بالتالي أعرف إيه الهخسره في كل واحدة منهم و أشوف العيوبها تناسبني أكتر.

طيب إزاي لما حضرتك عارف أنو طبعاً أصحاب البيجو هيشكرو فيها, وأصحاب الريو هيشكرو فيها,
هنقولو لك علي العيوب أزاي ؟!
وأزاي تنقي العيوب تناسبك أكتر.. !!!!

وعمتاً عشان أرد عليك في السؤال دا وأريحك,
لحد دلوقتي مفيش عيوب تذكر للعربيتين زي عيوب النسيان الصني الجديدة مثلاً.


وطبعاً حضرتك عملت موضوعين قبل دا زي مانت قلت, وأنا رديت في واحد منهم,,
وأخدت أراء الناس وعملت الموضوع دا عشان تاخد أراء تفيدك من ملاك الكيا, كل مفهوش مشكلة.

بس بالعقل أنت بتقارن ما بين عربيتين Baseline, فلازم تشوف اللي هتديك مواصفات أعلي وقيمة قصاد السعر,,
أنا عن نفسي لو بقارن ما بين عربيتين في نفس الفئة السعرية
وواحدة فيهم ABS وواحدة مفهاش, هاخد اللي فيها ABS بالمنطق علي طول.


طبعاً في منتدي المقارنات في ناس كتير قالت لك أراء مختلفة منها إن قعدة الأوروبي والراحة غير الكوربي,
أنا مش هقولك قعدة الأوروبي أريح من الكوري والكلام اللي هيبيق نسبي من شخص للتاني,
مع إن حتي اللي ركب كيا وكان معاه بيجو قبل كدا, أو ركب بيجو هيبقي عارف إن البيجو كله كثبات مفيش كلام عليها, وكأمان برضة مفيش كلام عليها, والأوربي كله ليه أستاندرد ثابت مش بيقل عنه.

بس غير القعدة والركوبة والهري دا عشان نرجع لأساس الموضوع.
البيجو 301 أول فئة مانيوال ب 107 ألف. وفيها ABS و 2 أير باج.
والكيا ريو أول فئة مانيوال ب 117 ألف, ومفهاش ABS و أير باج واحدة.

وحضريتك بتقول عايز عربية مانيوال فأنت محصور ما بين الأختيارين دوول, مش عارف حضرتك بتقارن أزاي.!!


برضه عشان تبقي موضوعي وعشان تعرف إن كلامي محايد, ومتفكرش إني بقولك الكلام دا عشان تجيب بيجو,, ركز علي أسعار قطع الغيار الخاصة بالعربيتين والصيانات قبل ما تشتري عشان تشوف أنهي اللي هتناسبك أكتر بعد الشراء..

وموضوعك اللي في قسم المقارنات رد عليه ناس كتير, أكتر من قسم البيجو ومعظم الناس معاها عربيات غير البيجو الكيا وردو عليك بالمنطق.
http://www.nilemotors.net/Nile/364496-301.html

والناس مقصرتش معاك في الرد فيه, وأنا مش بلومك علي عمل موضوع تاني هنا,
لأ خد برضة رأي ملاك الكيا,

بس اللي بلومك عليه أنك داخل في الأساس تخون في رأي الناس قبل ما تسأل, لما بتقول أنا عارف إن كله هيشكر في العربية.!
دا علي أساس أنك لما سألت في قسم البيجو أحنا شكرنا فيها أكنك هتشتريها من عندنا, أو هنستفاد حاجة لما تشتريها,,

ومع العلم أنك لو راجعت القسم بتاع البيجو, من فترة كان فيه موضوع بيقارن ما بين عربية بيجو ورينو فلوانس, وكل القسم قاله رينو فلوانس..!
http://www.nilemotors.net/Nile/36388...t-fluence.html
بس عشان دي كاتيجوري, ودي تاني كاتيجوري تاني خالص,, يعني مش زي مانت قلت هنشكر ف البيجو لمجرد أن أحنا معانا بيجو أو في قسم البيجو.

طيب وبالنسبة لقسم المقارنات ؟ هل كل اللي كانو فيه معاهم بيجو أو هيستفادو حاجة منك سواء قالو 301 او ريو.!


حضرتك سيبت المنطق اللي أي حد بيستخدمة وهوا بيدور قبل ما يشتري عربية, أنك تشوف أنت معاك كام, وأيه اللي ممكن أخدة كا قيمة مع الفلوس اللي هدفعها Best value for money.

بالتوفيق في الأختيار,

المشاركة الأصلية كتبت بواسطة dodz

الموضوع بتاع قسم المقارنة وضحلي كذا حاجة بنسبة الموضوع إن البيجو هي فعلاً best value for money وإن الريو بعها أسهل بس بردو معرفتش إذا كان في حاجة تانية هخسرها في أي عربية من ال-2 ( مش من ناحية الكماليات انما من ناحية السواقة نفسها و التعايش مع العربية) والمناقشة راحت في إتجاه مقارنة بين الكوري بصفة عامة والأوروبي وده مش

الأن عيزو أنا عايذ خبرة من ناس مجربة العربيتين فعلاً فيقدر يقولو إيه فرق ده عن ده غير الحاجات الأنا مكن أشوفها فل كتالوج. لأن العربيتين مختلفين عن ما سبقهم من الماركة.

ما هي الخبرة دي اللي واحد زي أستاذ مهاجر وضحهالك بما أنه مالك للعربية,
وعشان تاخد الخبرة من الناس ممكن تقرأ المواضيع اللي هيا تعتبر Review لكل واحد بيجيب العربية وبيكتب أنطباعة عنها, وايه اللي شايفه كويس فيها وأيه اللي ممكن تكون ناقصاه..

الخبرة اللي أنت عايزها تاخدها من مواضيع تساعدك زي دي

http://www.nilemotors.net/Nile/359777-301.html
http://www.nilemotors.net/Nile/360546-301-100-a.html

http://www.nilemotors.net/Nile/360846-301.html
http://www.nilemotors.net/Nile/35895...eot-301-a.html
http://www.nilemotors.net/Nile/360743-301-c-elys-e.html


ودول للريو, من هنا من المنتدي

http://www.nilemotors.net/Nile/299579-2013.html
http://www.nilemotors.net/Nile/316176-2013.html

http://www.nilemotors.net/Nile/364678-2013.html

بس هقولك تاني إن,
البيجو 301 أول فئة مانيوال ب 107 ألف. وفيها ABS و 2 أير باج.
والكيا ريو أول فئة مانيوال ب 117 ألف, ومفهاش ABS و أير باج واحدة.

والعربيتين مفهمش عيوب تقريباُ, وكل واحد بيجيب الحاجة اللي يرتاح لها,
يعني انا ممكن أشتري الأغلي حتي لو فيها مواصفات أقل.
مع المنطق بيقول إن لو في حاجتين زي بعض أخد اللي هتديني أفضل قيمة مع السعر.

أنا شايف إن البيجو في حالة إن العربيتين مانيول تبقي Best value for money
لأن هيبقي فيها ABS والريو مفهاش, وأتنين أير باج بدل واحدة, وسعر أقل 10 الأف جنيه,

أما لو هتشتري الأوتو وهاي لاين, ممكن تحكم بهواك ساعتها وأرتياحك سواء لدي أو دي,,

دا رأيي الشخصي, ونصيحتي ليك
فاحدد هدفك, وأستخير ربنا,, وربنا يوفقك في الأختيار.