اكيد طبعا شركاء
كفاية كمية الجراكن فكل بنزينة
الي اكتر من العربيات نفسها
عرض للطباعة
اكيد طبعا شركاء
كفاية كمية الجراكن فكل بنزينة
الي اكتر من العربيات نفسها
كان عنده حق الريس لما قال عليها "حرب الجراكن"
معظم محطات القاهرة مفيهاش موضوع الجراكن ده، و مثل هذه التصرفات تساهم في تفاقم الأزمة و لكنها ليست سبب الأزمة و إذا تم حل الأزمة ستنتهي ظاهرة الجراكن دي بالتأكيد. و إذا كان في رقابة على المحطات و مفتشين زي ماسيادة الرئيس و الوزير يبقولوا أكيد محدش حيبيع لحد في جركن. لكن غياب الرقابة أو بمعنى أدق انعدام الرقابة زي أيام النظام السابق بالظبط هو مشكلتنا الحقيقية
هيا فى الاخر أزمة ضمير
والله يا جماعة انا ضميري بيأنبني علشان مليت جركن وشايلة للطواري اللى زي الازمة دي
بس بعد ماشوفت الكلام دة انهاردة حسيت اني هديت شوية
منا بردو لو مكنش عندي الجركن دة كنت هقف فى الطابور وازود البللة طين
ويمكن انا عملت كدة علشان بالفعل هحتاج البزين احطة تاني فى التانك مش هبيعة او ادية لحد ميستحقش
انا بشكر كل من قام بالمشاركة ويارب الازمة تتحل على خير
سافرت بنها علي امل اني الاقي بنزين
لكن للاسف ملاقتش واضطريت اني اخد بنزين من موتوسيكل حمايا
زجاجتين يجي حوالي 3.5 ليتر علشان اقدر ارجع
ربنا ينتقم من كل واحد ساهم في الازمة ده
انا مش عارف الناس بتجيب وقت منين عشان تلاوقى حد يقف ف الطابور و يروح يفضى ف جراكن و يرجع تانى يفول عربيته و هكذا ,,,,,,
ايه مش وراهم حاجة يعلوها ف يومهم غير البنزين ؟؟؟؟؟؟؟؟؟؟؟؟؟؟؟؟؟
طيب يا جماعه مهو الغلط اللى علينا مش اننا شوفنا الكلام ده وعرضناه على صفحات النت المفروض اللى يشوف حاجه زى كده بدون احتكاك مع الاشخاص دى يتصل بشكاوى الداخليه والبترول والتموين ويبلغ ويبقى كده مش احنا سبب المشكله لو الجهات دى متحركتش يبقى هم سبب المشكله .
اولا .. لاشك ان اللى الناس بتعمله ده خطأ ..
لكن لازم تنظر للموضوع بكذا منظور
دلوقتى لو اتوفر البنزين فى كل بنزينه بدون ان ينتهى .. هيترتب عليه الآتى:
- الناس كلها هتشترى بنزين من البنزينه .. وبكده قضيت على مشكله السوق السوداء لان المسأله مجرد عرض وطلب
- مش هتبقى فيه طوابير من أساسه وكده انت حليت المشاكل اللى بتحصل من التزاحم وكل واحد حقى بدراعى والكلام اللى بيحصل ده
- تالت حاجه الناس مش هتضطر انها تخزن فى جراكن ولا غيره .. لانه بكل بساطه البنزين متوفر فى كل حته
فأيه لازمه تخزينه!!
...الخ الخ
يعنى المشكله لها اسااااس .. واذا اختفى المسبب لزال السبب .. الناس بتستغل موقف سئ لصالحها اه .. لكن مش هما اللى عاملين المشكله .. يعنى هما مش طرف فى المشكله زى ما قولت..
الكلام اللى بتقوله حضرتك ده ..و لو مؤخذه الحكومه الحاليه الفاشله اللى تقوله لانها مش قادره تلبى احتياجات فحُجتها الوحيده هى الحيطه المايله اللى هما الناس .. وده بقى اللى اسمه ... الخيبه التقيله....
وربنا يصلح الاحوال ومصر تبقى افضل ..
الناس بتحسسك ان الوقت ببلاش او مش وراه حاجة يعملها تلاقي اللي قعد في البنزينة بتلات اربع ساعات عشان البنزين
ياراجل كبر مخك
أنا غبت من الشغل تلات ايام عشان ماروحش بالعربية وعشان مذلش نفسي في المواصلات
ده أنا لما وقفت في طابور البنزينة كان قدامي بتاع ٦ عربيات وورايا بتاع ٥ عربيات وكنت واقف مشلول الصراحة يعني عشان أحط بنزين اضيع ثلث ساعة ليه يعني
الكلام ده كان الجمعة اللي فاتت
قومت مفول العربية وركنتها عشان الطوارئ
وقضتها مواصلات
ولحد دلوقتي مخرجتش بالعربية الا في مشوارين مهمين
انا لسه شايف الموضوع ده النهارده
ومن كتر اندهاشى من منظر الناس اللى راكنه عربياتها ونازله بجراكن فى صف طووووووووويل لفيت وقمت مروح وقلت يتحرق البنزين على اللى عايزينه ووقت ما البنزين يخلص منى هاركن العربيه مكان ماوقفت واروح مواصلات
بلا قرف والله الواحد صعبان عليه نفسه فى البلد دى