الموضوع: ماذا بعد جوان وش السلندر؟

اعضاء المنتدى الغالى عندى سؤال انا دلوقتى عملت جوان وش سلندر العربية كانت بتسخن بطريقة رهيبة وبتاكل مياه بفظاعة المهم روحت للمكانيكى انا عارف ان كان فيها جوان المهم اتعمل واتغير شوية طبب مياه وحاجة عند الطرمبة المهم السؤال انا مفروض اخد بقالى من ايه وامشى ازاى يعنى بسرعة ولا براحة ولمدة اد اية؟
شكرا مقدما

المشاركة الأصلية كتبت بواسطة engahmedsayed

اه فكرتينى كل الاراء تمام
سياتك بعد 3 ايام او 4 ايام تروح تعيد رباط على وش السليندر تحريق يعنى و يكون الرباط المسامير
نظام صلايب مش بالدور و فى خلال 3 ايام 4 ايام تمشى هدى و متحرقش على الغيار
السؤال
غيرت المياة بتاعة دورة التبريد بالكامل علشان راوسب الزيت و الخلط و القصة دى نظفتها
غيرت الزيت بالفلتر و حطيت زيت غسيل علشان دخول المياه على غرف الحريق
البوجيهات نظفتها او غيرتها علشان البخرة بتاعة المياة عليها علشان تحرق كويس

لو الميكانيكى قالك تعالى بعد كام يوم احرقلك على وش السليندر
و لو غسل دورة التبريد و دورة التزيت مع تغيير الفلاتر
يبقى ميكانيكى تمام
معملش كدة تيبقى انتا عارف هو اية
ربك المستعان

الف شكر لرد حضرتك ولكل الى ردوا هو تم تغيير البوجيهات ومياه التبريد الزيت لا لانه سليم ومفهوش شوائب بس كده كده انا حغيروا علشان مدته جت محرقش على وش السلندر بس الى اعرفه ان ده بيبقى بعد الشنير لان عندى ناس اصحابى ومع ميكانيكية تانيين وبرده محرقش فانا عايز اعرف الراى الصح لانى مش بثق فى راى الميكانيكية بالنسبة لزيت الغسيل معدقدش ينفع عندى علشان موتور قديم