الموضوع: عايز اغير الزيوت كلها

المشاركة الأصلية كتبت بواسطة islamnasser10

معاد تغيير زيت الموتور علي 69000 ومحطوطلها زيت 5000
وانا حاليا عامل 67900 وناوي اغير يوم السبت قبل يوم 30 لان مش عارف الظروف هتبقي ايه
فقولت اغير الزيوت كلها بالمرة لاني مش عارف بقالها اد ايه في العربية
انا مشتريها من 4 شهور بالزيوت اللي فيها
تنصحوني باية للموتور يهدي صوته ويخليه انعم
موبيل ولا شيل 5000 معدني ولا تخليقي واجيبه 20 40 ولا 15 40 ولا كام والعربية بتاخد اد ايه بالفلتر
الموتور الحمد لله حالته حلوة والزيت اللي فيه قعد 4000 ونقص من الماكس لحد بين الماكس والمين يعني منقصش كتير الحمد لله

زيت الفرامل دوت 3 ولا دوت 4 والعربية بتاخد اد ايه

زيت الباور ايه افضل نوع وبرضة اد ايه

واخيرا زيت الفتيس ايه افضل نوع واحط اد ايه مع العلم ان الفتيس ناشف وفيه عضه

ولو فيه اي نصايح او ملاحظات اخد بالي منها ياريت
العربية لانوس 2002

بص يا كبير مبدأيا مينفعش تحط زيت معدنى فى عربيتك و هى لسه معدتش ال 100 الف كم كده انت بتقلل عمر الموتور .... لازم زيت تخليقى وفى كذا نوع ممتاز بس احسن 2 دلوقتى هما :
1- فالفولين Engine Armor 5W40 و ده هولندى مستورد
2- ولف 5W40 و ده بيلجيكى و مستورد برده

الجركن 4 لتر فى النوعين ب 300 جنية بيقعد 10000 كم او سنه ..

زيت الفرامل طبعا DOT4 و احسن نوعين Lookheed انجليزى و Liqui Moly المانى
و العربيه هتاخد علبتين واحده تنظيف بها الدوره و التانيه تحطها

زيت الباور هات زيت شيل كويس جدا جدا ومش غالى و العربيه هتاخد علبه واحده كيلو

زيت الفيتيس على حسب انت عاوز ايه لو عاوز حاجة نضيفه يبقى طبعا فالفولين و هيبقى اغلى نوع .... لو عاوز حاجة كويسه و سعرها معقول يبقى شل ...

واهم حاجة لازم تغير مياه العربيه كلها وهتجيب جركن مياه ايادا اسبانى ب 35 جنية موجود فى اى شوب فى اى بنزينه شل نضيفه ...

ابعد عن اى زيت موبيل او مياه موبيل فى العربيه ...