المشاركة الأصلية كتبت بواسطة sameh_fouad
محمد باشا , يتربوا فى عزك ياباشا وتفرح بيهم ان شاء الله
معلش بس انت كل الحاجة اللى بتتكلم عليها مش موجودة فى السيفيك واى حاجة غير اللى هقولك علية دة يبقى عندك مشكلة ونبدأ خطوة خطوة
1- العربية واسعة بكفاية انها تاخد 3 اشخاص بالغين بجم فوق المتوسط براحة تامة , وموضوع الكراسى بتاعة الاطفال , انت لو ركبتهم فى اى عربية مهما كانت هتبلع نفس المساحة , الا بقى لو هتروح لسيارات ال suv والحجم الكبير كمان , لكن هتروح لأى عربية سيدان مش هتلاقى فرق وعن تجربة
2- شنطة العربية دية من اوسع الشنط الموجودة فى فئة السيارات هو عيبها بس ان المدخل ضيق شوية ودة عشان تصميم الايروديناميك بتاعها , لكن مساحة الشنطة نفسها كبيرة جداااااا جدااا كمان , انسى الموضوع دة
3- التكييف ياباشا الحمد لله , اخرى الظهر فية درجة 2 فقط لاغير وبالليل 1 وشكرا على كدة وبيوصل للركاب الخلفيين عادى جداااا وبيبقوا مثلجين
اللى الناس ماتعرفوش ان تكييف الهوندا جامد جداااا , بس المشكلة فى قلة الصيانة هية اللى بتعمل فية كدة , يعنى الناس فاكرين ان العربية عشان هوندا يبقى مش محتاجة صيانة طول عمرها , ودة طبعا شىء غلط , وكل مااسال واحد يقولى معملتش حاجة لية , ماشيلتش حاجة مانظفتش حاجة
راجع ياباشا على تكييفك كويس
4- انخفاض السيارة , متهيألى مش هتلاقى اوطى من السيارات 2013 دلوقتى , وبعدين عايز تشيل الموضوع دة من دماغك خالص , ركب الصدادات اللى على السوستة وشكرا على كدة انسى بقى اى حاجة
وعموما لو فعلا عايز تغير , شوف انت معاك فلوس كام , واحنا نرشحلك العربية المناسبة