المشاركة الأصلية كتبت بواسطة aymangalal510
برنس يا احمد بيه 1111111111111+
هى دى الفكرة ومش بيعملها غير الغاوى
بالمناسبة يا ashraf_sms باشا .. الغاوى ده يبقى انت ... ودماغك تمام فى الحاجات دى
الفكرة بسيطة زى ما قال احمد بيه ... هى فكرة قربة السنتر بالظبط لكن بدل ماتتوصل على المسوجر lock بتتوصل على كالون الباب ... ولما تدوس على الريموت تشتغل القربة وتفتح الكالون ... وبس
فى الاساس هتحتاج "قربة+ريموت (يعنى جهاز انذار)
فى واحد حبيبى غاوى المواضيع دى وعمل فكرة مشابه فى 127 بس مانيوال بدون الريموت وفكرتها كالتالى:
فى الاساس القربة موجودة " وبتفتح المسوجر" بالمفتاح عادى من غير انذار ولا ريموت ... عمل ايه بقى "بس برضه فى وجود الاكرة الخارجية !!!!"
عشان اوصل لك الفكرة بس ..!! ربط أستك " بتاع البنطلونات العادى" طرف فى القربة وطرف فى الكالون تمام؟؟ طيب القربة محتاجة كهرباء ..جاب الزر بتاع الماوس اللى بنعمل عليه كليك او اى زرار شبهه من عندبتوع الاكترونيات وثبت الزرار ده جوه الاكرة من جوة الباب ووصلة بالقربة ... تمام..!!! مجرد انه يلمس الاكره حاجه بسيطة " يلمس يعنى يفتح" الاكرة تدوس على الزرار بتاع الماوس>> >القربة تشتغل>>> تشد الاستك>>> الكالون يفتح>>> الاستك يرجع القربة لوضعها الطبيعى .... الحالة دى الغرض منها ايه ( يخف حركة الاكرة عند فتح الباب) وانا جربتها يعنى فتحت الاكره لقيت الكالون بينطر بمنتهى السهولة بدون العزم الديناميكى عشان فتح الاكرة
اللى ذكرته ده فكرة التعديل على الاكرة اصلا لكن نفس الفكرة بالريموت وتلغى الاكرة الخارجية
ملحوظة : هتحتاج قرب نضيفة وقوية لان قوة الكالون اكبر من قوة ذراع المسوجر
والبركة فيك بقى يا ashraf_sms يا ابو دماغ دهب تنفذ الموضوع ده بس زى ماقولتلك هتحتاج " قربة نضيفة وقوية + انذار عشان الريموت+ سوسته صغيرة تنطر الباب لبره لما الكالون يفتح" وتلغى الاكرة الخارجية تماما
ان شاء الله هايكون لى معاك حوار قريب عشان اعدل العدادات بتاعتى