الموضوع: إحنا كمان شركاء فى أزمة البنزين موضوع للنقاش

السلام عليكم ورحمة الله وبركاتة

موضوع مطروح للمناقشة ياتري اللى شوفته دة حقيقة أم خيال صح ولا ليكو رأي تاني

الزمان : اليوم الخميس الموافق 27/6/2013



المكان : طريق منيا القمح الزقازيق الزراعي




من أمام بنزينة TOTAL



كنت مستني سيارة الشركة الساعة تقترب من الخامسة والنصف صباحا طبور طويل مش واضح اذا كان طابور واحد او اتنين او ثلاثة المهم الملفت للانتباه ان كل عربية تقف فى الطابور ينزل قائد السيارة وف ايدة جركن او أتنين ويطلع لحد البنزينة ويرجع والجركن مليان فى ايدة ويفضل بردو واقف فى الطابور




بصراحة كنت حابب اقرب اكتر للبنزينة وادخل اصور المشهد من الداخل بس للاسف مكنش عندي الجراءة المطلوبة لذلك







بس هوصفلكو المشهد .... بعد وصول سيارة الشركة وبعد ان انتهي الطابور الطويل بصيت داخل البنزينة واكتشفت ان الطابور اللى صورته مكنش الاول ولا الاخير اكتشفت وجود طاااااااااااااابور تاني من التكاتك والموتسيلات والجراكن

وللاسف الناس كانت عاملة خناقة وزحمة شديدة جمب طلمبة البنزين ومبقتش عارف مين بيعمل اية لا نظام ولا ذوق ولا أخلاق كله بيقول انا ومن بعدي الطوفان


اللى زعلني بجد الناس اللى كانت بتروح تملي الجركن لا يقل عن 20 لتر وترجع تاخد غيرة دة طبعا غير العربية نفسها



بالمناسبة أنا من القاهرة ولاكن فى زيارة عائلية للشرقية وامس كنت قاعد مع واحد بيقولو أنه بيتاجر فى البنزين قولتلو لو محتاج جركن بنزين 20 لتر يكون 80

قاللي بـــ 60 جنية يابيه دة علشان خاطر انك ابن عم فلان وكمان ضيف علينا

قولتلو معقول 60 قاللي أنا ببعية بـــــ 80 جنية واللى مش عاجبة يدور على بنزين



حبيت أنقل تجربتي ....... للاندهاش ...... المناقشة ..... الاستفادة