ادخل قسم ايه فى هندسة ؟؟

**galilioglal** · 27-06-2013 10:19 PM

المشاركة الأصلية كتبت بواسطة sayed911

لما تخلص اعدادي ان شاء الله وها تدرس من كل قسم مادة ها تعرف تحدد بناءا على دراستك للمواد انتا ميال لأنهي قسم اكثر :) + في الأول وفي الأخر سيبك من له مجال او ملوش اعمل ما تحب حتى تحب ما تعمل :)

ان شاء الله و شكرا على رضك :]

**galilioglal** · 27-06-2013 10:23 PM

المشاركة الأصلية كتبت بواسطة a3sar

لو فكرت في مصدر المكسب في الهندسه غالبا بيكون تعدين وبترول او اتصالات ..
بس كل ده مش مهم المهم انك تعمل ما تحب وتحب ما تعمل فعلا لان هي دي السعاده الحقيقه وهو النجاح في عينه
اعمل اللى انت عايزة ومحدش يضغط عليك ومبررررروك علي دخولك للهندسه عموما كليه جميله وانا بحترم المهندسيين جدا
:)

شكرا على نصيحتك :]

**galilioglal** · 27-06-2013 10:29 PM

المشاركة الأصلية كتبت بواسطة eng_7amed

بص يا هندسة انا الحمد لله مهندس ميكانيكا باور و اتخصصت سيارات بعد كده في مجال العمل
انا اسف بس الكلام ده فعلا غلط
مجال السيارات مش منتشر ازاي
احسب كام توكيل في مصر ليه كام مركز خدمه و كل مركز خدمه مشغل كام مهندس ما بين استقبال و صيانة و قطع غيار :d
دا غير الورش الخاصة
فالمجال منتشر جدا في مصر و ميزته انك ممكن تكسب منه بسرعه باذن الله لو عندك الخبرة سواء انك تشتغل في توكيل او انك تفتح شغل خاص بيك
صلي صلاة استخاره و توكل على الله
بالنسبه لموضوع كهربا و تتخصص بعد كده في السيارات الكلام ده غلط لان حتى صيانة الكهربا بالسيارات بيشتغل فيها مهندسين ميكانيكا سيارات او مهندسين ميكاترونكس

شكرا جدا على اهتمامك بس انا عندى سؤال ليك معلش ... اة الفرق بين مهندس الميكانيكا الباور و مهندس سيارات ..... يعنى لما ادخل باور و اتخصص فى السيارت هبئى بنفس كفائة مهندس العربيات ؟؟؟ :]

**galilioglal** · 27-06-2013 10:33 PM

المشاركة الأصلية كتبت بواسطة rider 2050

انا خريج ميكانيكا السنه دى الحمد لله ولم اندم ع اختيارى لان كان ادامى كل الاقسام
عايز اقلك ان ميزه ميكانيكا باور ان مجال شغلها واسع ماشاء الله ع امل ان حال البلد بس يتعدل شويه باذن الله
وانت نفسك بعد اعدادى ان شاء الله هتلاقيك ميال لحاجة معينه ولازم طبعا تسمع الناس الاكبر ف الكليه هتستفاد منهم كتير
ف جزئيه بس مهمه جدا عايز الف نظرك ليها لو ناوى تتخص ف حاجة معينه زى سيارات مثلا حاول تدخل كليه يكون فيها قسم خاص بالسيارات زى المطريه والقاهرة
وربنا يوفقك ان شاء الله

هو القسم مش موجود فى جامعة الاسكندرية.... :o انا سمعت ان فيها كل الاقسام ؟؟؟

**galilioglal** · 27-06-2013 10:35 PM

المشاركة الأصلية كتبت بواسطة hazemhany

بص يا هندسة ...من الأخر سيبك من بتحب ايه وبتكره ايه ونفسك ف ايه والكلام الأنشائي ده ...انت داخل كلية عايز تطلع مهندس محترم تلاقي شغل محترم بمرتب محترم وتلاقي مجال موجود وسهل تشتغل فيه وتنمي نفسك وتكبر فيه ...علشان تحقق ده قدامك 3 اقسام لا رابع لهم ...مدني ميكانيكا عمارة ...علي ترتيبهم ده ..دول اللي فيهم المواصفات اللي انا ذكرتهالك ...لكن باقي الأقسام بختك يا ابو بخيت زي ما بيقولوا ...بترول واتصالات اكبر كدبتين في تاريخ الهندسة في مصر .. بترول خريجين من سنة 2000 لحد دلوقتي مش عارفين يشتغلوا في المجال وحضرتك تقدر تبحث عن الجروبات بتاعتهم وتشوف بعينك لأنك عارف دخول شركات البترول عامل ازاي في مصر...اتصالات كانت في وقت معين قسم الأحلام لحد ما شركات الأتصالات تشبعت وبقوا دلوقتي يا مش لاقيين شغل يا شغالين في مجال تاني غالبا ليه علاقة بالبرمجة وده مش صلب تخصصهم ...يبقي مقدمكش غير ال 3 اقسام دول اللي شغلهم منتشر بنسبة كبيرة ..انا هكلمك عن ميكانيكا باور بحكم ان هوا تخصصي ..ميكانيك بتديك الفرصة انك تشتغل في مجالات كتيرة اوي زي ...محطات كهربا - مصانع (تصميم - انتاج - جودة- صيانة) - مكاتب استشارية - شركات مقاولات - شركات بترول - مبيعات - سيارات ...كل دي مجالات مفتوحة قدامك ومنتشرة في السوق المصري والعربي فمتقلقش هتلاقي شغل بسهولة عن اقسام تانية كتير وده طبعا متوقف ع شطارتك ورزقك اللي مكتوبلك.

نصيحة اخيرة متزنقش نفسك في سيارات علشان يبقي قدامك مجالات كتير

شكرا على النصيحة و كدة كدة ان شاء الله ناوى على ميكانيكا

**eng_7amed** · 28-06-2013 03:38 AM

المشاركة الأصلية كتبت بواسطة rider 2050

سؤال يا بشمهندس بعد اذنك خريج ميكانيكا باور بيفرق ايه عن خريج ميكانيكا سيارات؟
ولو انا عايز اتخخص ف المجال ده ابدا ازاى مع العلم ان خبرتى ف المجال ده لا تتعدى الدراسه الاكاديميه ولكن نسبيا فاهم الحمد لله

ميكانيكا السيارات اكيد احسن في مجال السيارات من ميكانيكا باور
بس ميزه ميكانيكا باور ان بيبقى عنده خلفيه علمية قويه عن الالات و غيرها و من بينها المواتير دا غير قدرته على التخصص في مجال ميكاترونكس
يعني انا خريج ميكانيكا باور مشروع تخرجي كان ميكاترونكس في مجال عفشه السيارة
و كده كده الخبرة الاكاديميه لا تكفي بس الخبرة العمليه هي الفيصل في قوة المهندس الميكانيكا

**mr_safwt** · 28-06-2013 06:57 PM

المشاركة الأصلية كتبت بواسطة hazemhany

بص يا هندسة ...من الأخر سيبك من بتحب ايه وبتكره ايه ونفسك ف ايه والكلام الأنشائي ده ...انت داخل كلية عايز تطلع مهندس محترم تلاقي شغل محترم بمرتب محترم وتلاقي مجال موجود وسهل تشتغل فيه وتنمي نفسك وتكبر فيه ...علشان تحقق ده قدامك 3 اقسام لا رابع لهم ...مدني ميكانيكا عمارة ...علي ترتيبهم ده ..دول اللي فيهم المواصفات اللي انا ذكرتهالك ...لكن باقي الأقسام بختك يا ابو بخيت زي ما بيقولوا ...بترول واتصالات اكبر كدبتين في تاريخ الهندسة في مصر .. بترول خريجين من سنة 2000 لحد دلوقتي مش عارفين يشتغلوا في المجال وحضرتك تقدر تبحث عن الجروبات بتاعتهم وتشوف بعينك لأنك عارف دخول شركات البترول عامل ازاي في مصر...اتصالات كانت في وقت معين قسم الأحلام لحد ما شركات الأتصالات تشبعت وبقوا دلوقتي يا مش لاقيين شغل يا شغالين في مجال تاني غالبا ليه علاقة بالبرمجة وده مش صلب تخصصهم ...يبقي مقدمكش غير ال 3 اقسام دول اللي شغلهم منتشر بنسبة كبيرة ..انا هكلمك عن ميكانيكا باور بحكم ان هوا تخصصي ..ميكانيك بتديك الفرصة انك تشتغل في مجالات كتيرة اوي زي ...محطات كهربا - مصانع (تصميم - انتاج - جودة- صيانة) - مكاتب استشارية - شركات مقاولات - شركات بترول - مبيعات - سيارات ...كل دي مجالات مفتوحة قدامك ومنتشرة في السوق المصري والعربي فمتقلقش هتلاقي شغل بسهولة عن اقسام تانية كتير وده طبعا متوقف ع شطارتك ورزقك اللي مكتوبلك.

نصيحة اخيرة متزنقش نفسك في سيارات علشان يبقي قدامك مجالات كتير

والله العظيم انت معلم كلامك صح 100%

انا اتصالات والحمد لله شغالى فى مجالى بس السوق بقى يقرف ومبقاش زى الاول
اتصالات دية فعلا كانت التوب من 2000 الى 2008 وبعد كدة بدات تنزل
انا شايف مدنى وميكانيكا احسن قسمين

**إبراهيم المصرى** · 28-06-2013 07:25 PM

الى الامام وبالتوفيق يارب و مبرووووووك من الاعماق ان شاء الله

**م/مصطفى محمود** · 28-06-2013 07:53 PM

بغض النظر إني بعتبر الهندسة = ميكانيكا + كهرباء فقط لا غير :d :d

وان كمان ميكانيكا بور هي أعظم قسم فى الهندسة ( عنصرية متشددة :d )

بس فعلا نصيحتي ليك إستنى لحد ما تخلص إعدادي وفى خلال السنة دي ركز فى مجموع محترم يتيح ليك الأختيار بين كل الأقسام ، وفى نفس الوقت أسأل عن طبيعة شغل كل قسم ، سيبك من الدراسة وصعوبتها ، الأهم طبيعة العمل وهل هتتوافق معاك ولا لأ ، يعني هل مثلا أنت مستعد تشتغل فى مجال السيارات وتبقى لابس شبة عفريتة ومعاك صنايعية وتخليهم يشتغلوا وتبص معاهم على العربية وممكن تتشحم و 99 % شغال فى ورشة مش مكيفة فى الحر ولا حابب تشتغل فى مكتب هندسي مكيف بس روتيني ومحتاج مجهود زهني جدا

فشوف طبيعة كل قسم وكل مهنة وشوف انت ميال لأية وتعرف تبدع فى أية

ثانيا التدريب الصيفي ، فلو أنت خلاص محتار بين مدني وميكانيكا وكهرباء مثلا ، تدور على تدريب صيفي فى الأقسام دي فى أجازة أعدادي وتشوف طبيعة انهي شغل الأفضل بالنسبة ليك وبعد كده تقرر

بس بجد أوعى تفكر بإن القسم ده صعب او سهل ، كله هيعدي

وربنا معاك

**ramymechanics** · 29-06-2013 01:27 AM

باشا السلام عليكم أولا ..الهندسة الميكانيكة عموما وباور خصوصا مجالاتها ما شاء الله فى الشغل زى الفل .. العبد لله مهندس ميكانيكا باور 2003 وشغال بفضل الله بدون واسطة ولا اى حاجة .. بس نصيحة فى ودنك لأخويا الصغير ... اتخصص باور وبردو ممكن تشتغل فى السيارات ليا صحاب كتير باور زيى شغالين فى ام سى فى .. متزنقش نفسك فى تخصص محدد زى السيارات وصدقنى دراسة الباور ممتعة ومجالات شغلها لا تعد ولا تحصى .. تبريد وتكييف طلمبات محركات مصانع بترول وغيرهم كتير ... ولا تنسى الإستخارة