مشكله في لمبه الزيت اوبترا 2007

السلام عليكم يا رجاله دا اول موضوع ليا في المنتدي هنا

انا عندي اوبترا 2007 مانويل 160 الف كم

كنت ماشي بيها لمبه الزيت نورت ولقيت في تسريب في الزيت روحت للميكانيكي قالي الجوان فيه تسريب

غيرت جوان غطا تكيهات و بيجوهات وزودت الزيت

بعدها بقيت لمبه الزيت لما ادور العربيه بعدها ب 10 دقايق بتنور علي 1 rpm ادوس بنزيت اللمبه تطفي

_ روحت للميكانيكي قالي المتور قديم بيحرق زيت الكرانك عايز بتفتك ويتغير شنابر وطرمبه زيت ونعمر الماتور
_ روحت لميكانيكي غيره قالي غير نوع الزيت وخليك في شيل بدل موبيل

.... طبعا مش مقتنع بالكلام دا ....

روحت غيرت زيت وفلتر نفس المشكله
غيرت ساعه زيت أصلي نفس المشكله

اشتريت طرمبه زيت أصلي ..... بس لما اروح لحد اركبها من قبل ما يبص علي العربيه يقولي العيب مش في الطرمبه كانه خايف يركبها :d رغم اني حاسس انه العيب فيها


افدوووووووووووووووووووووو ني يا اعل الخبره
معلش طولت عليكم

لو حد برضوا يعرف ميكانيكي كويس خبره او مركز خدمه محترم في اسكندريه يقولي - غير التوكيل لاني مش بحبهم -

متابع واعتقد ان فعلا طرمبة الزيت هي المشكله لان اللمبه مبتنورش الا اذا ضغط الزيت نزل...
تحياتي

Sent from my Xperia Arc S using Forum Runner

اقتباس:

---

المشاركة الأصلية كتبت بواسطة dr.hazem

متابع واعتقد ان فعلا طرمبة الزيت هي المشكله لان اللمبه مبتنورش الا اذا ضغط الزيت نزل...
تحياتي

sent from my xperia arc s using forum runner

---

دا اللي انا مقتنع بيه ان علي 1 rpm ضغط الزيت بيقل واللمبه بتنور

الميكانيكي واحد بيقولي عمر الماتور كله .

والتاني بيقولي غير زيت موبيل وخليك في شيل لانه اخف

محدش يعرف ميكانيكي كويس اغير عنده طرمبه الزيت ؟ في اسكندريه ؟

ايه يا رجاااااله مفيش اي مساعده خالص كدا :[

على فكره اول ميكانيكى كلامه صح وهو لازم تعمل عمره للماتور اصل انا كنت فى الموال ده وتعبت جدا وعملت عمره وبرده ما اتظبطتش اولا افتح غطاء الزيت والعربيه شغاله على السلانسيه من غير ما تزود وشوف الزيت واصل لفوق وﻻﻻ لو واصل لفوق يبقى الطرمبه شغاله ويبقى العيب فى السبيكه بتاعه الكرنك نفسه ودى بتحتاج يتفور الماتور كله فنصيحه لك اخويه لو طلع العيب من الكرنك متعملش عمره لانها فى الغالب مش هتنجح زى اللى حصلى تمشى عليه لغايه لما يجيب اخره وتشترى ماتور استراد بيسموه(شورت بلوك) يعنى ماتور بدون ادوات تغذيه زى ما عملت انا والعربيه الحمد لله اتعدلت معايا واى استفسار انا بلخدمه وياريت تقولنا عملت ايه علشان باقى الاعضاء يستفادو من التجربه

almosecar الف شكر يا باشا علي الرد :D


انا دلوقتي عندي العربيه علي السلانسيه لما بطلع تيست الزيت ..... الزيت بيطرطش . كدا عيب في الكرانك ! ولا ايه !

انا زهقت منها وسايب اللمبه منوره :[

للاسف يبقى العيب من تحت لاما الكرنك عاوز يتخرط لاما السبيكه مش كويسه وفى ميكانيكى كويس فى فيصل شارع العشرين لو انت من سكان فيصل او الهرم اسمه على السمان ممكن تروحله او تروح لميكانيكى يكون بيفهم ويقلك السبب بس انا على حسب ما حصل معايا العيب من تحت فى الكرنك ونصيحتى امشى عليها كده لغايه لما تجيب اخرها وانصحك ما تعمرش محدش بيظبطها تجيب ماتور استراد بتاع نوبيرا نفس ماتور الاوبترا بلظبط وانا ركبته والحمد لله واى استفسار انا بلخدمه

ربنا يخليك يا باشا ..... انا ظبطت البوابه شويه . فلمبه الزيت دلوقتي بتور اقل من الاول بكتير علي السلانسيه :d

هخليها لحد ما تجيب اخرها واغير بقا متور :d