أخر سعر صرف الدولار

**ahmedwagdy03** · 14-03-2016 11:07 AM

المشاركة الأصلية كتبت بواسطة mody112

دلوقتى السعر فى البنك بقى 8.85 ( بس ده عطاء 200 مليون دولار فقط )
تفتكروا المبلغ ده كافى انه يوفى كل احتياجات المستوردين .
طب ولو الدولار متوفرش والناس فضلت ماسكة فيه والصرافات امتنعت عن البيع ايه اللى هيحصل .
متهيالى كان لازم يكون فيه احتياطى كويس عشان الناس اللي مكنزة ملايين الدولارات تتهز وتبدأ تبيع

مش حيقدروا يلعبوا من ورا البنك المركزي للفترة الجاية . واضح إن إجتماع البنك المركزي مع بتوع الصرافة الأسبوع الماضي كان فيه تهديد ليهم فى صورة إتفاق إنهم يلعبوا فى 9.30 و محدش يفكر يزود لو البنك رفع السعر .

كدة يبقى البنك المركزي حرر سعر الصرف و نفذ الجزء الأول من شروط البنك الدولي اللى هو تحرير سعر الصرف علشان يسمحوا بالقروض . فاضل يعدلوا قوانين الإستثمار علشان يعرفوا يدخلوا مستثمرين أجانب . و فى نفس الوقت الحكومة تستريح شوية من دعم الدولار و تخفف الضغط على الموازنة و كمان تخفيض العملة ميزة فى حالة التنافس فى السوق العالمي على التصدير ( مع إن معندناش حاجة نصدرها ).

أتمنى إن نوصل فى مصر لمرحلة السعر الثابت للدولار زى السعودية 1دولار = 3.75 ريال زي ورقة الدمغة

أتوقع إن بتوع الصرافة حينشطوا كمان شهر قرب رمضان لما الضغط يزيد على المركزي