المشاركة الأصلية كتبت بواسطة mohamed_hamdi
يا أستاذ جون يوسف ، هما ليهم وجهة نظر و لازم حضرتك تحترمها و حقك تختلف معاهم فيها بدون الدخول في تفكير النفسنة و خلافه. القناة الحالية طاقتها الاستيعابية حتى ٧٥ سفينة يوميا و الواقع الفعلي حاليا هو حوالي ٤٦-٥٠ سفينة بأحمال مختلفة نتيجة لظروف الاقتصاد العالمي حاليا و معدلات النمو المنخفضة لاقتصاديات الدول. الأرقام دي معلنة و موثقة و ليست سر حربي يعني . ببساطة شديدة ، مجرد عمل ازدواج في القناة لتقليل زمن انتظار السفن في القافلتين الشمالية و الجنوبية لن يعطي الإمكانية مثلا ان الهيئة تطلب مضاعفة رسوم المرور على سبيل المثال لان كده كده الشحن البحري معروف انه بياخد وقته و الشاحن و العميل النهائي عارفين ده فمش هتفرق معاهم ٤ ساعات وفر في زمن الانتظار او حتى يوم كامل إضافي. كان الاولى ان استكمل الحد الأقصى الحالي اللي هو ٧٥ سفينة يوميا أساسا.
لو حضرتك شايف الكلام ده غلط ممكن ترد عليهم بأسلوب علمي يحترم العقلية بدل الاتهامات بالنفسنة و خلافه هربا من الرد في أصل الموضوع نفسه.
ربنا يحفظ مصر و اَهلها من كل سوء و يعود الود و الاحترام بين الجميع لانه بدون جبهة داخلية موحدة فصعب جدا تحقيق نجاح على اي صعيد اخر.
تقبل تحياتي و خالص الاحترام للجميع.