امانه عليكم لتحكموا بالعدل

**وائل شويخ2** · 28-06-2013 11:34 AM

المشاركة الأصلية كتبت بواسطة mahmoud85

ماشاء الله كل واحد عمال يقول اللي علي مزاجه
عموما انزلو يوم 30 طالما انتو شايفين هو ده الحل
وكل واحد يمسك في ايده سنجه ومطوه وسيف ويخلص علي اللي يقابله
وبعد سنه كل واحد يجهز نفسه عشان هيتردله تاني اللي عمله وهكذا لحد ما ازمه البنزين تتحل ويجي مكانها ازمه مقابر

ياسيد محمد

يعنى بذمتك ياراجل ياطيب

يجرالنا ده كله ومش عايزنى أنطق ولا أفيص

ده ظلم ياعم

الله يباركلك
______________
ياسيدى الفاضل

أنا بتكلم عن نفسى

أنا لست ببلطجى علشان أشتال سنجه ولا مطوه ولا حتى سيف

وأنا مش نازل يوم 30

طالما أن مش ده الحل
_______________________

أشرحلى بالعقل والمنطق أسباب وحلول عاجله للمشكله

ومن المطالب بحلها

أنا ولا أنت ولا الحكومه

______________________

أنا بقول بالعقل مش بالتهكم وألقاء التهم بالباطل

ممكن يكون من ألى ردوا عليك

ناس نضيفه أولاد ناس لاهم بلطجيه ولا سوابق

ألى دكتور وألى مهندس وأنا بشتغل فى النيابه

________________

وكمان فيه حاجه هو علشان أنا مش عاجبنى أداء الحكومه أكون بلطجى

وهناك بعض الناس كفرونا ؟؟؟؟؟؟؟؟

**ayman hamdy** · 28-06-2013 12:11 PM

المشاركة الأصلية كتبت بواسطة hilal

(بينما رسول الله صلى الله عليه وسلم في مجلس يحدث القوم إذ جاءه أعرابي فقال: متى الساعة؟ فمضى رسول الله صلى الله عليه وسلم في حديثه ، فقال بعض القوم: سمع ما قاله فكره ما قال، وقال بعضهم: بل لم يسمع، حتى إذا قضى حديثه قال: أين السائل عن الساعة؟ قال: هأنذا يا رسول الله! قال: إذا ضيعت الأمانة فانتظر الساعة،
قال: وكيف إضاعتها؟ قال: إذا وسد الأمر إلى غير أهله فانتظر الساعة)

أفهم ان الذي لايعرف فنون الادارة يجب أن يستعين بالكفاءات الادارية حتى ولو من اليهود
ولكن الفاشل في حالتنا لا يستعين إلا بالفشلة لمجرد أنهم ثقة

عندك حق والله يا دكتور وربنا يولى من يصلح

**mahmoud85** · 28-06-2013 12:24 PM

انا موقف عربيتي بقالها اسبوعين ومتمرمط في المواصلات
الحكومه فاشله مافيش كلام
بس في شرع مين ناس بلطجيه تحاصر مسجد ويضربو فيه خرطوش ويقولو عليهم اهالي ومتمردين ؟
في شارع مين اني انزل يوم 30 مع احمد شفيق وحسين وكل الفلول ؟
في شرع مين دلوقتي كل اعضاء الحزب الوطني نازلين يوم 30 في ميدان التحرير يصححو مسار الثوره ؟

المسؤل الاول والاخير عن اللي بيحصلنا هو مرسي
ماهو لو كان راجل كان طهر الفساد وماحصلش اللي بيحصل ده
اخونه بقا مش اخونه المهم كان يشيل القرف اللي بنشوفه لسه فاكر يحاسب البنزينات الممتنعه واللي بتبيع في السوق السوده
والله الواحد جاله اكتئاب من كل القرف اللي بيحصل

**marsguy** · 28-06-2013 12:27 PM

المشاركة الأصلية كتبت بواسطة mahmoud85

انا موقف عربيتي بقالها اسبوعين ومتمرمط في المواصلات
الحكومه فاشله مافيش كلام
بس في شرع مين ناس بلطجيه تحاصر مسجد ويضربو فيه خرطوش ويقولو عليهم اهالي ومتمردين ؟
في شارع مين اني انزل يوم 30 مع احمد شفيق وحسين وكل الفلول ؟
في شرع مين دلوقتي كل اعضاء الحزب الوطني نازلين يوم 30 في ميدان التحرير يصححو مسار الثوره ؟

المسؤل الاول والاخير عن اللي بيحصلنا هو مرسي
ماهو لو كان راجل كان طهر الفساد وماحصلش اللي بيحصل ده
اخونه بقا مش اخونه المهم كان يشيل القرف اللي بنشوفه لسه فاكر يحاسب البنزينات الممتنعه واللي بتبيع في السوق السوده
والله الواحد جاله اكتئاب من كل القرف اللي بيحصل

فعلاً

too late ya Morsi ...

**mahmoud85** · 28-06-2013 12:27 PM

المشاركة الأصلية كتبت بواسطة marsguy

للأسف الشديد الشعب المصري واقع ما بين مطرقة الإخوان وإصرارهم على عدم الأخذ بنصيحة أحد. وبين سندان الفلول والمستفيدين من الأزمات

وفي الآخر اللي بيتضر و الناس العاديه اللي مالهاش في السياسه ولا فارق معاها إخوان ولا فلول

+1111111111111111

**mostafaenany** · 28-06-2013 12:30 PM

الواضح ان اى حد اخوان معترض على اى موقف من المعارضة بيشوط فى حمدين و البرادعى و باقى الفريق. مع انة لو ركز هيلاقيهم ماشين ورا الناس. الناس هى اللى فاض بيها و مش مستنية أوامر من حد.. يا عزيزى الاخوانجى مش معنى ان الاخوان ليهم كبير اللى هو "المرشد" بيتشاط فية تدور على كبير للى ضدك عشان تبقى فتك

و طبيعى جدا تلاقى ناس مختلفة معاك.. بس الحاجة الوحيدة اللى مش عليها خلاف ان البلد فى أسوء حال و الناس مبقتش مستحملة بعضها و اوعوا حد يقولى اديلوا فرصة. لو كانت الفرصة رجلا لا قالت كلام قليل الادب