مش عارف ليه بحس ان في ناس فرحانه ان الدولار بيزيد وقيمه الجنيه بتقل
لا تقلق فرحتك مش هتدوم عشان انت عايش ف بلد مستورده ف فلوسك مش هتدوم !!!
المستوردين مش هيصرفوا ع الشعب ... الزل اللي بيشوفوه هينوبكم من الحب جانب
عرض للطباعة
مش عارف ليه بحس ان في ناس فرحانه ان الدولار بيزيد وقيمه الجنيه بتقل
لا تقلق فرحتك مش هتدوم عشان انت عايش ف بلد مستورده ف فلوسك مش هتدوم !!!
المستوردين مش هيصرفوا ع الشعب ... الزل اللي بيشوفوه هينوبكم من الحب جانب
ماحدش فرحان انه بيغلى ........... الا اللي نظرته ضيقه
كلنا بنسف تراب .......... و االلي فرحان ان معاه كام الف دولار .... هايحولهم لتراب في اخر الامر .......
ده غير ان كل ماتملك قيمته نزلت .............
اللهم لا تؤاخذنا بما فعل السفهاء منا
بالضبط كده كله طالع عينه
بس تحس ان في ناس كده مبسوطين اوي من ارتفاع سعره .. كأنه هيغيرهم ويخلع من البلد
منتا بتبيع بالغالي واللي بيشتري بيستورد ويبيعلك .. يعني اللي بقيت تشتريه زاد سعره
يعني لما يوصل ١١،٥٠ مستني ايه تاني
لا وبيقولك بيكمل زياده
الناس الغلابه تروح فين من كل ده
حسبي الله ونعم والوكيل
هوا ليه لسه الناس فاكرة ان الناس اللى معاها دولارين و مكتمين عليهم . هما دول اللى منزلين سعر الجنيه و رافعين سعر الدولار . طب ايه الكلام بالنسبة للريال ؟
يا جماعة دا اقتصاد الدولة اللى رايح فى داهية.
المشكلة مشكلة ان احنا الحمد لله مبنعملش حاجة و عايشين على الغير وبنستورد كل حاجة .
بجد كفاية اوهام و شماعات و انظروا للواقع
وقولولى مصر بتنتج ايه . بتصدر ايه . بتعمل ايه ؟
اكيد محدش فرحان من ارتفاع الدولار الا الناس اللى بتقبض بالعمله الصعبه
انما واحد دخله الاساسى بالجنيه مش هيفرح الا لو ساذج اوى
للأسف اللى فرحان و شمتان ده اللى بيتمنى خراب البلد لأسباب صراعات سياسية ....... فى السعوديه اعرف ناس بتعرض شرا الريال منك على 3 جنيه و توصلك الفلوس لغاية باب البيت فى مصر
لكن الشعب اللى زى حالاتنا ...... كل ده جاى على دماغه
فكرة التصنيع المحلى سواء لسد الأحتياجات المحلية بديلا عن الأستيراد ....... او حتى بعد كده للتصدير و ادخال عملة صعبة ...... فكرة نظريا هايلة بس حتاخد وقت عبال ما يبقى ليها مردود حقيقى على الأقتصاد ...... اللى اقصده انها حل صحيح طبعا لكنه حل بياخد وقت و مجهود و محتاج فى بدايته استثمارات و فلوس كتير لأنشاء المصانع و تأهيل العمالة و استيراد برضه المواد الخام الأولية
الحل السريع دلوقتى لغاية ما الصناعة تشد حيلها و تقوم البلد ...... هو عودة السياحة و الأستثمارات الأجنبية المباشرة
أعتقد انه مش مشكلة دولار، دي كل العملات مش موجودة في السوق، واللي موجود سعره عالي بصورة مستفزة. امبارح واحد صديقي بيشتغل في صرافة قالي محتاج أي عملة عربية مهما كانت وهايشتريها بسعر عالي. أتصور انها مش مشكلة دولار، دي مشكلة اقتصاد انهار فعلا
الفترة الماضية أضطريت اتعامل مع بعض المكاتب الهندسية في مصر
بيطلبوا أتعابهم بالدولار .. محدش جابلي سيرة الجنيه