عرض للطباعة
بعد شحن و ضبط التكييف الاسبوع اللى فات
و كان ما شاء الله تلاجة
فجأة لقيته بيطلع بخار بارد صورته فى الفيديو
ESPERO AC - YouTube
و بعد البخار ما خلص و دة استمر حوالى 10 - 15 دقيقة
و ملوش أى ريحة أو بيكثف بخار
التكييف جاب هواء ساخن
رحت لبتاع التكييف النهاردة و كشف على الشحن لقاه تمام
و راجع على كهربة الكومبريسور وجد الكومبريسور فاصل
ووصل له الكهربا و الحمد لله رجع التكييف ثلاجة
حبيت أعرض المشكلة و الحل للاستفادة
البخار من فتحات التكييف يحصل فى حالتين
1- ان الرادياتير الصغير بتاع التكييف السخن يكون مخروم و بيسرب مية تبريد و فى الحالة دى المية حتبقى ريحتها زى ريحة المية الخضراء بتاعت التبريد و مية التبريد حتنقص و الظاهرة دى مش مرتبطة بتشغيل التكييف
2- ان سربنتينة التكييف تكون تلج و لما يدخل عليها هوا سخن من برة او مع اغلاق التكييف بيبداء بخار المية اللى فى الهوا اللى داخل للتكييف يتكثف و يطلع فى صورة بخار و فى الحالة دى البخار حيبقى بارد و ملوش ريحة و الظاهرة دى مش حتبان الا بعد اغلاق التكييف (او فصل الكومبريسور و انت بتحرق مثلا)
اعتقد ان البخار ده جاي من تكثيف التلج على المواسير اللي ورا التابلوه ولما الكومبيروسر فصل عن العمل التلج ده ابتدى يسيح ويخرج في صورة رزاز خفيف مع الهوا اللي طالع من المرواح وبمجرد ما التلج ده خلص بالكامل انتهت الظاهره ده
ده تفسيري للموضوع يا دكتور محمود
سؤال محطتش الموضوع ده في موضوع الاسبيرو اللي الأستاذ عمرو عمله ليييييييييييه؟؟؟؟؟؟؟؟؟
اقتباس:
المشاركة الأصلية كتبت بواسطة mostafa . Ahmed
السلام عليكم
أنا حطيته فى العام علشان الناس تشوفه و لو حد قابله مشكلة زى كدة
لأن موضوع الاسبيرو مش هيدخله إلا أصحاب الاسبيرو
و بالنسبة للبخار أنا عملت بحث على النت و كل اللى لقيته بيتكلم عن تسريب الفريون من السربنتينة الداخلية
فكنت قلقان و لكن الحمد لله
طلعت حاجة بسيطة
كدة عندك فريون زيادة فى الدورة و دة بيبرد السربنتينة الداخلية بشدة فا بتكون تلج...لما التلج بيسيح بيعمل البخار اللى انت شايفة دة و لما التلج يسيح بالكامل التكييف هيرجع يشتغل بكفائتة العادية تانى
MMamdouh
شكرا يا هندسة على التوضيحاقتباس:
المشاركة الأصلية كتبت بواسطة mmamdouh
بس النهاردة
و انا راجع من القاهرة شغلت التكييف و كان بيسقع كويس جدا
بس حاسس إن العربية خشنة جدا
و كمان لما أهدى أو أقف بالعربية العربية بتبطل
و دة بيحصل بس فى حالة تشغيل التكييف فقط
و بعدين لقيت التكييف فصل تانى لوحده بعد ما كان تلاجة
يعنى الكومبريسور مش واصله كهرباء
و الفيوزات تمام
مش عارف فين المشكلة