الموضوع: زرار الكبوت مش شغال

اولا . شكراً لكل واحد بيفيد غيره ومبيبخلشي علي حد بمعلومه . وفعلا المنتدي دوة والله قيمه كبيره وخصوصا في زمن الصنايعيه الفتايين اللي احنا فيه ده .
الزمن اللي اجبر الناس انه حتي لو امكانيتها الماديه تسمح انه يروح لصنايعي يصلحله العربيه ويريح دماغه........... بقي يفضل انه يشتغل في العربيه بأيده منعا للأفتائات و شغل الطلسقه والكروته بتاع الصنايعيه ...... وللأسف كمان بيتنكو في المصنعيه وبيحسسك دايما أنه عالم نووي والمفرووض تقدره وتديله اللي يطلبه وتبوس ايدك وش وضهر ( بغض النظر انه عمل شغل عك وزباله ) الراجل كتر خيره اصلا انه هو فضيللك واشتغل في العربيه .


ربنا يرحمنا ويعدي ايامنا علي خير في الزمن ده .....
السؤال :

في الصوره اللي تحت زرار الكبووت عندي اللي جمب علبة الفيوز زي ما شايفين . مش شغال من ساعة مجبت العربيه وبصراحه انا اصلا مش عارف هي العربيه فيها لمبه في التابلوه للكبوت لو مفتوح ولا لأ ... بس انا متهيألي انه اكيد فيها امال الزرار دوة فايدته ايه . وخصوصا انه الشنطه لو مفتوحه عندي التابلوه فيه لمبه للشنطه بتنور فأكيد برده في لمبه للكبووت .

انا فكيت الزرار ونضفته وصنفرته كويس وركبته تاني مش شغال ومفيش جديد ..

جبت لمبة وجربت الطرف اللي راكب علي الزرار مع ارضي البطاريه واللمبه مبتنورشي ...

معني كده ويهيألي انه السلك فاصل اصلاً صح ولا أيه ..

طيب لو السلك فاصل ممكن حد يقولي ايه الخطوات اللي اعملها علشان بصراحه ان ممكن انسي الكبوت مفتوح ودوة خطر جدا علشان ممكن الكبوت يترفع في وشي وفعلا ... نسيته قبل كده وكنت ماشي علي سرعه ومش واخد بالي لولا العربيات اللي جمبي نبهوني ودوني كلاكسات . يعني كان ممكن يطير في وشي ويخرب الدنيا .


مركز تحميل الصور