ربنا يعوض عليك واحمد ربك انها جت لحد كده .. انا كمان حغير باب بسبب خبطه بسيطه لان بتعقد من موضوع الخبطات دا ودا كله بسبب قله عقل الناس برده ..والله نفسى اهاجر من البلد دى
عرض للطباعة
ربنا يعوض عليك واحمد ربك انها جت لحد كده .. انا كمان حغير باب بسبب خبطه بسيطه لان بتعقد من موضوع الخبطات دا ودا كله بسبب قله عقل الناس برده ..والله نفسى اهاجر من البلد دى
انا عاوز اضيف حاجة للعلم وانا مش بغلط صاحب الموضوع خالص
العربيات النقل لما تكون محملة حمولات تقيلة الفرامل بتخف فمسافة التوقف بتزيد وفعلا هو المفروض يسيب مسافة
ولكن لما يجى يسيب مسافة كافية يقوم واحد ظريف خفيف بعربية صغيرة نسبيا داخل فى الحتة دى اللى بين النقل والعربية اللى قصادة طبعا المفروض بتاع النقل برضة ميتحركش ويسيب مسافة يقوم يجى واحد تانى وداخل برضة قدام النقل ...كدة النقل مش هيتحرك من مكانة ...فتلاقى سواق النقل بيلزق فى اللى قدامة عشان الظراف الخفاف دول ..
ودة فعلااا بيحصل فى الشارع بالذات فى الزحام
الحمد لله انك بخير و ربنا يعوض عليك
أحنا ديما بنقول لفظ ده واحد غلبان
عشان احنا بنحب المسامحه بطبيعتنا وشعب مصر فى رباط الى يوم الدين
وفعلا كان ممكن يصلحهوهالك ومفيش مشكله ميزانية الجيش أكيد فيها بند للخسائر والتعويضات بس ربنا عالم كيف دار هذا الموقف .
ونا شايف ان صاحب العربيه تصرف بروح طيبه وسوف يجزيه الله خيرا
واهم حاجه الانسان اهم من الصاج وهترجع افضل من الأول أن شاء الله
وربنا يعوض عليك
فداك ويعوض عليك ربنا انت عارف ان اليومين دول فى أنتشار للجيش فى كل مكان أستعدادا ل 30/6 فأنت اول واحد دفع ضريبه الثوره التانيه وبرده نلتمس العزر للمجندين دولت لا تدريب ولا ممارسه طويله للقياده فى المدن ........الخ ده فى فيديوهات على اليو تيوب لمجنزرات ركبت فوق تاكسي بركابه بطتت ياعينى التاكس من اوله لأخره الجنب اليمين كله والدبابه ولا المجنزره مكمله عادى مافيش مشاكل وركاب التاكس ياعينى نزلوا من الناحيه الشمال ( الكلام ده فى يناير 2011 ) .... الحمد لله انها جت على كده
مش هتعرف تاخد لا حق ولا باطل مهما حاولت
الفائدةالوحيدة هي الدرس المستفاد ، واحنا كلنا استفدنا منه ومش هنعمل كده تاني
لا تمشي أمامه ولا خلفه ولا عن يمينه ولا عن يساره
المرة دي جت سليمة ، الله اعلم كان ممكن ايه اللي يحصل
عوضك على الله
و الله المسامحة حاجة و ضياع حقوق الناس حاجة تانية يعنى احنا بنشوف ناس من كتر ما فيش حد بيخد حقه بالقانون تلاقيه بيخده بنفسه مثلا سواق ميكروباص و سيارة خبطوا بعض و المخطئ سواق الميكروباص و الاتنين بيضربوا بعض علشان مافيش حد بياخد حقه بالقانون يقوم ياخده بالدراع و الرباط الى يوم الدين بيجى اكيد عند تطبيق العدل انما ان حد مخطئ و يكابر و يقول انت المخطئ ده ملوش علاقة بالمسامحة اطلاقا احنا تساهلنا فى الامور البسيطة لغاية لما وصلنا للامور الكبيرة لدرجة انك ممكن تلاقى واحد بينزف فى الشارع حتى الموت او انا عيل صغير يكسر زجاج عربية بطوبة او يجرحلك البوية و الصاج او عامل مزلقان يشرب شاى او يسيب مكانه علشان اتوبيس يعدى و القطر يفرمه ده مش هتلاقيه الا فى دولة زى مصر انما فى الدول المتقدمة استحالة ده يحصل فهل اللى بيحصل ده ليه علاقة بالدين او الرباط ؟؟؟!!!
معلش ياكبير ربنا يعوض عليك ان شاء الله
قدر الله وما شاء فعل ربنا يخلف عليك