استلمت عربيتى اللانوس من كام يوم وقولت اشاركم فى الحاجات اللى جبتها واللى بفكر فيها لسه

من كام يوم نزلت التوفيقيه جبت من هناك

-كسوه للدركسيون
-وطفايه شكلها زى كوبايه كده وبغطاء بس مفيده اكتر من طفايه العربيه
-وملمع تابلوه بس مش النوع اللى بيجى معاه سفنجه ده نوع تانى يترش بس على التابلوه من غير ماتمسحه بعد الرش وده تركى وهو معطر فى نفس الوقت بس ريحته لاقيتها ضعيفه شويه وبتروح بسرعه
-ورياشه فرو كده عشان مسح التراب من على العربيه
-ولقيت محل بيبيع استيكرز وكاربون فجبت كاربون عشان كنت عاوز اكسى الاكصدمات حمايه ليها بس مش اكتر
كارت كده فى انبوبتين للصق بس لون اللص شفاف كنت عاوز حاجه كده عشان حاسس ان علامه الشيفورليه اللى ورا مش ثابته وممكن تقع بس لسه مجربتهوش

دول اللى جبتهم كمان اتفرجت على فرش العربيه اللى هناك بس بصراحه قلقت اجيبه من هناك
النهارده روحت شارع المطبعه وركبت فاميه للبابين اللى قدام عشان اللى ورا عندى زجاج غامق وكسيت الاكصدامين بالكاربون

الحاجات اللى لسه عاوز اعملها

1- فرش للكراسى والكنبه عشان احافظ على فرش الفابريكه
2- عراقات بس لسه محتار اى خامه اجيبها
3- عاوز اجيب كاسيت بس ده بقى انا محتار فيه
انا عاوز اجيب حاجه بشاشه ويكون فيها بلوتوث وجى بى اس كنت لاقيت حاجات على امازون بس مش double din يعنى كاسيت عادى والشاشه بتطلع منه بس ده مالقيتوش هنا لسه والناس قالتلى ان الرف اللى تت الكاسيت بيتشال وممكن تركب عادى double din مكانه بيكون مظبوط بس ياريت لو حد يعرف الاسعار للكاسيتات دى يفيدنى
4- ستاير كبس ودول كنت لاقيتهم فى التوفيقيه وبصراحه كانوا حلوين قوى ومش عارف ماجبتهومش ليه