تكييف الاليزيه و الفتيس

**kamero** · 28-06-2013 02:43 AM

طب وبالنسبه ل امبير الحراره ؟؟
اللى بقى لمبه ؟؟ فيه اى مشكله ؟؟؟ فدنى ارجوك بسرعه عشان قربت استلم وخايف منه !

**Ahmed Amin** · 28-06-2013 03:15 AM

المشاركة الأصلية كتبت بواسطة kamero

طب وبالنسبه ل امبير الحراره ؟؟
اللى بقى لمبه ؟؟ فيه اى مشكله ؟؟؟ فدنى ارجوك بسرعه عشان قربت استلم وخايف منه !

خايف من أيه ؟!!!
معظم العربيات الجديدة مفهاش مشاكل من الحرارة, أو خليني أقولها كل العربيات الجديدة مفهاش مشاكل في الحرارة لحد 5 سنين قدام علي الأقل كمان.

وكل العربيات الجديدة عداد الحرارة بتاعها بيبقي ثابت علي النص , أو وما بين 70 كحد أدني, إلي 100 كحد أقصي.

وعشان العداد يا يفضل دايماً ثابت علي النص, أو بيتحرك في رينج ال 70 ل 100,وفي الحالتين مفهوش ضرر علي العربية في حاجة.
الضرر بيجي لما تحصل مشكلة في دورة التبريد ودرجة الحرارة بتزيد عن 100.

ساعتها بدل ما العداد يبدأ يزيد, وممكن متركزش معاه ولا تاخد بالك منه, هتنور لك لمبة في الطابلوة تعرفك إن الحرارة زادت,, وهتاخد بالك منها عشان في العادي هيا مبتنورش في العادي عشان تعرف إن العربية سخنت وكدا في مشكلة في دورة التبريد.

والعداد إتشال عشان في الغلب عشان توفير التكلفة,
وفي عربيات كوري زي الأكسنت اللي قبل ال rb مفهاش عداد حرارة برضه, وأنا كنت أستغربت لما ركبتها بس مفهاش أي مشاكل في الحرارة لحد دلوقتي برضه.
فيها مؤشر البنزين بس والسرعة وعدد لفات الموتور.

**zooma2009** · 28-06-2013 12:17 PM

المشاركة الأصلية كتبت بواسطة samyyousef

هل نوع الفتيس اوتوماتيك تقليدي

الفتيس استبترونك ... مع وجود خاصيه السبورت درايف , وخاصيه تانيه عشان السواقه علي الطرق الزلقه

**zooma2009** · 28-06-2013 12:21 PM

المشاركة الأصلية كتبت بواسطة karim hegab

شكرا ياريس ... انا جربت العربيه هنا فى جده وممتازه جدا ماشاء الله ... بالمكيف ومن غيره زى الفل ...

ما شاء الله .... يعني التكييف كمان اداءه كويس ف جده !!! .... ربنا يباركلك فيها يارب

**zooma2009** · 28-06-2013 12:22 PM

المشاركة الأصلية كتبت بواسطة hossam_elwani

ربنا يباركلك فيها

ربنا يخليك يا حسام باشا .... منور القسم كله بمشاركاتك :b4_095:

**zooma2009** · 28-06-2013 12:25 PM

المشاركة الأصلية كتبت بواسطة abo_salah

انا كنت عايز اعرف حاجه عن كلام حضرتك عن الفتيس ...
هو dualogic ??
اصل نفس الوصف بتاع حضرتك ده عندي في الجراند بونتو 2013 ..
حاسس انه ذكي شويتين تلاته .. علي حسب سواقتك بينقل علي سرعات مختلفه ..
وباحس بالنقله فعلا في وسط الزحمه اكتر حاجه ... لدرجه اني بافضل اخليها مانيوال وسط الزحمه واتوماتيك لو الطريق مفتوح ....

والله يا باشا انا لحد دلوقتي مستلمتش المانوال بتاع العربيه ... ف مش عارف النوع بالظبط ايه ... اللي متأكد منه انه استبترونك 4 نقلات ... وكان فيه مشاركه من احد الاعضاء بيقول فيها انه موديل at8

تقريبا الموضوع ده فكل الاوروبي .... بس اعتقد دي حاجه عاديه .. لأن نفس الفتيس موجود في البيجو 508 والعربيه ما شاء الله ... وحش

**zooma2009** · 28-06-2013 12:29 PM

المشاركة الأصلية كتبت بواسطة kamero

طب وبالنسبه ل امبير الحراره ؟؟
اللى بقى لمبه ؟؟ فيه اى مشكله ؟؟؟ فدنى ارجوك بسرعه عشان قربت استلم وخايف منه !

يا باشا ان شاء الله مفيش مشكله فيه خالص

انا كان معايا عربيه لانسر 2000 يعني 13 سنه والحمد والشكر ليك يارب عمر المؤشر ما اتحرك عن النص

وبعدين لو حصل اي ارتفاع فدرجه العربيه العربيه مش هتسيبك ... ده لماالبنزين قرب يخلص العربيه دوشتني وكل شويه يطلعلي رساله علي شاشه الكمبيوتر وتعمل صوت alarm كده , تخيل بقي لو الحراره ارتفعت لا قدر الله

**zooma2009** · 28-06-2013 12:29 PM

المشاركة الأصلية كتبت بواسطة leitosr

خايف من أيه ؟!!!
معظم العربيات الجديدة مفهاش مشاكل من الحرارة, أو خليني أقولها كل العربيات الجديدة مفهاش مشاكل في الحرارة لحد 5 سنين قدام علي الأقل كمان.

وكل العربيات الجديدة عداد الحرارة بتاعها بيبقي ثابت علي النص , أو وما بين 70 كحد أدني, إلي 100 كحد أقصي.

وعشان العداد يا يفضل دايماً ثابت علي النص, أو بيتحرك في رينج ال 70 ل 100,وفي الحالتين مفهوش ضرر علي العربية في حاجة.
الضرر بيجي لما تحصل مشكلة في دورة التبريد ودرجة الحرارة بتزيد عن 100.

ساعتها بدل ما العداد يبدأ يزيد, وممكن متركزش معاه ولا تاخد بالك منه, هتنور لك لمبة في الطابلوة تعرفك إن الحرارة زادت,, وهتاخد بالك منها عشان في العادي هيا مبتنورش في العادي عشان تعرف إن العربية سخنت وكدا في مشكلة في دورة التبريد.

والعداد إتشال عشان في الغلب عشان توفير التكلفة,
وفي عربيات كوري زي الأكسنت اللي قبل ال rb مفهاش عداد حرارة برضه, وأنا كنت أستغربت لما ركبتها بس مفهاش أي مشاكل في الحرارة لحد دلوقتي برضه.
فيها مؤشر البنزين بس والسرعة وعدد لفات الموتور.

مفيش كلام زياده ممكن يتقال :b4_095:

**zooma2009** · 28-06-2013 12:32 PM

المشاركة الأصلية كتبت بواسطة asuity

ربنا يباركلك يا zooma في عربيتك ويملهالك بركة
انا والله سواقتي هادية .. بس والله العربية بتنح (احيانا) معايا لما التكييف بيكون شغال بمعنى اني لما بدوس على دواسة البنزين العربية مش بتستجيب ومش بتتحرك!!

عموما انا هتابع مع التوكيل وفرنسا .. وانتوا كمان ركزوا مع العربية.

والعربية فعلا الحمد لله كويسة بس لما التكييف بيشتغل ..... لا تعليق

عموما العربية بتنتشر ماشاء الله شوفتها كذا مرة ودي ميزة ان شاء الله لكل الملاك

ربنا يبارك للجميع .. امين

انت تقصد انها بتأخر حاجه بسيطه بعد كده بتكمل عادي ولا ايه بالظبط ؟؟؟

يا باشا زي مقولتلك العربيه ما شاء الله موتور جبار وفتيس رائع وتكييف ياباني ... ازاي تأثر عالسحب؟؟

اكيد فيه حاجه هتتظبط فالتوكيل ان شاء الله انا متابع معااك ولو تحب نتقابل انا معنديش مشكله

او ممكن نتابع سوا مع عز العرب ومتخليش حاجه تضيع فرحتك بالعربيه