رابع مره اغير قربة لوك السنتر وتبوظ مع الغسله

انا خلاص قربت اكره العربيه بجد ي جماعه
النهرده غسلت العربيه لقيت السنتر معلق عند الباب بتاع السواق والي وراه شمال بردو
روحت لبتاع السنتر قالي القربتين بتوع الباب اتحرقو عشان دخلهم ميه من الغسيل
ومش فاهم ليه رغم البابين اليمين زي الفل
وبيتغسلو بردو مش فاهم في ايه ف الشمال
ومع العلم ان ف مقدرتي اخد فلوسهم من المغسله لكن انا مش مقتنع ان هما السبب لان غسلت تلت مرات قبلها في كذا مغسله
مختلفه من انضف المغاسل جنبي وجربتهم مليون مره في غسيل الماتور والكيماوي وزي الفل
ممكن تفسير او نصيحه اخلي بتاع السنتر يعملهالي بدل مانا كل يوم اغير قربتين واول مااجي اغسل يتحرقو تاني

ملاحظه الحرق في الاربتين مع الغسيل دا بدء بعد ماغيرت الفابريكه عشان كانو بيعلقو
وبردو مغيرتش نفس الراجل بتاع السنتر حتي هو نفسه مستغرب جدا ومستحيل يعمل عليا شغل لانه صديق :(
شكرا للمشاركه :(
لله المشتكى :(

نسيت كمان ان الميه بدءت تخش بالطريقه دي بعد تغيير الاربتين الفابريكه
وبعد كسر الزجاج (سائق وخلفي شمال)
بعد اطلاق النار علي عربيتي والاتنين اتكسروا
وجبت ازاز من دكتور جريش ف الجنب الشمال
هل يكون الازاز فيه مشكله وبيسمح بدخول ميه مثلا ؟؟؟

قبل ما تغير
وقبل ما تصلح
لازم تتاكد الاول ان مفيش مية بتدخل الابواب اثناء الغسيل
يعنى تفحص بعينك الاتى :

كاوتش الباب كلة من حوالين الزجاج
الجريدة اللى بتكون على الباب من برة
مكان اللوك بتاع القفل
لوحة الزراير اللى جنب السائق
فبر الباب نفسة
مكان دخول ضفيرة الكهرباء من الحوض لباب السائق

لان مهم قبل ما تصلحهم انك تعرف اية اللى بيبوظهم

اقتباس:

---

المشاركة الأصلية كتبت بواسطة zarif

قبل ما تغير
وقبل ما تصلح
لازم تتاكد الاول ان مفيش مية بتدخل الابواب اثناء الغسيل
يعنى تفحص بعينك الاتى :

كاوتش الباب كلة من حوالين الزجاج
الجريدة اللى بتكون على الباب من برة
مكان اللوك بتاع القفل
لوحة الزراير اللى جنب السائق
فبر الباب نفسة
مكان دخول ضفيرة الكهرباء من الحوض لباب السائق

لان مهم قبل ما تصلحهم انك تعرف اية اللى بيبوظهم

---

ِشكرا لنصيحة حضرتك لكن للأسف كل مره اما بلاقي الموضوع دا ببدء اكشف عليه جوا المغسله وافك الباب بنفسي واشيك ع كل حاجه مبشوفش ميه جوا خالص وكل مره بنبه ع العامل يحسس بس على الباب من جوا بفوطه مبلله بلل بسيط