هجيب بايك .. وخايف .. وعايز اسئل .. وعايز اتعرف .. ساعدوني

[OVERLINE]بسم الله الرحمن الرحيم

اول حاجة انا ملاحظ ان المنتدي نايم حبتين .. فا لو في جروب عالفيس او حاجة نتجمع فية قولولي .. لحسن انا هتجنن وهتشل .. انا بشوف مواضيع مهمة اوي هنا لكن ميتة ومحدش بيرد عليها

المهم .. انا كنت راكب عربية .. وحصلت ظروف في شغلي واتنقلت للغردقة .. وما ادراك ما هيا الغردقة .. الجمال والسحر .. المهم موضوع اخد العربية معايا فكس .. المشوار + البنزين .. خوف الاهل .. + الصيانة قفلي الموضوع خالص ..

وبقيت مقضيها مواصلات .. من ركوب عربية .. ل باقي الخمس ياسطي :(

المهم قررت ان مفيش حل غير ال بايك .. مع اني بكره البايك عشان الحوادث الي بشوفها وكدة لكن خلاص مفيش غيرو .. سريع .. وشكلو جميل .. وهيعمل شغل وهنطور بية العلاقات المصرية الروسية :10D5C8w1107:

من الاخر يعني انا واحد هخلص شغلي .. هضرب الطقم اركب البايك اخد بية اللفتين الحلوين .. واركن واقف علي رجلي (وقفة القطعنة ) زي ما بيقولو
ولا بتاع جري ولا رفع احصنة ولا الشغل دة لأني بخاف بصراحة بالعربية كان اخري 140 - 160 وعلي طريق مفتوح او سفر
المهم الواحد يبدأء ب 250 ولا 400 !!

ناس تقولي ال 250 معزة .. وكنبة .. وصغيرة .. وتعبانة .. واعطالها كتير .. وناس تقولي لو هتبتدي يبقي تجيب 250 تدرب عليها وتتعلم عليها

وناس تقولي اركب 400 علي طول .. المشكلة يا رجالة في الكاشات انتو فاهمين انا في نص الطريق حوشت 5 بواكي .. وفاضلي 7 .. (مش هدفع في 250 اكتر من 12 باكو )

انتو اية رائيكو العين بصيرة والايد بصيرة

ياريت بما اني مبتدأ الناس تشرحلي الاتي
ال 250 = يعتبر بقوة اية بالظبط وادائو عامل اية (لو هركبو لوحدي محدش هيركب علية معايا )
ال 400 = اقوي من ال 250 بنسبة كام % .. وهل الفرق ملحوظ اوي شكل واداء ومشاكل
ال 400 حاليا .. = يعمل رينج كام فلوس لو حالة ممتازة ادور وامشي

ساعات بشوف مكن بيتباع مكتوب (معمولو عمرة كاملة ) .. هل معمولو عمرة دة معناة ان المكنة حلت ؟ طب عشان بس نبقي فاهمين البايكات الي موجودة في مصر ال 250 او 400 موديلات 89 90 91 92 فا المكن اكيد خلصان فا انا عشان الصورة تبقي واضحة
ال 250 او 400 عمتا لما بتكون حالتو ممتازة هل معناة ان البايك من اول ما اخترع لحد يومنا دة لسة بالمكنة الاصلية .. ولا مقصود ان المكنة اتعملها عمرة كاملة وبقت تمام

طب المكنة لما بيتعملها عمرة حتي لو 100 في مكان سليم وميكانيكي محترف .. بترجع زي الاؤل او اداء قريب من الاؤل ؟

سعر المكنة كام انا ساعات بشوف مكن معروض ب 3500 - 4000 و 5000 بيقولك محتاج جوان .. او محتاج سبيكة او وش سلندر هل المكن دة بيكون لقطة ولا انا هنضرب علي عيني :D لو اخدتو

يعني مثلا اخدت بايك ابو 4-5 بواكي .. وركنتو في الجراج .. وابتديت واحدة واحدة اصرف علية

هبقي انا كسبان .. ولا هنضرب علي عيني وهدفع حق البايك الجديد ومش هيبقي زيو :(

المهم نجاوب علي الاسئلة دي وبعدين ارجع اقرفكو ببقية الاسئلة :D
[/OVERLINE]

اقتباس:

---

المشاركة الأصلية كتبت بواسطة kok200

[overline]بسم الله الرحمن الرحيم

اول حاجة انا ملاحظ ان المنتدي نايم حبتين .. فا لو في جروب عالفيس او حاجة نتجمع فية قولولي .. لحسن انا هتجنن وهتشل .. انا بشوف مواضيع مهمة اوي هنا لكن ميتة ومحدش بيرد عليها

ده عشان اغلب البايكرز (بايكرز نايل موتورز)اتجهو للفيس مش زى زمان على فكرة انا عضو فى المنتدى من 5 سنين كان منتدى الدراجات اكتر من رائع

.. المشوار + البنزين .. خوف الاهل .. + الصيانة قفلي الموضوع خالص ..

مش فاهم قصدك من الجزئيه دى

وبقيت مقضيها مواصلات .. من ركوب عربية .. ل باقي الخمس ياسطي :(

المهم قررت ان مفيش حل غير ال بايك .. مع اني بكره البايك عشان الحوادث الي بشوفها وكدة لكن خلاص مفيش غيرو .. سريع .. وشكلو جميل .. وهيعمل شغل وهنطور بية العلاقات المصرية الروسية :10d5c8w1107:

طبعا اهم حاجه تطوير العلاقات الروسيه اهم من الشغل:36_1_34[1]:

من الاخر يعني انا واحد هخلص شغلي .. هضرب الطقم اركب البايك اخد بية اللفتين الحلوين .. واركن واقف علي رجلي (وقفة القطعنة ) زي ما بيقولو
ولا بتاع جري ولا رفع احصنة ولا الشغل دة لأني بخاف بصراحة بالعربية كان اخري 140 - 160 وعلي طريق مفتوح او سفر
المهم الواحد يبدأء ب 250 ولا 400 !!

متركبش 250 نهائى ال 400 احسن سواء ريسنج او كاستم او ستريت بايك
لو مش عارف الفرق بين التلاته اقولهمك

ناس تقولي ال 250 معزة .. وكنبة .. وصغيرة .. وتعبانة .. واعطالها كتير .. وناس تقولي لو هتبتدي يبقي تجيب 250 تدرب عليها وتتعلم عليها

هى فعلا كده واكتر

وناس تقولي اركب 400 علي طول .. المشكلة يا رجالة في الكاشات انتو فاهمين انا في نص الطريق حوشت 5 بواكي .. وفاضلي 7 .. (مش هدفع في 250 اكتر من 12 باكو )

والله لو انا مدفعش فيها ال 5 بواكى ولا حتى لو هاخدها ب 5 بواكى شاى:10_1_104v[1]:

انتو اية رائيكو العين بصيرة والايد بصيرة

ياريت بما اني مبتدأ الناس تشرحلي الاتي
ال 250 = يعتبر بقوة اية بالظبط وادائو عامل اية (لو هركبو لوحدي محدش هيركب علية معايا )

بص هو بيجرى واداءه مش سئ للدرجه

ال 400 = اقوي من ال 250 بنسبة كام % .. وهل الفرق ملحوظ اوي شكل واداء ومشاكل

الشكل تقريبا واحد وفى موضوع مثبت بيشرح الفرق بينهم فى الشكل ممكن تقراه..ال 400 تقريبا 60 حصان ال250 مش فاكر بصراحه كام بالظبط بس حوالى 40 (مش متأكد من المعلومه دى)

ال 400 حاليا .. = يعمل رينج كام فلوس لو حالة ممتازة ادور وامشي

ال400 فيه منه موديلين العاده وده من 15 ل 19 والفاير من 20 ل 25 حسب الحاله طبعا كـ ماتور و فيبر وكده

ساعات بشوف مكن بيتباع مكتوب (معمولو عمرة كاملة ) .. هل معمولو عمرة دة معناة ان المكنة حلت ؟ طب عشان بس نبقي فاهمين البايكات الي موجودة في مصر ال 250 او 400 موديلات 89 90 91 92 فا المكن اكيد خلصان فا انا عشان الصورة تبقي واضحة
ال 250 او 400 عمتا لما بتكون حالتو ممتازة هل معناة ان البايك من اول ما اخترع لحد يومنا دة لسة بالمكنة الاصلية .. ولا مقصود ان المكنة اتعملها عمرة كاملة وبقت تمام

لا المكنه اللى معمولها عمرة بلاش منها لسببين اولا الخامات المستخدمه بتكون رديئه جدا
ثانيا الميكانيكى اللى بيقفل الموتور تانى اكيد مش هيقفله زى الشركه والمكنه اللى بتعمل عمرة لازم تروح للميكانيكى بعد العمرة مباشرة عشان بيكون نسى يعمل حاجه ممكن تلاقى مشكله فى دورة التبريد المروحه مثلا..مش شغاله..فى مشكله فى الكهربا..مشكله فى حساس (الدبوس)مثلا..فى ترشيح زيت.......المهم انها مش بتتقفل زى ما كانت ابدا

طب المكنة لما بيتعملها عمرة حتي لو 100 في مكان سليم وميكانيكي محترف .. بترجع زي الاؤل او اداء قريب من الاؤل ؟
لا

سعر المكنة كام انا ساعات بشوف مكن معروض ب 3500 - 4000 و 5000 بيقولك محتاج جوان .. او محتاج سبيكة او وش سلندر هل المكن دة بيكون لقطة ولا انا هنضرب علي عيني :d لو اخدتو

لا هتتضرب على عينك فيها

يعني مثلا اخدت بايك ابو 4-5 بواكي .. وركنتو في الجراج .. وابتديت واحدة واحدة اصرف علية

هبقي انا كسبان .. ولا هنضرب علي عيني وهدفع حق البايك الجديد ومش هيبقي زيو :(

هتتضرب على عينك برضه ومتتغرش فى الاسعار

المهم نجاوب علي الاسئلة دي وبعدين ارجع اقرفكو ببقية الاسئلة :d


تحت أمرك يا بيه فى اى سؤال وربنا يوفقك فى القرار السليم[/overline]

---

بوص من الاخر 250 No No No يعنى لا لا لا اركب 400 يكون بعد 1994 ويا سلام لو تبقا 1998 NC29 Gullarm هيا نادرة شوية فى مصر هتلاقيها فى رنج 25 او 24 استيراد

شكرا يا رجالة علي الردود.. الواحد كان نفسو في 250 عشان تبقي حنينة في المصاريف .. بس الواحد مش مستعد يجيب بايك .. يركبو ساعة ويصلح في 10 ساعات .. خصوصا ان معتقدش في الغردقة هيبقي في ناس متخصصين او محترفين زي القاهرة في الموضوع دة .. انا كدة قدام سكة سفر .. عقبال ما الفلوس تتحوش وتحضر .. موال .. بس ان شاء الله بالعزيمة كل حاجة تحصل
انا كنت شوفت محلات وناس بتبيع قسط .. بس عرفت ان حوار القسط خصوصا في البايك لازم يبقي فية خابور .. يا البايك فية حوار .. وصحبو مطلعو قسط عشان يخلص منو .. يا مبالغ في تمنو بطريقة غبية

طب تمام احنا كدة اتفقنا علي 400 ..

دلوقتي ال 400 اشكال والوان .. وموديلات وتواريخ

ممكن شرح ولو مبسط اية الفرق بين موديل 89 .. وموديل مثلا 98

ولية البايك في السعر مبحسش بأختلاف بلاقي 89 بينطلب فية 18 وال 98 ينطلب فية 20 و94 ينطلب فية 15
وهل الشكل (الرسمة او اللون ) بتاعت البايك عامل اساسي في تمنو
ولية ناس تقولك مثلا هات موديل كذا او شكل كذا او سنة كذا افضل

ياريت شرح مبسط يعني تطور البايك مثلا من 89 لحد 98 اية التطور الي حصل فية واية الاختلافات
وال 400 يعتبر في قوة اية من (العربيات ) ^_^ كا اولاني تاني تالت

ولو هشتري اجيب استيراد واريح دماغي ؟ ولا اشتري من ناس !!
الحمد الله في اكتر من شخص محترم هنا عرض عليا المساعدة وقت التنفيذ وناس كتير قالتلي هتقف جنبي بس انا اخدت بالي من نقطة صغيرة ان الي مثلا شاري بايك ب 20 مبيبقاش عايز يخسر فية ويقول 19 في البيع والي اشتري ب 19 عايز يبيعو ب 18 وهكذا .. :d فا الفرق بين الاستيراد والمستعمل كام % كا اداء وقوة وشاسية وحالة

اسئلتك سهله جدا بس ملهاش اجابه اجاباتها صعبه

موديل 88 و 89 موديلات عادة موتور رياضى بس عزمه اقل شوية من موديلات من 90 ل 98 هم نفس الامبير 190 وممكن تكسر ال200 بس الفاير(موديلات 90 ل 98) تجميع وسحب اعلى..
بمعنى انك لو هتجرّى مكنتين 400 واحده عاده و واحده فاير مسافه معينه مثلا 1 كيلو ال400 الفاير توصل الاول لانها هتجمّع سرعه اسرع..
و مينفعش تقارن عربيه بمكنه بس ال 400 عموما مكنه ادائها حلو واعتماديه وجرايه يعنى تقدر تقولى ادائها مقارنة بباقى المكن زى اداء اللانوس مقارنة بالعربيات
بس مش معنى كده ان ال 400 زيها زى عربيه لانوس

اتمنى تكون المعلومه وصلتك وانا عارف ان شرحى معقد شوية بس هى الفكرة سهله

بالنسبه للسعر فا انا قولتهولك قبل كده اى اسعار غير اللى قولتهالك استهبااااااااال

بوص حضرتك 400 فاير بعد موديل 94 لو الى راكبها محترف اضمنللك انها لو قدام لانسر الانسر مش هتحل ولا هتبل قدمها لان تجميعها فى السرعة جامد يعنى ممكن 100 كيلوا فى 5 ثوانى لو حالة البايك كويسة بوص هيا تعتبر حاجة حلوة من الطبقة المتوسطة واسعار قطع الغيار كويس يعنى تقدر تقول معقولة وحاجاتها متوفرة ومينفعش تقارن موتوسيكل رياضى (ريس) باى سيارة لان اغلببية او معظم الى فى السوق زى السيراتو والكارينز وى الفيرنا وى الانوس وى الحبشتكنات دى كلها لو موتوسيكل 400 عادة مش هيعملوا حاجة قدامو وخوش على اليوتيوب واتفرج وانتا تحكم بنفسك

انا شايف بعيني مكنة 400 فاير .. طالعة من 2.4 مايفيك لانسر .. طبعا قدام الانسر طلعت لأن الريس لية توب سبيد مش هيزيد عنها

انا الفكرة كلها اية الفرق بين موديلا 89 لحد 98

ولية اسعارهم واحدة

باشا مش واحدة اوى انا شوفت على النت الاسعار و النضيف سعره مش بيقل عن 22 بالميت من ال 400 فير الموديل العالى يعنى وفوق 1994 و لحد 1998 كله بيبقا فى رنج 20 الى 22 لو نضيفة لكن لو بيك تعبان صحبه بيرميه باى فلوس عشان يخلص منه اهم حاجة حالة البيك ما فى بيك شوفتها 600 rr 2006 و كانت ب 50 و شوفت 1000 rr 2007 و كانت ب 45 الف فا مش مقياس حالة البيك و الرخصة الى فيها و الكماليات و الافراج و الحاجات دى كلها بتحكم عليها فى سعرها حاجة مهمة اوى اقولهالك بما انك متابع فى العربيات مش فى حاجة اسمها لانسر خليجى لو مس موديل البطة خليجى بيبقا كتير اوى سعره قريب من كرستالة عادية نفس الموضوع فى البيكز البيكز المميز سعره ديما بيبقا عالى انا بقا سوالى كله فى حاجة واحدة بس انا شوفت كل موديلات ال 400 و ال 250 اغرب موديل قابلنى هو ده


[sor2]http://i201.photobucket.com/albums/aa12/kznofa/14000.jpeg[/sor2]



لو لحظته البيك ده الجنط مختلف كمان باين اوى مفيش عليه حاجة مسكاه من النحية دى و تحس كمان ان البيك واطية شوية ولا انا بتهيالى ولا ايه مش عارف بقا الموديل ده ايه بظبط

شزفو بقا دوال و هتعرفه الفرق



[sor2]http://img834.imageshack.us/img834/6561/12132343718745392743275.jpg[/sor2]




[sor2]http://img3.imageshack.us/img3/3891/cbr400rr.jpg[/sor2]

[/CENTER]

متركبش 250 نهائى ال 400 احسن سواء ريسنج او كاستم او ستريت بايك
لو مش عارف الفرق بين التلاته اقولهمك

ياريت تقول الفرق ياعمرو بك وايه الافضل للمشي اليومي في شوارع مصر وطرق سفر برضه..

طب تمام اتفقنا عال بايك 400

السؤال بجد هنا اية الفرق بين موديلات 89 .. لحد 98 الفروق فية اية بالظبط

اقتباس:

---

المشاركة الأصلية كتبت بواسطة checo4lamor

باشا مش واحدة اوى انا شوفت على النت الاسعار و النضيف سعره مش بيقل عن 22 بالميت من ال 400 فير الموديل العالى يعنى وفوق 1994 و لحد 1998 كله بيبقا فى رنج 20 الى 22 لو نضيفة لكن لو بيك تعبان صحبه بيرميه باى فلوس عشان يخلص منه اهم حاجة حالة البيك ما فى بيك شوفتها 600 rr 2006 و كانت ب 50 و شوفت 1000 rr 2007 و كانت ب 45 الف فا مش مقياس حالة البيك و الرخصة الى فيها و الكماليات و الافراج و الحاجات دى كلها بتحكم عليها فى سعرها حاجة مهمة اوى اقولهالك بما انك متابع فى العربيات مش فى حاجة اسمها لانسر خليجى لو مس موديل البطة خليجى بيبقا كتير اوى سعره قريب من كرستالة عادية نفس الموضوع فى البيكز البيكز المميز سعره ديما بيبقا عالى انا بقا سوالى كله فى حاجة واحدة بس انا شوفت كل موديلات ال 400 و ال 250 اغرب موديل قابلنى هو ده


[sor2]http://i201.photobucket.com/albums/aa12/kznofa/14000.jpeg[/sor2]



لو لحظته البيك ده الجنط مختلف كمان باين اوى مفيش عليه حاجة مسكاه من النحية دى و تحس كمان ان البيك واطية شوية ولا انا بتهيالى ولا ايه مش عارف بقا الموديل ده ايه بظبط

---

ديت مش CBR ديت HRC او VFR تقريبن:tongue32:

اقتباس:

---

المشاركة الأصلية كتبت بواسطة kok200

طب تمام اتفقنا عال بايك 400

السؤال بجد هنا اية الفرق بين موديلات 89 .. لحد 98 الفروق فية اية بالظبط

---

بوص حضرتك قبل ال 90 عادة وجنط ثلاثى وماستر فرامل واحد والديل من ورا فى اختلاف عند الفوانيس وشوية كماليات وطبعن الاهم فى اختلافات فى الموتور بوص الى فى الصورة بتاعت التوقيع بتاعى ديت كدة شكلها من 92 لحد 98:b4_095:

اقتباس:

---

المشاركة الأصلية كتبت بواسطة SaSa.FireBlade

ديت مش CBR ديت HRC او VFR تقريبن:tongue32:

---

طيب و دى احسن من ال cbr ولا ايه و موصفتها ايه بظبط و بتبقا موديل كام لان شوفتها على موقع دوبيز و كانت كاتب عليها cbr وكان سعرها قليل جدا كانت تقريبا ب 15000 فا هل دى حلوة ولا ايه

ديه vfr حاميه اوي علي الطريق بس مش هتعرف تجيبلها قطع غيار ولا هتلاقيلها ميكانيكي يعرف يشتغب فيها
و نادره ممكن تعود شهر و اتنين و تلاته بتبيع فيها
و ديه ال 400 منها عداده تقريبا 260 حاميه جدا بس زي ما قولتلك
و كمان ال سليندرات علي شكل v مش inline زي ال cbr
عشان كده احمي من ال cbr
و ال400 عاده قبل ال90 قدام علي ديسكين مش ديسك واحد

اقتباس:

---

المشاركة الأصلية كتبت بواسطة ME5EMR

ديه vfr حاميه اوي علي الطريق بس مش هتعرف تجيبلها قطع غيار ولا هتلاقيلها ميكانيكي يعرف يشتغب فيها
و نادره ممكن تعود شهر و اتنين و تلاته بتبيع فيها
و ديه ال 400 منها عداده تقريبا 260 حاميه جدا بس زي ما قولتلك
و كمان ال سليندرات علي شكل v مش inline زي ال cbr
عشان كده احمي من ال cbr
و ال400 عاده قبل ال90 قدام علي ديسكين مش ديسك واحد

---

بس مكتوب عليها hcr انا بس الى مستغربله ان هى من وراه الجنط بتعاها كله باين و شكله مختلف عن ال cbr مينفعش مثلا ال cbr تتعدل كده

حبيت اعدي واقول شكرا جزيلا لكل اللي افاد زميلنا في رحلة الشراء

من رائى متجبش 400 فاير برضه انا شايفها كنبه برضه هاتلك 600 f2 مقاربه لسعر ال400 فاير

اقتباس:

---

المشاركة الأصلية كتبت بواسطة alm3zab

من رائى متجبش 400 فاير برضه انا شايفها كنبه برضه هاتلك 600 f2 مقاربه لسعر ال400 فاير

---

ممكن برضه يجيب f2 بس الراجل شكله اول مره هيركب مكنه فبلاش 600 عشان عفيه شوية عن ال 400

وال 400 الفاير مش كنبة ولا حاجه بالعكس مكنه معمرة واعتماديه جدا وقطع غيارها موجوده كتير وامبيرها بيوصل ل 200

انا رأيى افضل اختيار ليك ال 400 فاير بعد كده ممكن تنزل منها على 900 مفيش مشكله بس بعد ما تتعود على السواقه وبالذات المواتير الرياضيه شوية

اقتباس:

---

المشاركة الأصلية كتبت بواسطة karim_monir

حبيت اعدي واقول شكرا جزيلا لكل اللي افاد زميلنا في رحلة الشراء

---

ايه النور ده يا باشا ده انا اول مرة اشوفك من اول ما دخلت القسم ده بجد منور ولله و يارب متكونش اخر مرة

ياشباب إنتو كدة قلقتونى عشان انا كنت بشوف واحدة 250 عشان اتعلم عليها وبعد كدة هعلى شوية
لكن بعد الكلام دة انا صعب أوى اجيب عشان الميزانية مش هتكفى معايا وبعدين بصراحة هقلق اتعلم على 400
إيه رأيكم أجيب ولا اأجل الموضوع شويتين

تسمع نصيحتى متجبش 250 خالص خليك فى اى حاجة 400 وصدقنى مش هاتزعلك لو الحالة نضيفة وسعر اعادة البيع معقول وانتا بتتعلم خلى بالك شوية بس

الناس كلها اجمعت علي ان ال 250 مقلب ..
وفي ناس كتير مش مستعدة تلبس في الحيطة وتجيب مكنة وتخسر