عرض للطباعة
السلام عليكم
محتاج رايكم ضرووووري في العربيتين دول
تويوتا كورولا 2007 اعلى فئه ولا تيريوس 2007GLX ايهما افضل في الشياكه والاعتماديه ويعني تستحمل اكتر وقوه ومتانه واعاده بيع كويس انهي الافضل ضرووووووري
الله يكرمكم رايكم يهمني اوي اوي
http://www............com/vb/images/smilies/Wkiss5.gifhttp://www............com/vb/images/smilies/Wkiss5.gifhttp://www............com/vb/images/smilies/Wkiss5.gif
يا احلى منتدى
تويوتا كورولا 2007 أعلى فئه.
عربية أعتمادية وقطع غيارها أعتمادية ومتوفرة,
علي عكس التريوس.
بالتوفيق.
هل الافضليه عند حضرتك زى ما حضرتك كاتب الشياكه الاول وبعد كده الاعتماديه؟
اعتمد وتوكل فى التويوتا وده راى شخصى وانت وراحتك واستخير وشوف مين اللى ترضى رغباتك واقل سلبية واكثر اعتماديه وقطع غيارها متوفرة وصيانه وتوكيل محترم
بالتوفيق
تويوتا بدون نقاش
If you need the 4x4 get the terios other than that get the Corolla
لو بتتكلم عن الاعتماديه يبقي اكيد التويوتا افضل طبعا وكمان اعادة البيع
الكورولا فرأي ..
اولا الف شكر للناس الي ردت عليا وانا شايف انكم مع الكورولا جاااامد
انا كان ليا سؤال :
هل الكورولا تستحمل زي التيريوس الطرق الزراعيه والمطبات ولا ايه رايكم انا برضو احب احب رايكم
هو في تيريوس قدامي بتاعه خالي موديل 2007 glx حالتها حلوة ب 105 الف ولسه ملقيتش كورولا فاكيد الكورولا النضيفه مش هتنزل عن 115 او 110 الف وانا بقول ان التيريوس تستحمل اكتر وطبعا انا خبرتي مش زيكم انتو تفهموا في الحاجات دي اكتر مني بكتيييير فانا الله يكرمك عايز اشوف رايكم ضروري
الف شكر لاعضاء احلى منتدى
طبعا بدون نقاش كورولا افضل من تيريوس و لكناقتباس:
المشاركة الأصلية كتبت بواسطة abdohtaby
حضرتك بتقول تيريوس عن خالك و اكيد عارف العربية و مطمن لها
اكيد متدورش خد عربية خالك و تبقى ضامن العربية بدل ما تجيب كورولا من السوق و تطلع ملحومة :)
بص يا باشا التريوس الشكل بتاع 2007 أنا سمعت ناس بتشتكي منها, من أيه معرفش ممكن تراجع علي قسم دايهاتسو,,اقتباس:
المشاركة الأصلية كتبت بواسطة abdohtaby
أما الكورولا فتستحمل معاك طرق زراعية, وتستحمل مطبات, عربية أعتمادية كل حاجة شغالة معاك مش هتخيب ظنك علي عكس التيريوس
ومش عشان التريوس أعلي تبقي عربية أعتمادية طول الوقت.
راجع علي المشاكل اللي كانت فيها في قسم دايهاتسو..
بس زي ما أستاذ Rsarabia قال,
بس أكيد لو لاقيت حاجة تويوتا نضيفة, وكشفت عليها وحالتها كويسة أحسن وأقيم 100 مرة وأعتمادية عن التيريوس,اقتباس:
حضرتك بتقول تيريوس عن خالك و اكيد عارف العربية و مطمن لها
اكيد متدورش خد عربية خالك و تبقى ضامن العربية, بدل ما تجيب كورولا من السوق و تطلع ملحومة :)
التريوس
الاكثر ملائمة للطرق المصرية من مطبات وموانع وسدود لانها جيب مدن
التويوتا
الاسهل في اعادة البيع وهي عالية برضه عشان المطبات
انا فى نفس حيرتك دى بس مابين التريوس واللانسر ... وده لانى شخصيا مش بحب شكل الكورولا
بس اعتقد لو انت ممكن تغير السياره بعد سنه او سنتين مثلا يبقي هات الكورولا لان سوق التريوس نايم جداا وهتخسر كتيير فى اعاده البيع ... اما بالنسبه لعيوبها حاول تراجع قسم الدايهتسو"مع انه نايم هو كمان" ..وعصفور فى اليد خير من 5 على الشجره بمعنى عربيه خالك افضل .. ولو ممكن تستلف عربيه خالك يوم مثلااا ولا يومين تمشي بيها يبقي شيء عظيم .... واستخير ربنا اولا واخيرا سواء انك تاخد التريوس او لا او سواء التريوس اوالكورولا .. وربنا يكرمك ويوفقك ان شاء الله
ولو كنت ناوي على مانيوال وعاليه ... ممكن تحط فى حساباتك الرينو سانديرو ستيب ويي
الف شكر لكل الناس
الناس خوفتني من اعاده البيع بتاعه التيريوس يعني خليني في الكورولا وخلاص ان شاء الله انا حاليا بقى عايز كورولا اعلى فئه الي هي فيها سي دي وكاسيت شرايط وسبويلر وجنط وفيها حاجات تانيه انا مش فاكرها بس اهم حاجة الحاجات دي يكونوا فيها وتكون اعلى فئه واهم حاجة طبعا الحاله والالوان شامبين او اسود او فضي حاله كويسه اوي الله يكرمك
مش ممكن تقولولي يعني ممكن تبقى بكام على المواصفات دي