ما هو افضل بنك اجنبى فى مصر؟

**mastr_n** · 04-09-2013 05:51 AM

علشان مافتيش انا هاحكى عن تجربة
وتجربتى مع بنكين
1 - بنك مصرودة اخرة تفتح فية دفتر توفير وتسحب من الماكينة بتاعتة بس غير كدة بنك فقير فى خدماتة جدااا وخدمة عملاء فقيرة حاجة كدة حكومة من الأخر

2 - hsbc مصر فعلا بنك محترم وبتعامل معاة بقالى اكتر من 6 سنين تحويل مرتب و انترنت بنكى اكتر من ممتاز ال Atm debit خدماتها كتير وبعدين لو دخلت البنك من جوة وليك طلب بصراحة ناس محترمين
عيوبة ال poor services خارج مصر يعنى لو انت بتحولك فلوس من برة مصر علية وابتسافر كتير مانصحكش بية علشان كدة للمعاملات الخارجية انا قررت افتح حساب فى البنك الأهلى المصرى

**محمد يوسف** · 05-09-2013 10:37 AM

hsbc بلا منازع

وبرضه فيه 3 بنوك فى القايمة دى لازم يترميوا فى الزبالة : باركليز ده أسوأ محل بقالة فى مصر ..ماسموش بنك ...وطبعا سيتى بنك شيوخ منصر ونصابين وحرامية ... وفى الأخر بنك بى ان بى باريباس بنك على قده جدا جدا وضعيف قوى

**Bassem Youssef** · 06-09-2013 04:22 AM

nsgb

**medo_2060** · 07-09-2013 10:56 PM

اتعاملت مع كذا بنك بس اسواء بنك مر عليا hsbc
الصراحه انا مستغرب من كلام الناس عنه يكمن العيب فيا بقى :)
انا شغال فى شركه بتحول رواتب على ديبت كارد من البنك دا ... بجد اسوء بنك اتعاملت معاه فى حياتى
الكارد ضاع منى وقعدوا شهرين عشان يجيبوا ويقلك معلش اصله راح القريه الذكيه وهنبعت نجيبه قمه الاستهتار
ولما وصل البيه مدير الفرع قالى انت شغال على الباسوورد القديم جيت اجرب منفعش اتصلت بيهم قالولى لا المفروض بعتنالك باسوورد جديد ! يعنى مدير الفرع نفسه بيدينى معلومه غلط
قعدت شهر ونص اقسم بالله على ما جاىن الباسوورد مع انهم قالوا خلال 7 ايام
والى يضحك بقى لما وصل طلع غلط !! رحتلهم قالولى معلش هنطلبك واحد تانى

دا بنك ابن @$@#%$#%

**prince91720** · 08-11-2013 09:17 AM

البنك ينقسم قسمين:
1: خدمات وتتمثل فى عمليات الايداع والسحب والتحويل
وجوده هذه الخدمات تتوقف على مدى سلاسة وسرعة العملية المطلوبة ومقدار العمولات أو الخصومات المأخوذه عليها
ودى بتختلف من بنك للتانى كل بنك على حسب سياسته
2: موظفين وده بيتوقف على شخصية الموظف نفسه اذا كان رجل ذوق ومحترم ولّا تنك والتناكة وخداه ووخده اهله واحنا كلنا جربناهم وعارفينهم كويس

**أبو آسر** · 08-11-2013 02:44 PM

يا جماعة معلش استفسار
أنا بتعامل مع البنك الأهلي المصري مطلع ماستر كارد وبصرف شهريا مبالغ كبيرة بحكم شغلي في التسويق الإلكتروني بس بفكر أغيره وحسب كلامكم بنك HSBC فيه شبه إجماع على إنه الأفضل نسبيا
بس في حاجتين مهمين مقدرش أستغنى عنهم بيعملهم البنك الأهلي فهل موجودين في البنك ده برده ؟
1. لما بعمل أي عملية دفع بتجيني فورا sms بالمبلغ وموقع دفع المبلغ
2. خدمة الأهلي فون بتصل ب19623 وبدخل يوزر نيم وباسورد وبيرد عليا الرد الآلي بالمبلغ المتاح والمبلغ المستحق الدفع والمبلغ المعلق ودي شغالة 24 ساعة لأنها آلي زائد إن موظفين الدعم موجودين برده 24 ساعة
فهل نفس الخدمتين دول موجودين في HSBC ؟
زائد ماكينات ATM هل متوفرة بكثافة خاصة ماكينات الإيداع ولا قليلة زي البنك الأهلي المصري ؟
آخر حاجة لو عملت إيداع لمبلغ هل ممكن يقعد لتاني يوم وأحيانا لتالت يوم على ما يتفعل في الكريديت كارد ولا بيتفعل في نفس اليوم ؟
أرجو الرد الوافي مع جزيل الشكر ولو في بنك تاني فيه المزايا دي غير HSBC ياريت برده حد يفيدني

**أبو آسر** · 08-11-2013 06:09 PM

المشاركة الأصلية كتبت بواسطة dede_dodo88

كل ده موجود في hsbc بالأضافة للأنترنت البنكي ممكن تشوف الأرصدة من عليه و تحمل تحويلات و في كمان application على الموبايل للأندرويد و الأي فون تقدر تعمل من عليه الحاجات دي و أستخدامه بالنسبالي أسهل من الأنترنت البنكي..
في معمول برضه جديد phone banking تقدر تعمل من عليه أي حاجة في أي وقت بس ده أنا لسة مجربتهوش..

ممتاز
يعني تنصحني أسيب البنك الأهلي وأنقل مع البنك ده ؟

**أبو آسر** · 08-11-2013 06:36 PM

المشاركة الأصلية كتبت بواسطة dede_dodo88

هو لو أنت بتدور على النقط اللي كاتبها فوق يبقى أكيد هتتبسط مع hsbc,
هو يمكن بس أنتشار الفروع و الـatms هيكون أقل نسبياً من البنك الأهلي طبعاً بس فروعه برضه تعتبر كتير و الـatms منتشرة في كل حتة و كلها فيها أمكانية الأيداع, بس خلي بالك أن مش على طول الأيداع بيبقى شغال في الماكينة, يعني ساعات الخدمة بتقف شوية بس بتشتغل تاني بعدها بحبة..

أنا أهم حاجة عندي يكون في ماكينة إيداع بمدينة العبور
فهل فعلا كل الماكينات فيها إيداع ؟ ولا قصدك معظمها ؟

-

-

مشاهدة نتائج الإستطلاع: ما هو افضل بنك اجنبى فى مصر؟

الموضوع: ما هو افضل بنك اجنبى فى مصر؟

LinkBack

أدوات الموضوع

عرض

-

-

-

-

-

المواضيع المتشابهه

اغانى اجنبى عدله فين ؟؟؟؟؟؟؟؟؟؟

ايه افضل فيلم اكشن او اجتماعى اجنبى شوفته لعام 2011

عايز شخص اجنبى يعلمنى انجليزى

مشهد غريب فى فيلم اجنبى

الكلمات الدلالية لهذا الموضوع

المفضلات

المفضلات

ضوابط المشاركة