مزودين 37 قرش عن سعره الرسمي
1.00 يورو = 8.63332 جنيه مصري
متوقع حضرتك يثبت ولا يغلى عن كده؟
عرض للطباعة
صرافه في المعادي كان عاوز يشتري مني النهاردهب 7.65
قلتله استنى شويه احسن
تقرير سريع عن سعر الدولار النهاردة (بيع)
معايا مبلغ كبير 2500 دولار, عدّيت على معظم صرافات الدقي وكان احسن سعر لقيته 7.65
لاحظت ان الصرافات اللي كانت فاصلة البورد بتاع أسعار البنك ابتدت تشغّلها تاني.
بداية النهاية؟
هل ضربوا السوق الحرّه في مقتل؟
لحظيا .... ممكن فى المستقبل يفضل كده لو فعلا فى شغل و انتاج بس لو فضل الحال بالشحاته مش هيستمر كتير و هترجع السوق الموازيه اشد من الاول .... كلها كام اسبوع و هيبان
علشان تشوف تأثير قرار معين ,لازم تعدي فترة عقبال لما ردود الافعال السريعة تنتهي وبعدين يبقي رد الفعل بناء علي العرض والطلب ,ولو البنوك مفورتش الدولار الصرفات والسوق السوداء حتلاقي حلول وتتحايل علي قرارات البنك المركزي
أنا ليا وجهة نظر في الموضوع ده
أنا شايف إن الصرافات بدأت تستغل الحوار اللي حصل ده في صالحها
ازاي ؟
دلوقتي الصرافات بتشتري تقريبا بس مش بتبيع بحجة إنهم شاريين غالي فمش هيقدروا يبيعوا بالسعر الرسمي أو ممكن يبيعوا ب7.80 زي ما بعض الإخوة قال وممكن أكتر لكن تيجي تبيعله انت يقولك زي السعر الرسمي لكن طبعا عمره هو ما هيبيع بالسعر الرسمي ولا حتى قريب منه فبالتالي بيستغل الوضع الحالي لصالحه علشان يشتري رخيص وهو عارف ان كمان أسبوع ولا اتنين الدنيا هتولع تاني والأسعار هترفع لأن البنوك عمرها ما هتقدر تغطي طلبات المستوردين والتجار وبالتالي يكون هو جمع مبلغ لا بأس به يقدر يكسب منه كتير بعد كده
ده رأيي والله أعلم وكلها كام يوم والدنيا تظهر وهفكركم إن السوق السودا منتهتش ولا حاجة وكل دي حقن مخدرة لحد ما مؤتمر مارس يخلص وبعدين الدنيا هتولع أكتر من الأول والدولار هيعدي 8 جنيه لأول مرة في تاريخه
طبعآ الدولار خلال شهرين هيكون سعرو العادى فوق ال8 جنيه ومحدش هيعلق عليه واي كلام قصة ال7.65 بيستفيد منو بتوع الصرافات عشان تروح تديلهم الدولار لكن حاول كده تشترى منهم دولار واحد لو بتبيعلو هيقولك معنديش او اللى عندي شاري بالغالى ولو داخل كده لوحدك وشافو انك عايز بجد وزبون مش اقل من 8 فما فوق