شوارع مصر......... صباحها غير العصر
[frame="7 80"] شارعنا المصرى غريب الاطوار
صحيت بدرى و نزلت رايح على شغلى كالعادة الساعة كده بتاع 7 صباحا
http://www.nilemotors.net/Nile/data:...ojKlYDdH//2Q==
ركبت الاسانسير دعاء الركوب بسم الله و الحمد لله سبحان الذى سخر لنا هذا و ما كنا له مقرنين و انا الى ربنا لمنقلبون
http://img.youm7.com/images/newsPics...0813173135.jpg
خدت توك توك لأول الشارع كان مشغل قرءان بصوت المنشاوى و الولد اللى سايق جميل و هادى و وشه حاجة كده ملائكية
https://encrypted-tbn2.gstatic.com/i...Hh3lZAHF4kCLNT
ركبت ميكروباص لاول فيصل الناس هادية و السواق مشغل قرءان بصوت عبد الصمد و الزنقة بتاعة الميكروباص تنساها فى دقيقة و لا يعرفها الا رواد فيصل و الهرم الفولكس ابو باب مفتوح
http://www.wseetk.com/user_images/8244650.jpg
نزلت منه عشان اركب ميكروباص السيدة نفس الهدوء و برده السواق مشغل قرءان (مش فاكر كان مين )
فى السيدة ميكروباص رايح مكرم عبيد بس الناس كانت ابتدت تزنجر بقى و العربيات الميكروباص بدأت تقبقى قليلة شويتين بس الناس ركبت و هيديت و السواق راح طاير على زرار الكاسيت و الله الله على جمال القرءان تانى و اوائل سورة البقرة و حاجة كده زى الفل ووصلت شغلى الحمد لله
http://www.nilemotors.net/Nile/data:...HqdqVKlRAf/9k=
المشهد الهادى المصحوب بترتيل احلى المشايخ بيتحول بعد الظهر لابشع المشاهد فى التاريخ
http://alumniyat.com/vb/attachments/...%ED%C7%E1-.jpg
الميكروباصات بيسبوا و يلعنوا لبعض و الناس مش طايقة بعض و الكاسيت بيبقى اغانى افلام عبده موته
و التوك توك نفس التوك توك فاكرينه ايوة بتاع صوت الشيخ المنشاوى بيبقى مشغل اوكا واورتيجا باعلى درجة صوت فى البتاع اللى مركبينه فى كائنهم الحى المسمى توك توك حتى الاسانسير ممكن اروح الاقيه يا عطلان يا النور قاطع
http://www.nilemotors.net/Nile/data:...zx4L9D9j//2Q==
الموضوع ده فكرنى بعقيدتنا فى ميلاد الطفل على فطرته و بيكون كالقماشة البيضاء و كل ما يعدى عليه يوم تزداد القماشة غمقان الا من رحم ربى
هكذا يومنا نصحى من النوم كبياض المولود فطرتنا سليمة طيبة هادية و جميله و كل ما يعدى ساعة نفضل نكذب و نشتم و نغتاب و نفوت فرائض و نضرب اسافين فى بعض و. و. و. و. و. و. و. و. و. الا من رحم ربى لغاية ما يجى اخر اليوم و بقينا من اسوأ المخلوقات
http://www.nilemotors.net/Nile/data:...pTYakKdQJ//9k=
[/frame]