الوضع غريب جدا .............................. ربنا يفرجها من عنده .
عرض للطباعة
الوضع غريب جدا .............................. ربنا يفرجها من عنده .
وصل 10 جنية أمس شراء من الصرافة فى الأسكندرية .بعد ما تلف على كذا واحدة
بصراحة محدش يقدر يتوقع أى حاجة و اللى يقول حيطلع أو حينزل يبقى بيفتي من غير فهم لإن وضع السوق المصري لا ينطبق عليه أى قواعد إقتصادية معروفة فى العالم
المفروض لما السعر يعلى كدة بغباء يقل الطلب فيرجع ينزل تانى و هكذا إنما ده مش عندنا
اعتقد و الله اعلم ان محافظ البنك هاسيبوا يعلى فى السوق السودا زى ماهوا عايز.
دلوقتى انت تاجر اشتريت ب10 جنيه. السلعة اللى اتتا جايبها بالمبلغ دا عقبال ما تحط عليها مكسبك و و و سعرها مش هايبأه مناسب غير لطبقة معينة و حتى الطبقة ديه هايجى وقت و مع استمرار الصعود هاتستتغنى عن ده
امبارح فى مترو ماركت كيلو برقوق ب70 جنيه . طبعا مرطرط و لا واحد شايل ربع كيلو حتى.
الطلب كاقتصاد بيتأثر ب3 عوامل اللى هيا وجود بدائل و نسبة الانفاق على السلعة و مدى الاحتياج للسلعة
فى رأيى المتواضع المحافظ عايز يخرج الناس ديه من السوق لوقف جماع الاستيراد و الناحية التانية بيدعم الشغل الشرعى اللى من خلال البنوك و عطاء امبارح الاستثنائى دليلى على ده
كلامك قد يكون منطقي . لعله يكون بالفعل ده المقصود بس أحب أوضحلك إن مش كل التجار بتستورد برقوق أسباني و كيوي و لوز و كاجو فلما يغلوا السعر نسبة من اللى كانوا بيشتروا حيمتنعوا و بذلك تحل أزمة الدولار فى السوق . نسبة السلع اللى زي البرقوق و العنب الأسود و عين الجمل الأمريكي و أكل القطط و الكلاب لا تزيد عن 5-10 % من إحتياجات السوق للإستيراد . حديلك شوية أمثلة لحاجات لازم تيجي من برة بالدولار أبو 10 أو حتى لو وصل 15 و مينفعش نستغنى عنها :
1- قطع غيار السيارات : مثلا تيل الفرامل - البوجيهات - المساعدين - الفوانيس .....إلخ إلخ . دي حاجات لا بنصنعها و لازم نستوردها و لو زاد سعرها 3 أضعاف كلنا مضطرين نجيبها و إلا عربياتنا تقف قدام البيت و متحسرين عليها .
2- خامات الورق اللى كلنا بنستعمله لازم تيجي من برة و إلا حنرجع نكتب على رقاع الجلود و عظام الحيوانات . بما فى ذلك الأقلام و الأحبار اللى بنكتب بيها . حتى لو بنستعمل أقلام بيك مصنوعة فى مصر الخامة الأولية مستوردة .
3-كيس البلاستك اللى بنحط فيه الحاجة لغاية البوليمرز اللى بتدخل فى صناعة كل البلاستيكات و البى فى سي اللى حياتنا معتمدة عليه حتى لو بنصنعه فى مصر . الخامة بتيجي من برة
4- أى مصنع أو ورشة قطاع عام أو خاص تحتاج قطع غيار و مستهلكات مستوردة من الخارج .
5- كل الملابس اللى بنلبسها و مصنوعة فى مصر (إن وجدت ) الخامات الأساسية أو حتى المساعدة و الآلات من الخارج . (عمرك شوفت ماكينة خياطة صناعة مصرية )
6- ندخل على الأكل و حدث و لا حرج : عبوة المياة المعبأة البلاستيك بتاعها من برة و مواد التنقية و التكرير من برة و معدات الضغط الأسموزى من برة و الفلاتر من برة .....حتى لو قلنا على المياة من الحنفية برضه قطع غيار و مستلزمات التنقية فى محطات الحكومة من الخارج .
7- الفول و الفلافل دلوقتى بيحطوا عليها مواد مستوردة زى حاجات تسرع تسوية الفول و بودرة بتتحط على العجينة تخليها هشة مدة أطول ....
إمسك أى حاجة فى إيدك و شوف هل مصنوعة 100% فى مصر و كمان الآلة اللى صنعتها 100 % مصرية . لو فعلا كدة يبقى فكرة محافظ البنك حتجيب نتيجة
آسف للرغي الكتير بس الموضوع مش مجرد كاجو و فستق
فعلا كلام سليم جدا
الشعب لو بطل ياكل برقوق مستورد
الدولار بكرة هيبقى بربع جنيه حضرتك
تخيل حضرتك لو كل مواطن
بدل ما بياكل كيلو برقوق مستورد يوميا
ياكل بلح سيوة
شوف هنوفر دولارات قد ايه
السعر كام النهاردة
إنت فاكر إن في سيطرة من البنك المركزي والمحافظ بتاعه !!!!!!
.
الموضوع منهار من شهور بس كان مستخبي ورا شوية فرقعات تابعة لنظريات شوف العصفورة
زي الربح اللي منتظرينة من التحويلة الجديدة في القناة القديمة اللي بدأت تفقد حتى اللي كانت بتجيبه بدون التحويلة
.
الدولار إرتفع لأن الدولة إنتهت الدولارات المتاحة لديها ومش قادرة توفر للمستوردين اللي بيستوردوا الأساسيات دولارات
وبالتالي هما نزلوا السوق السودا وسحبوا منها كل سنت
ورز الخليج نشف لأن الخليج نفسه في أزمة بسبب حرب اليمن وانخفاض سعر البترول
.
حاليا المتوقع هو العادي بتاعهم في اللجوء للإقتراض الداخلي والخارجي
.
بنتكلم عن دولة بتستورد حتى الطعام بتاعها
مش قصة برقوق خالص
.
القمح عايز دولار عشان نستورده وناكل عيش
تم إلغاء خطة الدكتور عادل البلتاجى وزير الزراعة واستصلاح الأراضى سنة 2012
للإكتفاء الذاتي منه على سنوات
اللي ألغاها الحكومة اللي جت من بعد يونيو 2013
.
نكتفي ليه من القمح
إحنا ناخد دولارات نشتري بيها قمح درجة خامسة من فرنسا
وأهو منقطعش عيش المستوردين
.
الموضوع مش برقوق خالص
ـ