المشاركة الأصلية كتبت بواسطة benmatar
بصراحة بالنسبة لنا هنا في مصر بعد شارب وإل جي مفيش
الحكاية إن مفيش موديل كامل من مجاميعه بس الموديلين دول نقدر نديهم اعلى نقط لو عملنا مقارنة في اكتر من بند مش التبريد بس، زي الصيانات من خلال التوكيل ومن خلال الفنيين العاديين، كفاءة التشغيل واستهلاك قطع الغيار، توافر قطع الغيار في السوق العادي غير التوكيل.
يعني مثلا تكييف ماركة جنرال لايزال يصنع في مصر وبجودة عالية وهو محترم جدا، بس مين بيبيعه؟ موزع؟ إتنين؟ طب مين بيصلحه وعنده قطع غياره غير المصنع؟؟
ولو فكرت ابيعه مستعمل حد هيشتريه؟؟
الموضوع زي العربيات يا فندم، ممكن عربية تكون واخدة جوايز في العالم كله وتوكيلها هنا تعبان وفشلت بسببه محدش بيشتريها