عرض للطباعة
وياسلام بقي لو حد ادامه سيفيك ٢٠٠٩ 1800cc يبقي خدمني خدمه العمر
مين قال ان البى ام مش مريحه فى السفر الكلام ده مش صح طبعا ولو البى ام مش مريح فى السفر يبقى ايه المريح
طبعا مع كل احترام وتقدير واعتزاز لصاحب المقوله
البى ام مش مريح فى السفر؟؟؟؟؟ عجبت لك يا زمن, و ال A5 مش مريحة فى السفر؟؟؟ هوا غالبا عربياتك الفيها مشكلة يا باشا.
عموما مينفعش تقارن e36 ب e90 او e39, فرق كبير اوى و لو e39 حالتها حلوة هتبقى افضل اختيار طبعا من حيث الراحة و القوة, ولكن عامل الزمن و استهلاك البنزين و اسعار قطع الغيار هتفرق جامد. بعديها ال e90. و فى الأخر السيفيك, و السيفيك جميلة بس انتا بتظلمها فى المقارنة ديه.
معلوماتى كمان ان السيفيك 122 حصان مش 130
لأ هو انا عايز اقول لك حاجة يا فندم انت كده متحيز للسيفك لعدة اسباب
اول شئ قارنت الهوندا بالـBMW وده عار على الصناعة الالمانية انها تتقارن بهوندا وكمان روحت عن رقم 1 عند BMW
ثاني شئ وده الاهم ان الـBMW مش مريحه في السفر - فعلاً زي ما الاخوه قالوا لك العربية اللي ركبتها فيها مشكلة - يعني هم اول ناس اخترعوا الفقاعات الهوائية اللي بتتغير في الكراسي كل 60 ثانية علشان تعمل حركة للعمود الفقري كأنه ماساج للجسم غير الكراسي الجلد الفاخر المصنوع يدوياً
مش عارف بصراحة اقول لحضرتك ايه - بس شكلها طالبه معاك جداً سيفيك وعلشان كده ياريتك مكنت قارنتها مع BMW نهائي
الـBMW لو هتتقارن متنزلش عن الشركتين Audi و Mercedes غير كده هيتمسح بكرامة اي عربية شوارعك يا مصر ههههههههههههههههههه
ومبرووووووووووووووك عليك العربية مقدماً
ههههه يجماعه اولا انا بتكلم في موضوع الراحه عن bmw e36 العربيه كانت عندي وبتكلم عن تجربه وكانت موديل ٩٢ اما بالنسبه للاوكتافيا فالاستاذ المحترم اكيد مليون الميه مجربهاش هي فعلا متعبه جدا بس كوسائل امان وترفيه زي الفل وعملت بيها حاثه بردو العربيه ما شاء الله حديد انا بتكلم عن السيفيك عشان ناعمه وغير كده ثباتها مفهوش كلام موضوع انها واطيه دي بالنسبالي مش مشكله فانا بتكلم عن المجربه مش بقول كده وخلاص ....
بس المشكله في ناس كتير مش مقدره قوه السيفيك
معلش ممكن توضحلنا كلمة متعبة ديه يعنى ايه بضبط؟؟؟
و للعلم انا سقت البورا و الاوكتافيا a4 و الباسات القديم و الاوكتافيا A5 و الجيتا و ال e46 و ال e90 و سيفيك قديم و جديد و كورولا قديم و جديد ده غير الكورى باختلاف موديلاتو و كرايسلر 300 c موتور الهيمى. حضرتك من الممكن جدا يبقى عندك عيب فى العربية يحسسك بعدم الراحة عموما و عشان كده سالتك تقصد ايه بعدم الراحة.
بمعني ان العفشه بتاعت الاوكتافيا ناشفه جدا واكيد حضرتك حسيت بيها في المطبات بالذات لو حضرتك ركبت السيفيك الجديده يريت تدينا خلفيه عن العربيه وملاحظاتك عليها
بصراحة محستهاش ناشفة اوى كده لانى كنت بمتلك بورا اساسا، و ديه انشف من الاوكتافيا عشان العفشة عندى كانت على دنجل.
السيفيك سقت عربيتين و ال2 منبهرتش بيهم، عجبنى نعومة الماتور صحيح بس معجبنيش ضعف عزل العربية عن المحيط الخارجى و العافشة مش بالنعومة الحضرتك متخيلها، السيفيك الاولانية كانت 2007 و ماشية 90000 ك و حالة عامة جيدة جدا، و التانية 2010 و ماشية 60000 ك و حالتها تمام بردو، نصيحة جرب تقودها قبل ماتشتريها العربية فعلن بتحك جامد هتستمتع كسحب و ثبات، بس مع الحياه اليومية لازم تعيد التفكير او تقودها على الاقل.
العجبتنى كعافشة و عزل الكورولا 2008 بس الفتيس بتاعها خنيق جدا الثبات عموما نص و نص و مطمأن الى حد كبير لغاية 160 ل 180، بعد كده محتاجة تركيز.
اعتذر مش عارف اكتب بذمة عشان حاليا بكتب من علة النوت، مش نافع استخدم اللاب.