الموضوع: دليل محلات قطع غيار السيارات وورش الصيانة سبرانزا

انا هكتب تجربتي الشخصية مع محل الشيخ طه
انا عملت حادثه بعربيتي اسبيرانزا 516 وواحد نصحني اسافر اشتري طلبات العربية من الحرفيين ولماروحت هناك عملت كشف بالاسعار فاكتر من محل كانت الطلبات فحدود 7500 جنيه وهي عباره عن فتيس استيراد ومساعدين ومقصين وبلي البور والسير وشوية طلبات تانيه وانا ماشي شفت محل الشيخ طه دخلت اعمل كشف السعر لقيت محل كبير ومشغل قران كريم وفعلا عملي كشف السعر بس كان أغلي من باقي المحلات بحوالي 3000 جنيه و كان هناك الشيخ طه نفسه و واحد معاه اسمه احمد تقريبا ولما قولتله السعر لقيته بره اقل بكتير قالي المحلات هيضحكوا عليك وهينصبوا عليك هيدولك حاجات متسواش جنيه ..... وفعلا اتفقنا علي السعر وعملي خصم
المهم بعد ما رجعت وخلصت سمكره العربيه لما شاف الميكانيكي الفتيس قالي ده مش استيراد ده خلع ومش كويس و طقم البلي والسير اللي كان حاسبه ليه قبل الخصم 530 طلع مش اصلي يعني البليه اللي 35 جنيه حسبها 150 جنيه واقسم بالله البليه نفسها ونفس الماركه وبتتباع بالسعر ده 35 جنيه ومقص الشداد الخلفي بس كان حاسبه ب 420 جنيه استيراد والله بيتباع في الحرفيين ب 150 استيراد وغيره والله ظلمني في الطلبات اداني الحاجه مضروبه وسعرها غالي جدا انا مكنتش هكتب الكلام ده لولا بالصدفه شفته كاتب انه يبتغي رضا الله عز وجل فحبيت اقوله حسبي الله ونعم الوكيل وعلي فكره الفاتوره معايا ولو حابب اصورها وانزلها علي الموقع معنديش مانع
حسبي الله ونعم الوكيل وربنا يجبلي حقي منه في الدنيا وفي الآخره

يا جماعة انا دايخ بقالى شهرين على اكس ل chery qq
وروحت التوفيقية والحرفيين ولفيت المحلات اللى هناك كلها ومش لاقيه خالص
هو الاكس اللى ع الشمال وقصير طوله 33سم يا ريت لو حد يدلني عليه

ولكم جزيل الشكر

المشاركة الأصلية كتبت بواسطة hugan

علي حد علمي الدايو الماتيز
نفسها او متشابهه مع الشيري كيو
شوف كده ربنا يوفقك

لا فى اختلاف في عدد تروس الاكس
بجد قطع غيارها مقرفة

رجالة التيجوا نهاركم عسل
سؤال بس على الماشي هو في دلوقتي حد بيبيع قطع غيار استيراد ناحية الهرم او فيصل

حسبي الله ونعم والوكيل