عرض للطباعة
انا عجباني الاوبل استرا ٢٠١٣ كوزمو جدا وبفكر بشكل جاد في الشراء
بس لاحظت ان الكروز نفس الماتور ١١٥ حصان
وكمان هما تبع نفس الشركة جنرال موتورز
لدرجة ان حتى النهاردة شفت كروز معدية جنبي لقيت نفس اوكر الابواب الكروم اللي في الاسترا الكوزمو هيا نفسها اللي في الكروز
رجاء من رجالة المنتدى توضيح الفرق بين العربيتن من جميع النواحي
وايهما تفضل في حالة الشراء استرا ام كروز ؟؟؟؟؟
خاصة اني لاحظت فرق في الفلوس ٢٠ الف تقريبا بين الاسترا كوزمو وكروز هاي لاين
ولا رد واحد يا رجالة:N_no[1]:
حضرتك هتلاقى شرح وتقييم للعربيتين على حده فى المنتدى ممكن جدا تقراهم كويس وتعرف الفرق
الكوزمو انا تحت امر حضرتك في اى حاجه وانا عامل موضوع اسمه' تقييم اوبل استرا كوزمو'
وفى زميل عامل موضوع بالتفصيل عن الكروز
العربيتين نفس الموتور والفتيس وعلى نفس الشاسيه مع إختلاف فى نظام التعليق الخلفى ( الأسترا Z-Link )
عوامل الأمان أكتر فى الأسترا ESP أساسى و 4 ايرباج و ABS
الأوبشنز أكتر فى الأسترا بس الإنجوى مافيهاش ولا جنوط سبور ولا فوج لايت
انا مايل اكتر للاسترا وعجباني جدا وطبعا الكروز كشكل وتصميم رائعة وطالما انها تشبه الاسترا في حاجات كتير مع عدم وجود بعض الكماليات والاتنين وكيلهم واحد منصور
طيب مع الخبرة بالسوق اي وحدة منهم قطع الغيار اكتر وارخص ومنتشرة في السوق اكتر
وشكرا للرد لمحي وحسام وانا منتظر الرد
قطع غيارالكروز اكيد ارخص واكتر بحكم ان العربيه فى السوق من كذا سنهاقتباس:
المشاركة الأصلية كتبت بواسطة ashrofa72
بس من ناحيه تانيه ومع كامل الاحترام طبعا للكروز بس الاسترا ركوبه مختلفه وعربيه المانى وبتنزل مصر بنفس المواصفات الاوروبيه بالعكس باوبشنز اعلى من بره بحكم اننا بنحب الدلع فى العربيات
انا كان معايا الاسترا فى لندن وكانت مانيوال ومفيهاش الاوبشنز اللى نازله فى مصر بس مواصفات العربيه والاساسيات والامان واحده هنا وهناك
استرا من رأيي علشان وسائل الامان والـSuspension
طيب من حيث الكماليات هل فتحة السقف والزينون والكروم في الاوكر والابواب مهمين ولا مش مهمين
لان الكزمو اللي هنا في الامارات فيها الحاجات دي بس طبعا السعر هيزيد والجمارك كمان حتزيد
والانجوي بدون الكماليات دي لكن سعرها مناسب تنصحوني بايه الافضل وخاصة اللي جربو الكوزمو اللي في مصر
متابع:up:
الكزمو هنا فى مصر من غير فتحه سقف و مفيهاش لا بلوتوث و لا زينون ... بس كل الحاجات اللى انت بتكلم عنها دي فى شكل العربيه و ترجع لذوق كل واحد .مفمش حعرف انصحك ... بس بالنسبالي مفتقدش الكماليات دي عندياقتباس:
المشاركة الأصلية كتبت بواسطة ashrofa72