الموضوع: هل تعتقدون ان سعر اللانسرex (الشارك) مبالغ فيه؟

معظم العربيات اليابانيه بل كلها قفزت اسعارها بنزول الموديلات الجديدة
مجيتش على الانسر
بس الكلام ده مش فى مصر بس فى معظم دول المنطقه

هي السيارة تحفة فعلا ... وكما قال الأخ كاسبر ان كل الياباني زاد ، فما جتش عليها خصوصا full option (لأني شايف ان الموديلات الأقل غالية جدا بالنسبة لكماليتها) لكن عامة المشكلة زي ما كتبت يارامي في الاستفتاء انها خرجت من النطاق السعري المعروف للانسر ...

المشاركة الأصلية كتبت بواسطة hanboly

رأيى ان سعرها مبالغ فيه
ولازم ينزل شويه عشان العربيه تنافس فئتها
ازاى ادفع السعر ده فيها وقدامى الميجان والسيفيك ؟

بالنسبة للميجان ... فهي تنافسها وبقوة لأن الاتنيني قريبين من بعض جدا في السعر ونفس الامكانيات والكماليات تقريبا ... (وبرده كلامي على full option) لكن بالطبع الميجان المانوال تكتسح الجميع في مقارنة السعر بالمواصفات ...

بالنسبة للسيفيك ... فهي كانت - ولا تزال - سيارة أحلامي ... لكن بعد أن وفقني الله واشتريت اللانسر ... أحسست معها بمتعة غير عادية ، وفي نفس الوقت فان اللانسر بسعرها الحالي (خاصة الخليجي - 149000 بضمان الرواس ) منافس قوي جدا للسيفيك لأن بها اضافات لو أضيفت للسيفيك سترفع سعرها كثيرا ... على سبيل المثال:

1- فتحة السقف
2- كشافات زينون
3- نظام صوتي متميز 6 سماعات . cd changer 6 CDs
4- سبويلر
5- كمبيوتر الرحلات فيها متميز جدا (لكني للأمانة لا أعرف اذا ما كنات السيفيك فيها كمبيوتر رحلات أم لا) ...

لا يا باشا السيفيك مافيهاش كمبيوتر رحلات لكن مع احترامي ليك السيفيك لا تقارن بالانسر لان السيفيك أحسن بكتير

بالنسبه للاعضاء الموقرين اللى معترضين على سعر اللانسر EX ممكن اعرف ايه رأيهم فى سعر الكورولا الجنوب افريقى ادفانسيد اللى هو 160 الف وطبعا كلنا عارفين عيب الفيتيس هل هم مؤيدين لسعر الكورولا اللى مش يابانى ومعترضين على سعر اللانسر اليابانى

بالنسبه للمقارنه بين اللانسر والسيفيك انا شايف ان اللانسر متبعه مبدأ خير الامور الوسط طبعا بالنسبه للمحركات محرك السيفيك افضل كثيرا ولا يقارن فى ادائه ببقيه اخواتها اليابانيات انما على حساب الكماليات واستهلاك البنزين انما اللانسر فيها محرك جيد اللى حد ما فى الاداء واستهلاك البنزين مع وجود كافه الكماليات الرياضيه وطبعا اللانسر افضل كثيرا من السيفيك فى اسعار قطع الغيار