كفاية سوق سودا

**eng/ahmed_go** · 28-06-2013 02:28 PM

يا جماعة احنا ليه دايما بنرمي المشاكل على المسئول (وهو طبعا عليه جزء كبير منها) بس بردو انا وحضرتك وكل واحد فينا له دور في ازمة البنزين

1-اللي بيشتري من السوق السودا بيشجع البلطجية واصحاب البنزينة وعمال البنزينة على السرقة لان مكسبهم رهييييييييييييب جداا من الحكاية دي فحصرتك لو مشترتش اكيد مش هيسرقوا او على الاقل هتقل الكمية اللي بتتسرق
2-احنا لما بنشوف السوق السودا والجراكن في البنزينات ليه منكونش ايجابيين ونبلغ وزارة التموين (انا عن نفسي بلغت مباحث التموين)
3-ليه ناس كتيير بشوفها بتفول عربيتها وكمان بتجيب جركن واتنين احتياطي والمشكلة انها ناس شكلها نضيفة وليه طبيعة الشعب اللي دايما طماع وعايز يحوش زي قيل رمضان

**Elawany13** · 28-06-2013 03:38 PM

تسلم ايدك

**Eq3la** · 28-06-2013 05:33 PM

امبارح نزلت 4 الفجر ادور على بنزينة ,, لقيت واحدة فى سهل حمزة total , العربيات طوابير برة من سهل حمزة لحد قبل المريوطية بشوية .. واللى جوة التكاتك و البلطجية وعربية نقل معاها جراكن عمالة تملا فيهم . :( والجيركن اتباع قدامى بـ 100 جنيه ! 20 لتر . سبتها وطلعت على موبيل , آللى جمب الشبراوى ! - وقفت ساعة فيها , وخلاص قدامى كام عربية لقيت النزين خلص ! وبردو كان شوية بلطجية على تكاتك بيملو جراكن ! , واقسم بالله بعد ما البنزين خلص اتباع بـ 200 جنيه قدامى :S

**Ahmed_selmy** · 28-06-2013 10:25 PM

للاسف كلامك صحيح 100 فى 100
بس بردوا الدور الرقابى عندنا فى البلد صفر .....مفير مراقبه خالص.....ولا غرامات ولا اى حاجه
وعلى فكرة فى ناس من اللى بتبيع البنزين فى الجراكن بتكون مخلطاة بميه ....يعنى محدش يفتكر انه علشان يقدر يدفع شويه زياده فى جركن انه حيكون بيعله حاجه ممتازه.
ليها حق الحكومه انها ترفع الدعم بالشكل ده ......لان الدعم مبيروحش للناس ولكن بيروح للبلطجيه اللى بيتجروا فى الناس...وحسبى الله ونعم الوكيل