أخر سعر صرف الدولار

**ahmedwagdy03** · 08-12-2014 02:58 PM

إيه الأخبار الموضوع ماله نايم من يوم 5 .

**salodas** · 08-12-2014 03:34 PM

فين الجديد يارجاله
أنا أعرف انه ثابت حولين 7.63 و 7.65
وأنت وشاطرت ... بس ده مش أكيد لأنى مغيرتش بنفسى
يا ريت الى غير ومتأكد من السعر يفيدنا

**mohamed ataa** · 08-12-2014 04:04 PM

7.685 النهاردة فى مدينة نصر

**4fun14** · 08-12-2014 10:57 PM

انا بدور علي صرافات بتبيع درهم اماراتي ومش لاقي!
هو اصعب من الدولار ولا ايه؟ ولا دخلتي غلط وبتحسسه اني عاوز اشتري بالسعر الرسمي فبيقفلني! انا مش فاهم حاجه

**عبدالحكيم** · 09-12-2014 07:20 AM

المشاركة الأصلية كتبت بواسطة 4fun14

انا بدور علي صرافات بتبيع درهم اماراتي ومش لاقي!
هو اصعب من الدولار ولا ايه؟ ولا دخلتي غلط وبتحسسه اني عاوز اشتري بالسعر الرسمي فبيقفلني! انا مش فاهم حاجه

لو عايز تشتري درهم إماراتي عليك وعلى بنوك الإمارات العاملة في مصر، وهم أربعة: بنك أبوظبي الإسلامي – مصر، بنك أبوظبي الوطني، بنك المشرق، بنك الإمارات دبي الوطني.

وأنصحك بالبدء ببنك أبوظبي الوطني لأنه بنك عملاق مملوك للحكومة الإماراتية وفروعه قديمة في مصر وعباءته المالية غير عادية. أتوقع إنك تلاقي درهم إماراتي بسهولة فيه وبالسعر الرسمي..

أنا بشتغل في الإمارات ونزلت مصر قبل كده بفلوسي زي ما هي دراهم فتفاجئت إن مكاتب الصرافة مصرة على السعر الرسمي للدرهم فاضطررت للتحويل بالخسارة وبقيت من ساعتها أنزل ومعي دولار، وبالمناسبة نادر تلاقي مواطن مصري ينزل ومعاه دراهم. كله بيشتري دولار أمريكي وينزل به مصر..

والله أعلم

**4fun14** · 09-12-2014 08:35 AM

اشكرك
بس حاجه غريبه انه مفيش دراهم ف السوق وميرضاش يشترى منك غير بالسعر الرسمي!
ندره العرض وزياده الطلب هى اللى بتخلق السوق السودا فازاى مفيش سوق سودا للدراهم
هحاول اجرب موضوع البنوك ده ولو انى مشكلتى معاهم ف الاجازات..مستعد ادفع زياده ف الصرافه عشان مضطرش اخد اجازة خصوصا انى مش عاوز مبلغ كبير

**salodas** · 09-12-2014 09:46 AM

صرافة اوسكار مصطفى النحاس .
بيع للصرافه ب 7.67
نقلا عن صديق

**ahmedwagdy03** · 09-12-2014 10:19 AM

دراهم مش حتلاقى كتير حد يبيعلك بالسوق الرسمى لإنها عملات ليس عليها طلب عالى زى الدولار و اليورو و بعدها الريال .

الأفضل تحولهم دولارات و لو رايح الإمارات بتغير عادى جدا من أى مكان بالسعر الرسمى ( مافيش فى الخليج حاجة إسمها سوق سودة للدولار و الكلام الفاضى اللى عندنا ) بتلاقى دايما هامش ربح عند التغيير كلام فاضى