النهرده شديت مع عربيتين ويرا لغاية ال200 وأنا نايم :)
موقف طريف حصل معايا النهرده هحكيه بس من غير تريقه :tongue32:
النهرده نمت ما بين صلاة المغرب والعشاء بتاع ساعه قلت أريح فيهم
حلمت أنى سايق العربيه فى أمان الله فى شارع فاضى
وفجأه بلف دماغي شمال لقيت واحد معاه عربيه ويرا زى عربيتى بالظبط ونفس لونها ماشى معايا بنفس السرعه
بصلي وشاورلى علشان نتسابق عملتلوا حركه بإيدى زى الأفلام معناها موافق :verygood:
عدلت دماغي لقيت عربيه تانيه ويرا مسبقانى لونها أحمر مبهدله مش عارف ظهرت منين ( أشتغالات أحلام وأنا عامل نفسي مش واخد بالى :11: )
وأبتدينا السباق وأنا ماشي عالغيار التانى حرقت لحد ما جبت بيه 200 كيلو / الساعه ( علشان تعرفوا البروتون بتعمل ايه عالأسفلت وفى الأحلام كمان :3mla:)
وفجأه العربية الحمرا اللى ماشيه أمامى طاااااااارت فووووووق من على جبل ونزلت هبد عالأرض
وأنا كل ده مقلق على أستهلاك البنزين والله زي ما بحكيلكوا بس قلت مش مشكله المهم أكسب :36_7_4[1]:
أنا بصيت عالمنظر قلت أخ أنا كده هالك بلا محاله :ANSmile05:
وسبحان الله نطيت زيه وعملت خمسايه كمان ونزلنا سلمنا على بعض طلع منهم 2 مش مصريين وواحد مصرى وأخدته بالحضن كمان :friends:
صحيت من النوم بنهج ونبضات قلبى سريعه جدا" ومتوتر جدا"
والحمد لله أنا لسه عايش :002:
ملحوظه بسيطه
وأنا بتسابق مع العربيتين كانت العربية الفيرانى اللى ماشيه جنبى زى عربيتى بالظبط
ولما بصيت عليها تانى وأنا بسلم عليهم كانت كابورليه من غير سقف
( تهييس واحد نايم شغل أفلام عربى )
حد هنا بيفسر أحلام ؟؟؟