اقتباس المشاركة الأصلية كتبت بواسطة ahmedhilmy مشاهدة المشاركة
شبابنا الأفاضل السلام عليكم
مع كامل احترامي و ادراكي لحسن نيه صاحب الموضوع انه يضيف بسمه لينا كلنا باضافه موضوع فكاهي للقسم الا انه انا ليه راي مع احترامي ليكم:
1- الشكل العام لكل التعليقات اننا ربطنا نمره العربيه بشخصيه قائدها او صاحبها و كلنا عارفين ان ده يبقي تجاوز في حقه لأنه اكيد ملوش ذنب في نمرته دي و كمان ملوش حق الاعتراض يعني ده نصيبه و قدره و اكيد كان ممكن اي حد فينا يبقي مكانه .
2- اكيد في ناس كتير من زمايلنا هنا نمرهم زي النمر اللي انتم عرضتوها و ده في احراج ليهم .
3- ان نمر العربيه تحمل شئ من الخصوصيه يعني مينفعش اصور عربيه حد في الشارع بمركتها بنمرها و احطها علي النت سواء بعلمه او بدون و حضراتكم اكيد اغلبكم او كلكم لما بتيجوا تعملوا اعلانات لبيع عربياتكم بتغطوا النمر طيب اللي مقبلوش علي نفسي مقبلوش علي غيري.
4- بعض اعضاء المنتدي من السيدات و انا شايف ان بعض الصور فيها تجاوز هتقولي مهوما بيشوفوها في الشارع علي عيني و راسي بس منقلهاش هنا .
ده رائي الشخصي و ارجو انكم تتقبلوه بصدر رحب و علي فكره انا نمري حلوه و ملهاش اي معني تاني احسن تفتكروا الصور ضيقتني و لا حاجه هههههه
لا ياباشا كلام حضرتك سليم 100% وتمام وعلى راسى من فوق بس احب اوضح لحضرتك حاجة انا عملت الموضوع ده فى سبيل الفكاهه مش اكتر يعنى مش مقصود منه حاجة وبرضو مقصدش انى اربط نمرة عربية بشخصية حد الموضوع كله تريقة على النمرة بس وملهوش علاقة بصاحبها لانه فعلا زى ماحضرتك قولت انها نصيبه وملوش زنب فيها وبعدين الموضوع ده جيه فى التليفزيون لو تفتكر اعلان احمد حلمى

‫اعلان شيبسى احمد حلمي الجديد 2011.mp4‬‎ - YouTube